قصص أطفال

قصة النملة الذكية قصة جميلة للأطفال قبل النوم باللهجة المصرية

قصص أطفال هادفة بقلم منى حارس

جميلة هي الحدوتة البسيطة التى نحكيها لأطفالنا قبل النوم ، فيتعلموا بيها فكرة ونغرس في نفوسهم هدفا ونعلمهممن الحياة درسا ، اليوم أقدم لكم قصة النملة الذكية في موقع قصص أطفال قصة جميلة للاطفال قبل النوم بقلم منى حارس

 

قصة النملة الذكية قصة جميلة للأطفال قبل النوم باللهجة المصرية

 

كان يا مكان في يوم من الأيام ، وفي  مملكة النمل الجميله  قررت الملكة الكبيرة زماهر ملكة النمل ،  تعين وزير للمملكه وعملت مسابقه ومن خلالها هتختار الوزير الجديد من النمل للمملكة الكبيرة ،  المنادى  بقى يلف وينادى  في المملكة ويقول : يا نمل افرحوا قررت الملكه زماهر ملكتنا الحبيبة  اختيار وزير من الشعب ،  يعنى نمله منكم بشرط يفوز فى المسابقه اللي هتعملها اللي عاوز يتقدم في المسابقة يتفضل يروح عند المطحنة القديمة يسجل نفسه .

 

 

النمل  فرح جدا بس كان مشغول بالمسابقة قال يا ترى ايه هى المسابقه دى ، المنادى كمل كلامة وقال :  المسابقه هى  عبارة  عن القوة اكتر نمله تقدر تشيل اتقل حاجه ممكنه هى اللى هتفوز بالهدايه راح تكون الوزيرة ، النمله نموله ونمنمه وسمسم وسمسمه وكمان النمله شرشورة  ، قالوا احنا لازم نشترك دى مسابقه سهله  جدا ياسلام دى الملكه زماهر  دى طيبه اويومسابقاتها سهلة .

 

 

النمله نموله قالت لاصحابها  بجدية : احنا لازم يا اصحابى نتدرب ونتمرن كويس جدا ،  ايه رايكم ولازم كمان نتغذى كويس لان العقل السليم فى الجسم السليم لازم نتغذى ونركز كويس علشان نفوز بالمسابقة ، النمل اعد يضحك  بسخرية على نموله  يقول بتريقة : انتى بتقولى ايه يا نموله  ، انتى باين عليكى فاضيه دى مسابقه ساهله اوي كل واحد يشيل اللى يقدر عليه وخلاص بلا تمرين بلا كلام فارغ.

 

 

النمله نموله قالتلهم  بحزن : كدة غلط كل مسابقة لازم نتمرن ونتعلم ، انتم احرار انما انا بقى لازم اتمرن كويس واكل كويس كمان لغايه يوم المسابقه وانام بدرى كمان واصحى بدرى،واعدت نموله تتمرن وتشيل حديد واحدة واحدة ، واعدت كمان نموله تتمرت تشيل الخضار والفاكهه .

وتذود وتشيل  اكتر واحدة واحدة وقالت  لنفسها : انا لازم اتمرن انا اقدر اشيل اكتر من كدة اقدر بالصبر والتمرين والاكل الكويس K وفى يوم المسابقه اتجمع النمل علشان يشوفوا مين يا ترى النمله اللى هتكون وزيرة ومساعدة الملكه الجديدة زماهر في شؤون المملكة .

 

وبدء السباق وكانت النمله نمنمه الاولى وكانت شيله حته سكر كبيرة جدا فوق ضهرها ، وتانى نمله كانت النمله شرشورة وكانت شيله ظرف ورايحه تحدفه فى صندوق البريد ، لكن  النمله سمسمه قالت للنمله سمسم متيجى يا اختى نساعد بعض ونشيل اى حاجه مع بعض لانى تعبانى ومش قادرة اشيل لوحدي ،  النملة سمسم قالتلها يلا بينا يلا يا سمسمه ، وشالت النمله سمسمه والنمله سمسم تفاحه كبيرة ولونها احمر وجميل .

 

واخر المتسابقين كانت النمله موله وكانت شايله  فوق ضهرها بعد التمارين والجهد والتعب اللى نموله تعبته  ، نموله قدرت تشيل فيل ايوة فيل ، كل النمل مكانش مصدق ان نموله قدرت تشيل فيل لوحدها ، وطبعا كسبت نموله فى المسابقه .

وبقيت نموله الوزيرة القويه الحكيمه  ، ونموله القويه قالت  لاصحابها اللي مكنوش مصدقين قوتها  لازم تاكلوا وتتغذوا كويس  ، وتتمرنوا كويس وهتقدرا تحققوا كل اللى انتوا عيزينه وهيكون عندكم عضلات قويه وجسم قوى ولازم يكون في ارادة قوية وانكم تكونوا مقتنعين انكم هتحققوا اللي انتم عاوزينة في الدنيا وثقة في نفسكم وقدراتكم بعد الثقة في الله عز وجل .

الوسوم

مقالات ذات صلة

‫2 تعليقات

  1. السلام عليكم ورحمة الله،
    قصة جميلة وممتعة لنحكيها لأطفالنا قبل النوم لكن القصة مكتوبة باللهجة المصرية وهذا ما لا يتقنه كل الأطفال في باقي بلدان العالم العربي الكبير ! المرجو كتابة مثل هذه القصص باللغة العربية الفصحى لكي يتعلمها أبنائنا وتعم الفائدة على الجميع…
    شكراً لكم

    1. وعليكم السلام ورحمة الله وبركاته
      ان شاء الله انا اقوم بكتابة العديد من قصص الاطفال واكتب معظمها باللغة العربية الفصحى والقليل منها باللهجة المصرية وسوف ارعي تلك النقطة ان شاء الله واهلا بحضرتك دائما

اترك تعليقاً

لن يتم نشر عنوان بريدك الإلكتروني.

إغلاق