نستكمل اليوم قصة صديقتنا نجلاء وتابعتها من الجن وماذا حدث معها ، وماذا كانت قرينتها تريد منها يا ترى ولماذا كانت تظهر لتخيف الجميع ، وكانت تظهر وهي تذاكر وتظهر في مرآة منزلهم لأخيها الصغير ، فماذا فعلت نجلاء ولما تطاردها التابعة وما الشيء الذي تريده منها ، وهل سيساعدها الشيخ حسن العارف يا ترى ، دعونا نعرف ماذا حدث في قصة ، قرينة أختي من الجن وللرعب وجوه كثيرة ، اقدم لكم الجزء الثاني من قرينة أختي بعنوان الشيخ حسن العارف قصة رعب حقيقية من مصر بقلم د منى حارس.
الجزء الأول من القصة من هنا
اختي والقرين وللرعب وجوه كثيرة بقلم منى حارس قصة باللهجة المصرية
الشيخ حسن العارف
استمع الأخ إلى أخته بذهول وما يحدث معها وظهور قرينتها ، وكان قد شاهدها امس في مراة الحمام لا ينكر ، ذهب في اليوم التالي الى كليته وكان طالب في كلية الطب ، سمع صوت صديقة يردد:
- انت يابنى فى ايه سرحان وفي عالم تاني ، بص لاصحبة وقاله ، لا مفيش انا تعبان شوية ، وبعدها قرر يحكيله يمكن يعرف يساعده، حكى كل حاجه حصلت مع اخته زى محكتله بالظبط عن القرينة اللي بتظهرلها ، واللي هو شافه امبارح بنفسه في المرايا ، رد صاحبة وقاله اختك اتلبست من القرين يا ابني ، قاله يعنى ايه مش فاهم حاجة ، قال قرينها يا ابني افهم ، قاله وانت عرفت منين ، صاحبة قاله ان كان فى جاره ليهم عندها نفس المشكله ، واتعجلت عن الشيخ حسن العارف .
أقرأ ايضا قصص رعب على لسان اصحابها
أحببت جنيا قصة رعب حقيقية من المغرب بقلم منى حارس
انا عارف عنوان الشيخ حسن الى عالجها ، ممكن نروحله سوى ونكلمه ساعد اختك نجلاء ، ويعالجها ، روحت معاه يمكن اقدر اساعد نجلاء ، كان الطريق طويل اووى وصلنا بعد ساعة ، لبيت في مكان شعبي اووى ، الرجل رحب بينا جدا وكان شكله مريح ووشه منور وليه دقن طويله بيضا ، كنت قلقان ومتوتر بس شجعني وخلانى احكي اللي بيحصل لنجلاء اختي يمكن يقدر يساعدها .
الشيخ قال ، ماتقلقش ان شاء الله كل حاجه هتتحل بأمر الله ، انا جي معاكم و كل حاجه يا ابني هتكون بخير أن شاء الله.
روحت البيت ونجلاء فتحت الباب واول مشافت الشيخ ، لفت ضهرها وجريت على اوضتها وقفلت الباب وراها ، الشيخ قالي ولا يهمك يا ابني عادي ، دخلت الشيخ وصاحبي وروحت انادي نجلاء ، خبطت على باب الاوضة كتير ، دخلت وكانت قاعدة على السرير بتعيط بهيستريا ، وقالت مشيهم من هنا وبعدها شكلها كان بيتغير وهجمت عليا وحاولت تخنقني ، وانا صرخت برعب والشيخ دخل الاوضه وصاحبي واعد يقرأ قرآن كتير ويقلها سيبه ، بعدها سابت رقبتي س رجعت لورا والشيخ اعد يقرب منها ويقرأ قرأن وهي ترجع وتصرخ بصوت عالي .
كان شكلها مرعب اووى واتغير وفكها كان شبه مكسور ، وكانت عنيها بيضا تماما المرعبه المره دىوكانت بتلف راسها بطريقة صعبه اووى وجسمها واطرافها لورا ، كنت هموت من الرعب والخوف وكان الشيخ بيقرا قران وهي بتصرخ بصوت عالي .
سمعت صوت الشيخ بيقول كوباية مايه بسرعة ، قرأ عليها كلام وبعدها رماها فى وش نجلاء مرة واحدة ، بعدها هي وقعت على الأرض فاقدة الوعي .
الشيخ طلب المكان اللى كانت بتذاكر فيه اشوف المكان الى بتذاكر فيه ، وديته الشقة اللي قصادنا وكانت مليانه مرايات كتيره جدا ، ودخلته الاوضه الى بتذاكر فيها نجلاء ، قعد على المكتب وبص على المرايا اللى فى وش المكتب بصيت في المرايا ولقيت شكلي مرعب اووى ومخيف في المرايا صرخت الشيخ قالي اهدى ، وحدف المرايا بشيء وكسرها ، وسمعت اصوات كتير اووى وصراخ من المرايا كانت طالعة من المرايا ، وهى بتتكسر طالع منها اصوات بشعة والاوضة كانت ساقعة اووى وهنا الشيخ حسن قرب من الزجاج المكسور وخرج ورقة صغيرة كانت ملفوفة ، وفتحها وراح مخرج كيس اكسو وحطها فيه ودخلها لجيب الجلباب بتاعة ومتكلمش انا مكنتش فاهم ايه دا بس كنت مصدوم .
روحنا نشوف نجلاء اختي وكانت لسه زى مهي على الارض مغمى عليها ، الشيخ حسن قعد يقرالها قرأن كتير جدا وايات معينه من القرآن لغاية مفاقت وفتحت عينيها مرة واحدة .
نجلاء اعدت تسئل بتوتر وهي مش فاهمه حاجة هو في ايه وحصل ايه ، مكنتش فاكرة حاجة خالص من اللي حصل معاها ، بس كانت حاسة بالصداع الشديد والألم في راسها، الشيخ العارف قل ان القرين اتلبس اختى من خلال المرايا لانها بتبص فيها كتير بالليللا وبتذاكر قصادها ودا غلط والمفروض تقول دعاء المرايا ” اللهم كما حسنت في خلقي فحسن في خلقي ” علشا سكان المرايا ميئذوناش ، واشيخ قال نبعد عن النظر في المرايا بالليل ومنقعدش قدامها ، وكان غلط ان نجلاء تذاكر قدامها بالليل ، وقال ان المرايا دي كان في د عامل عمل لأذية نجلاء وكان محطوط خلف المرايا بين الفراع اللي بين المرايا والازاز حد كان عاوز يئذي نجلاء والشخص دا من المعارف وعارف انها بتذاكر هنا لوحدها بالليل ، انا ونجلاء بصينا لبعض وعرفينا مين مفيش غيرها مرات عمي هي اللي بتكرهنا وكانت عاوزة نجلاء تتجوز ابنها بس نجلاء اتخطبت لخطيبها ورفضته لانها مكنتش بتحبه ، وبعدها الشيخ علمنا بعض الايات القرانيه نتحصن بيها كل يوم ونواظب على الصلاة والاذكار ، ونصحنا بسورة البقرة والروقية الشرعية للمس والحسد والجن ومن يومها الحمد لله مفيش حاجة غريبة حصلت لنا .
لو عندك قصة رعب او موقف غريب حصل معاك اكتبهلنا في التعليقات ، او ابعتهلنا على بريد الصفحة للرعب وجوه كثيرة بقلم د منى حارس واذكر اسم بلدك لنتعرف اكثر ما يخيف الناس في الوطن العربي ، في النهاية اعرفكم بنفسي أنا طبيبة بيطرية مهتمية بعلوم ما وراء الطبيعة والأشياء الخارقة للبشر والقصص الغريبة وليا كتب منشورة ورقيا في أدب الرعب وما وراء الطبيعة متواجدة بالمكتبات والمعارض الدولية وأعمالي هي : ” رواية لعنة الضريح – رواية قرين الظلام – رواية ابنة سراحديل – رواية قسم سليمان – رواية المبروكة – رواية مقبرة جلعاد – رواية نحن نعرف ما يخيفك ، رواية ساديم – رواية رسائل من الجحيم – رواية قلادة الجحيم – رواية متجر العجائز – جحيم الأشباح مجموعة قصصية – لعنة الأرواح مجموعة قصصية ، سجلات عزازيل مجموعة قصصية ”
د منى حارس
ر❤❤
جميل