قصص أطفالقصص مضحكة

المغامرة لولو قصص كوميدية للكبار والصغار ج2 باللهجة المصرية

قصص كوميدية للاطفال بقلم منى حارس

ومازالت لولو الصغيرة تتعلم وتتصرف ببراءة شديدة ، وتفعل اشياء محرجة تحرج بيها عائلتها امام الناس ، ولكنها أيضا تحتاج إلى التوجية والنصح والارشاد لتتعلم ونتعلم معها نحن أيضا ونضحك على تصرفاتها ، استكمل معكم اليوم قصة المغامرة لولو في موقع قصص واقعية وهي قصة كوميدية للكبار والصغار بقلم منى حارس .

المغامرة لولو قصص كوميدية للكبار والصغار ج2 باللهجة المصرية

ضحك الاب :ايوة يا لولو كل الحجات دى لعمو حسام واحنا مروحين هشتريلك علبه شكولاته زى دى وفاكهه كتير كمان بس اهم حاجه مطلبيش من حد حاجه يا حبيبتى اتفقنا يا لولو نبطل شقاوة في بيت الناس علشان غلط وعيب .

فرحت لولو وقالت  : خلاص ماشى يا بابا اتفقنا  ، انا هعدى بقى الشارع لوحدى انا خلاص كبرت وبقيت جميلة ، وجريت لولو سابت ايد ماما وحاولت ، تعدى الشارع لوحدها وكانت عربيه هتخبطها وماما جريت مسكتها ، وزعلت منها كدة يا لولو كنتى هتعورى نفسك.

 

الاب: غلط يا لولو لازم نمسك ايد حد كبير واحنا بنعدى الشارع  ، مينفعش نجرى كدة يا حبيبتى ممكن لا قدر الله نتعور او عربيه تموتنا بعد الشر ، لازم نمشى على الرصيف يا لولو ونبص كويس قبل منعدى الطريق يا حبيبتى K واعتزرت لولو لبابا وماما وقالت مش هعمل كدة تانى ابدا ابدا وهمسك ايد ماما او بابا فى الشارع ، واعدت تغنى بصوت عالى

زعل بابا: وطى صوتك يا لولو فى الشارع كدة غلط ، لازم صوتنا يكون واطى علشان منزعجش حد ونمشى على الرصيف مش فى نص الشارع

لولو :حاضر يا بابا خلاص فهمت بس ممكن امسك علبه الشكولاته الملونة  لانها تقيله عليك اوى وانت تعبان خالص ومسكت لولو علبه الشكولاته من بابا ووصلو بيت عمو حسام ، وسلم عمو حسام واسرته على لولو واسرتها ورحبو بيهم وقدم بابا الحجات والفاكهه لعمو حسام ، ولكن لولو فضلت ماسكه علبه الشكولاته ومش عايزة تسيبها وحطاها على رجليها ، وماما قالت للولو ادى يا لولو الشكولاته لحبيبه بنت عمك.

 

لولو وهى زعلانه حاضر يا ماما بس كدة حبيبه اسنانها هتسوس من كتر الشكولاته دى انا خايفه عليها

ردت ماما:ملكيش دعوة روحى قدمى الشكولاته لبنت عمك لانها كانت تعبانه وعامله عمليه وقوللها حمدالله على سلامتك يا حبيبه

 

 

لولو: طيب مهى تعبانه المفروض متكلش حاجه حلوة خالص،  وخصوصا شكولاته لذيذة ملونه كدة هتوجع بطنها يا ماما.

ماما:عيب يا لولو لما نكون مشترين هديه لحد لازم نديهاله علشان نكون شاطرين وحلوين والناس تحبنا يا حبيبتى

لولو بغيظ : حاضر يا ماما وراحت لولو لبنت عمها حبيبه وقالت:حمدالله على سلامتك يا حبيبه انا جيبالك شكولاته بس اوعى تكليها كلها علشان بطنك متوجعكيش وتعملك واوا فى بطنك يا حبيبه ، انا بقول متفتحيهاش خالص احسن .

 

 

وضحكت حبيبه : ايه رايك يا لولو نفتح الشكولاته وندى كل واحد واحدة

ردت لولو بفرح بجد يلا يلا يلا بسرعه بسرعه يا حبيبه قبل الشكولاته الملونه متسيح .

وفتحت حبيبه علبه الشكولاته وادت لولو حبه شكولاته وكانت لولو مبسوطه وفرحانه بالشكولاته الملونه  ، لولو بتقول لنفسها الحمد لله اخيرا اكلت من الشكولاته الملونه اللذيذة ،  لذيذة اوووى وخلت لسانى احمر وجميل .

 

شعرت لولو بالجوع ودخلت مطبخ عمو حسام ، وكانت طنط مروة بتغسل الاطباق مع بنتها سوسو و طنط مروة سلمت على لولو الصغيرة ورحبت بيها ، وقالت للولو انتى جعانه يا لولو

لولو:ايوة جعانه اوى انتوا اتاخرتوا ليه كدة فى الاكل مش المفروض تاكلونا احنا جيبنلكم حجات كتير اوى ، وايه دا بطاطا الله انا بحبها اوى وجريت لولو على كيس البطاطا ، واعدت تاكل من غير استئذان وخرجت عند ماما وبابا وماما شافت لولو ماسكه البطاطا والكيس وبتاكل فيهم وسالت لولو ايه دا يا لولو.

 

لولو:دى بطاطا لقيتها فى المطبخ وانا جعانه اوووى اخدتها اكلها اتاخروا اوى فى الاكل يا ماما ، شوفى البطاطا دى فيها حاجه سودة ازاى  ، طبعا ماما كانت محرجة جدا من تصرف لولو وانها اخذت بطاطا  من غير متستئذن وكان شكلها محرج جدا ..

يتبع

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق