قصص أطفال

الفيل فلفول قصة قبل النوم لأطفال الروضة باللهجة المصرية

قصص أطفال تعليمية هادفة

جميلة هي تلك الحدوتة التي نحكيها لأطفالنا قبل النوم ، لنعلمهم فكرة ونغرس في عقولهم الصغيرة هدفا ، وما اجمل القصة البيسطة التي نحكيها بطرق مبسطة للاطفال وباللغة القريبة إلى عقولهم ، ليستطيعوا فهما واستيعابها ، اقدم لكم اليوم في موقع قصص واقعية ،  قصة اطفال باللهجة المصرية لاطفال الروضة بعنوان الفيل فلفول بقلم منى حارس.

الفيل فلفول قصة  قبل النوم لأطفال الروضة باللهجة المصرية

 

كان يا مكان فى قديم الزمان فى الغابه البعيدة اللى مليانه حيوانات غريبه  وكتيرة ، كانت الفيله الجميله فلفولة  عايشه مع مجموعة افيال اخواتها وعيال عمها وعيال خالتها  ، كانوا عايشين فى سعادة ومبسوطين وبياكلوا جزر وبطاطا واوراق الشجر ، وكانت الفيله العسوله  فلفولة هتجيب نونو صغير ، وكانت كل الفيله مستنيين البيبى الصغير الامور .

 

وفعلا  ولدت فلفولة فيل بس مكنش امور ولا صغير ابدا ، دا كان فيل اسود وعندة شعر كتير اووى ،  مغطى جسمه وكان حجمة ضخم اوى ،  وكل الاطفال الصغيرين من الافيال لما شافوا الفيل المولود خافوا منه اوى  ، وجريوا وقالوا يا مامامى الوحش هيكلنا ، وزعلت فلفولة الفيله الجميله ، علشان بيقولوا كدة على ابنها الفيل  الصغير المولولد جديد  وكانت شايفه اجمل فيل فى الغابه  كلها وسميته فلفول .

 

وكان فلفول فيل حجمه كبير اوى وبيكبر بسرعه كبيرة  ، وكان طيب جدا وغلبان ،  بس كان لونه اسود  وكانت الافيال الصغيرة مبتحبش تلعب مع فلفول  خالص لانه مختلف ،  كل ميروح يلعب مع فيل يجرى الفيل منه ويعد يحدفه بالطوب وكان فلفول حزين  جدا وزعلان من المعامله الوحشه،  وكمان بيضربوة بالطوب ويروح لامامته وهو بييعيط ، ويقلها ليه يا ماما انا شكلى وحش والافيال بتخاف منى ليه يا أمى ليه  انا شكلي وحش ؟

 

فلفولة قالت لفلفول الصغير  متزعلش يا ابني انت اجمل واطيب فيل فى الغابه كلها ، وانا هلعب معاك وتعد تلعب مع ابنها فلفول  بالكورة و بالمكعبات وكل يوم بيمر كان فلفول حجمه بيذيد ، وبيكبر اكبر واكبر وحجمه بيذيد ويذيد لغايه ما كل الافيال بقيت تخاف من فلفول الطيب ،  لدرجة انهم حكموا عليه انه يخرج من الغابه ويعيش لوحدة فى الكهف البعيد عن الغابه لانهم خايفين على اولادهم منه لانه ضخم جدا ومرعب ،

الفيله  فلفولة  زعلت اوي من عيلتها الافيال  ومن قسوتهم ، وقالتلهم حرام عليكم دا فلفول  عمرة مزعل حد ولا ضرب حد دا طيب خالص هو مش زنبه ان ربنا خلقه شكله كدة ولكن الافيال رفضت بوجود فلفول  معاهم ، وصممت تخرجه من الغابه وخرجت فلفولة مع أبنها فلفول  وهى حزينه  جدا .

وعاشوا فى كهف مهجور اول الغابه بس فلفول كان حزين وزعلان ، لان مفيش حد يلعب معاه وكان فى يوم قاعد يعيط وهو حزين  شافوا الارنب ارنوب وقرب منه وقاله مالك ، بتعيط ليه يا فيل قاله محدش بيلعب معايا ولا بيحبنى لانى حجمى كبير اوووى يا ارنب،  وكمان شكلى وحش رد الارنب وقاله احمد ربنا يا فلفول  كل خلقه ربنا جميله واكيد هيجى يوم تعرف الافيال  فيه قيمتك والافيال تقدرك وتحبك .

 

ومن يومها  بقيوا اصحاب وكل يوم ارنوب يروح يلعب مع فلفول ، ويجرورا ويستحموا فى النهر وفى يوم من الايام سمع ارنوب الصيادين وكانوا رايحين الغابه يصتادوا الافيال كلها علشان ياخدوا الانياب بتاعتها وجلولدها  ، وجرى بسرعه ارنوب على فلفول  وقاله الحق يا فلفول  الحق الصيادين رايحين يصتادوا الافيال  وفلفول ابو قلب كبير جرى على  مامته استأذنها انه يروح ينقذ اهله وعشيرته وفلفولة الطيبه العسوله وافقت  .

لانها خافت على اهلها وجرى  فلفول وهجم على الصيادين واول مشافوا فلفول ،  اعدوا يصرخوا واترعبوا يقولوا وحش وحش وحش اللحقونا وجرى  فلفول وراهم وانقذ الافيال ، يومها واعتزرت كل الافيال للفيل الضخم الكبير فلفول وامه فلفولة وبقيوا يحترموا ويحبوة وعرفوه قيمته اللى ربنا ميزة بها وهى حجمة الكبير.

 

مني حارس

طبيبة بيطرية وكاتبة وعضو اتحاد كتاب مصر اهم الاصدارات رواية لعنة الضريح- قرين الظلام- متجر العجائز- قسم سليمان- لعنة الارواح- جحيم الأشباح - نحن نعرف ما يخيفك - ساديم - رسائل من الجحيم - المبروكة - مقبرة جلعاد - ابنة سراحديل- رعب التجربة الأمريكية - سجلات عزازيل- جمعية قتل الرجال - رحيل- الأرملة السوداء- اللعنة - قلادة الجحيم- عدلات وحرامي اللحاف - كيف تعتني بحيوانك الأليف

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى