قصص مضحكة

المذيعة المفترية قصص مصرية مضحكة جدا

المذيعة المفترية

هل تريد الضحك من قلبك ونسيان همومك ، تعالوا معي في رحلة للضحك المتواصل بلا انقطاع مع برنامج نصائح زوجية والمذيعة المفترية ” مهيتاب ” وكيف تنصح الزوجات للاحتفاظ بأزواجهن مدى الحياة حتى لا ينظرن لأي إمرأة أخرى على وجه الكرة الأرضية ، هذا لا يمنع من حدوث بعض الحوادث الفردية والإصابات في سبيل تحقيق ما تريد تلك النساء ولكن لا يهم المهم هو النتيجة النهائية لقد حصلن على زوج لا يرى لا يسمع لا يتكلم وربما لا يتحرك ، لا يهم نقدم لكم اليوم في موقع قصص واقعية قصة ساخرة ومسلية بعنوان المذيعة المفترية قصص مضحكة جدا باللهجة المصرية .

المذيعة المفترية

ظهر المذيع الشهير مجدي توفيق على شاشة التلفاز وهو يبتسم قائلا :
– اعزائي المشاهدين والمشاهدات انهاردة يوم مش عادي انهاردة يوم تاريخي لاننا مش هنتكلم عن قصة واحدة ولا قصتين زي معودناكم في برنامجنا الشهير

” احنا الأصل والباقي تقليد ” لا لا يا جماعة احنا هنعرض عليكم اربع قصص لأربع ستات خلصوا على اجوازهم وريحوهم من الدنيا وقرفها والسبب واحد وهو برنامج:

“نصائح زوجية “البرنامج الشهير الغريب اللي اثر على ستات كتير ومنهم زكية وناني والكابتن تهاني يا سلام على القافية ينفع اكتب شعر والله ايوة عارف ان دول تلت ستات بس مش اربعة بس علشان القافية واسم البرنامج والشهرة زي ماانتم عارفين الرابعة هي المخبر فوزية الله يسامحه اللي سماها الأسم وبعد منشوفهم ونعرف قصة كل واحدة فيهم وليه عملت كدة مع جوزها هيكون معانا اخر الحلقة ضيفة الشرف مذيعة برنامج ” نصائح زوجية ” بنفسها المذيعة الصاروخ مهيتاب ودا اول مرة بيحصل في التاريخ مذيع بيستضيف مذيعة علشان تعرفوا الفرق بينا وبين البرامج والقنوات التانية هسيبكم تتفرجوا على القصص واول قصة معانا هي قصة الست زكيه والقصة بتثبت زكاء الست المصرية بجد يا جماعة ومخها اللي شغال محدش يقول بقى اننا اغبيا والكلام الفارغ دا ابدا زكيه اثبتت للجميع زكاء وفتنة الست المصرية خدوا بالكم فتنة وليست فتنه علشان محدش يفهمني غلط تعالوا نشوف زكية كانت بتعمل ايه مع جوزها والدكتور لقي ايه جوه بطنه في اوضة العمليات ….
انتظرونا بعد الفاصل واوعوا تغيروا القناة هجيبك ياللي هتغير القناة وهعرفك لو سط مليون مجدي توفيق..

 

                 المشهد الأول ” ذكاء زكيه “

 

– ايه دا يا مدام زكية جوزك بياكل اية بالظبط احنا لغاية دلوقتي مطلعين من بطنه خمس مسامير حديد ولسة في شوية برادة حديد بيحاولوا يطلعوها في اوضة العمليات ؟؟
– ايه دا يا دكتور انتم طلعتم المسامير من بطنه ليه بس الازيه دي احنا متفقناش على كدة يا أخويا قبل ميدخل العمليه الراجل كان داخل يشيل الزايدة مالكم انتم ومال المسامير دانا هوديكم في داهية يا عالم يا حرامية وهقفلكم المستشفى بالضبة والمفتاح ؟

– هتودينا في داهية ليه يا مدام ان شاء الله وهتقفللنا المستشفى دانا اللي هبلغ عنكم الحكومة بس نشوف كمية الحديد اللي هيخرجوها من بطنه الاول بقي يا مدام زكية يبقى في ازمة حديد في البلد وجوزك مخزن كل الحديد دا في بطنه ليه هيبني عمارة عشرين دور يا ظالمة ؟
– هو بصراحة ميعرفش حاجة عن الحديد دا يا دكتور انا اللي كنت بحطهوله في الاكل من غير ميعرف ؟
– بتحطيهوله في الاكل ليه ان شاء الله عنده نقص حديد في الدم وسياتك بتعوضيهوله ؟
– لا معندهوش بعد الشر عليه يا دكتور انشالله اللي يكرهه.
– اومال ايه فهميني يا مدام زكية؟
– بص يا دكتور الحديد دا علشان اعرف اجذبه ليا بالمغناطيس زي الكتاب مقال ..
– كتاب ايه دا يا زكية مش فاهم ؟
– كتاب نصحتني بيه مذيعة برنامج نصائح زوجية اللي بيجي في التلفزيون يا دكتور بتشوفوة..
– لا مبشفهوش يا ست زكية ها وبيقول ايه الكتاب يا ستي ؟
– مهو انا مبعرفش اقرا يا دكتور اهلي خرجوني من المدرسة بدري من كجي 2 بس بذكائي خمنت المكتوب فيه وهو يعني ايه اللي هينجذب للمغناطيس غير الحديد …
– لا زكية فعلا يا زكية …هو الحديد مفيش كلام .
– اهو انت كمان عرفت يا دكتور من غير كتب ولا حاجة روحت انا اشتريت مغناطيس وبلعته وبقيت ااكله هو الحديد كل يوم بحطهوله في الاكل يبقى انا غلطانه يا دكتور دانا زكيه من يومي وناصحة …

 

وهنا ضحك المذيع قائلا :
– لا لا يا زكية مش غلطانه ابدا حد يقدر يقول كدة الله يرحم جوزها المسكين معرفوش يخرجوا بردة الحديد من بطنه ونشوف القصة التانية ومعانا الكابتن تهاني مدربة كمال الاجسام حاصلة على المديلة الذهبية في الالموبيات انتظرونا بعد الفاصل واوعوا حد يغير القناة هجيبك من وسط مليون ياللي هتطفي التلفزيون معاكم مجدي توفيق …
برنامج ” احنا الأصل والباقي تقليد ”
انتظرونا بعد الفاصل ..

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق