اضحك من قلبك مع أجمل قصص مضحكة للبنات
إن للضحك فوائد جمة أهمها أنه يحسن المزاج، فالضحك هو معزز طبيعي للمزاج، تجده يساعد على تقليل مشاعر القلق والتوتر والاكتئاب، ويزيد من الشعور بالسعادة والرضا عن الذات. والضحكات تزيد من تقدير الذات، فالضحك يجعلك تشعر بتحسن تجاه نفسك، ويزيد من ثقتك بنفسك، وقصص مضحكة للبنات حتما ستحمل إلى قلبك الضحكة في كل مرة تتعرض لها!
إن خفة الدم صفة رائعة تضفي جاذبية خاصة ولاسيما للبنات، وهي ليست فقط مجرد إلقاء النكات، بل هي مزيج من الذكاء الاجتماعي، وسرعة البديهة، والقدرة على تحويل المواقف العادية أو حتى المحرجة إلى لحظات مبهجة. وموقعنا يعج بالكثير من قصص مضحكة، ننصحك دوما إذا كنت تشعر ببعض الضيق تعالى لدينا ولاسيما بقصص مضحكة بالتأكيد سيتغير مزاجك كليا.
القصــــــــــــــــــــــــــة الأولى:
شوية بنات في كلية الطب، وكانوا سايبين عندهم في الشقة هيكل عظمي بيدرسوا عليه من الطبيعي يعني، وفي ليلة من الليالي، بعد ما آخر واحدة خلصت مذاكرة وعايزة تنام زي باقي صحابها، حبت تطفي النور.
يا دوب طفت النور لقت الجمجمة اللي كانوا حاطينها جوه كيس بلاستيك أسود وربطينه، بتتحرك!
البنت اتجننت، صرخت صرخة خلت البنات التانيين يتفزعوا من النوم وجريوا عليها.
كانت نورت النور تاني فالجمجمة سكتت، لما حكت لصاحباتها إيه اللي حصل، واحدة منهم قامت وطفت النور من جديد، البنت دي كانت جامدة وقلبها ميت ومبتخافش من أي حاجة.
وفعلًا الجمجمة رجعت تتحرك تاني، والبنات كلهم صرخوا سوا في نفس اللحظة، البنت اللي قلبها جامد قربت من الكيس وفتحته، ولقيت جواه فار صغير جوه الجمجمة!
وكل واحدة منهم قعدت تضحك على التانية عشان قلوبهم ضعيفة، وهما مختارين كلية طب اللي محتاجة جدًا وبشكل أساسي لقلوب قوية.
القصــــــــــــة الثانيـــــــــة:
بيحكوا إنه في يوم من الأيام، أب كان عايز يجوز ابنه الوحيد لبنت أخوه وحاول يقنعه بالجوازة دي بكل الطرق والوسايل، بس الابن ماردش على أبوه خالص.
الأب حاول يدخل لابنه من طريق تاني عشان يقنعه برضه، الابن ده كان له شيخ عالم دين بيحبه وبيسمع لنصايحه دايمًا، فأبوه قال له إنهم هيروحوا له ويحكوا له الموضوع، واللي يقول عليه الشيخ هما الاتنين يعملوه.
الابن وافق بفرحة كبيرة وكان متأكد إن خلاصه من الموضوع قرب يجي، ومن أكتر واحد بيحبه في الدنيا كلها، سافروا ولما وصلوا الجامع، الأب طلب من شيخ الدين إنه يقنع ابنه الوحيد إنه يتجوز بنت عمه، بس الابن مقتنعش أبدًا، لأنه شايفها أخته اللي متربية معاه من وهما صغيرين ومش شايفها زوجة له.
بس الأب كان مصمم على الشيخ إنه يقنع ابنه بأي طريقة، الشيخ حس إن فيه حاجة غريبة في الموضوع، فطلب من الابن يقعد معاه لوحده بعيد عن أبوه، قاله: “أنا عندي خبرة أكبر منك ومن أبوك بسنين كتير، قول لي إيه الموضوع والسر ورا كل ده حالًا”!
على طول الابن قال: “يا شيخي الحبيب، بنت عمي دي يتيمة وأبوها سابلها أرض كبيرة جدًا، وأبويا عايز يجوزني لها عشان كده”.
وبعد كده، الشيخ والابن خرجوا للأب اللي كان فاكر إن الشيخ خلاص أقنع ابنه باللي هو عايزه…
الشيخ: “ابنك مش هيتجوزها”!
الأب: “إيه اللي بتقوله ده؟! معقول تقول كده وإحنا جايين لك من سفر بعيد، أنت متعرفش أنا عملت إيه عشان أجيلك ومكانك بعيد خالص عننا، أنا صرفت كل اللي معايا على تذاكر الطيارة”.
الشيخ بكل هدوء: “متظلمش ابنك، ولو على اللي صرفته، أنا عليا إن إحنا نجمعهم لك أنا وكل اللي في الجامع، بس متظلمش ابنك الوحيد”.
الأب: “يا شيخ، مش ده يعتبر عقوق ليا، عقوق الوالدين اللي بتتكلموا عنه دايمًا”.
الشيخ: “طيب قول لي بصراحة، ليه عايز تجوزها لابنك؟!”
الأب: “دي بتصوم وبتصلي وحافظة كتاب ربنا، مفيهاش أي غلطة، ومش هلاقي أحسن منها في الحياة لابني”.
الابن: “بس أنا مش عايزها يا بابا”.
الأب: “طيب ومين ياخد بنت عمك؟!”
الابن: “ربنا ياخدها!”
للمزيـــــــــــــد من قصص مضحكة للبنات يمكننا الوصول إليها من خلال:
3 قصص مضحكة للبنات لن تندم على قراءتها مطلقا!
وأيضا/ 9 قصص مضحكة للبنات سنة أولى زواج
3 قصص مضحكة حقيقية للبنات انعم بضحكات حقيقية من القلب
