5 قصص نجاح لأشخاص بدأوا من الصفر
5 قصص نجاح لأشخاص بدأوا من الصفر ، قصص نجاح ملهمة مفيدة ورائعة جداً لكل من يسعي ويحاول الوصول الي النجاح الباهر في حياته ، قصص حقيقية نقلناها لكم في هذا المقال من خلال موقعنا قصص واقعية ونتمني لكم قراءة مفيدة وممتعة ، ولا تنسوا أن تشاركونا في التعليقات عن تجاربكم والنجاحات التي تمكنتم من تحقيقها من الصفر .
قصة نجاح تأسيس حضانة للأطفال
هذه قصة نجاح حقيقية منقولة نقلناها لكم من احدي الصفحات عن تجربة سيدة قامت بتأسيس حضانة للأطفال من الصفر حتي وصلت للنجاح الباهر بفضل الله .
في 2017 أسست حضانة بنيتها حرفيا طوبة طوبة بتعب وكفاح من طفل واحد ل اربع فصول قوة 150 طفل بفضل الله وطقم معلمات وعربية خاصة للمركز . جت كورونا مسحت كل ده في يوم بس كنت عارف ان ربنا سبحانه وتعالى زي ما كرمني من مفيش أكيد في علة من الوباء .
كان في اخت ضافتني على جروب واتس آب تأسيس اللغة العربية إني اعلم أولياء أمور طريقة التأسيس بس توقفت عن النشر بسبب انشغالي بالمركز فمسكت الفون ونزلت تاني اتعرفت بفضل الله بطريقتي السلسة في توصيل المعلومة وربنا عوضني عوض اقسم بالله العظيم لايمكن أتخيله وبربع المجهود الي كنت بعمله . اللهم لك الحمد على ماقدرت ولك الحمد على ما نحن فيه .
قصة نجاح حقيقية
سنة 2020 جت كورونا خسرت كل فلوسي وتجارتي وكنت صاحب شركة تجارة ملابس وكان عندي مصنع بوكسرات رجالي قفلت كل حاجة لاني مكانش معايا فلوس اصرف عليهم ووقفت كل الأنشطة بس الحاجة الجميلة ان امي ربنا يديها الصحة طول الوقت كانت بتدعيلي بدأت 2021 قولت مش هقدر اشتغل في الملابس دلوقتي
ربنا هداني اني ما اخرجش من المجال بس في نفس الوقت ابدا حاجة جديدة اشتغلت بياع قماش اجيب توبين قماش بالأجل من مصنع القماش وانزل ابيعهم لمصانع الملابس عن طريق النت واشحن ولما تيجي فلوسهم اروح اسدد للمصنع لاني ما كانش معايا راس مال كنت بنشر علي جروبات الملابس وفضلت كده توبين في توبين لحد ما في يوم لقيت تاجر من الأزهر بيكلمني وبيقولي عايز طلبية قماش رياضي وهو ده اللي كنت بشتغل فيه وهديلك عربون
روحت اخدت منه العربون وروحت لصاحب مصنع القماش اديتهوله وعملت الطلبية وسلمتها وكسبت ومن هنا بدأت رحلة صناعة وتجارة الاقمشة الرياضية
صاحب المصنع وثق فيا وشاف فيا الراجل الأمين المجتهد المتعلم بدأ يكبر معايا الشغل وطلب يشاركني علي محل قماش وفعلا شاركته في محل في قلب جسر السويس اكبر سوق للأقمشة وعملت شركة جديدة وسميتها سبورا تكس عشان الاسم يعبر عن المجال الرياضي ده كان سنة 2022 وقف جنبي واتشاركنا لمدة سنة بعدها هو اختار يفتح مكان لوحده في نفس المجال ما اعترضتش لانه في البداية وقف جنبي وهو معاه كل الامكانيات كانت صعبة عليا شوية لان السنة دي مش هتساعدني اني أقف علي رجلي لوحدي لكن الحمد لله كملت واحدة واحدة وعملت تكامل للقماش الرياضي من طباعة قماش لقص ليزر ورجعت تاني فتحت ورشة ملابس للتقفيل وده كان تكامل مش موجود عند أي تاجر قماش وده ميز شركتنا واصبحت هي المصدر الأول لأي حد عايز يعمل براند رياضي من اول القماش لحد المنتج النهائي والحمد لله قدرت ارجع تاني افتح مصنع البوكسرات وحاليا شغالين مع الدول العربية ملابس رياضية وبوكسرات ودي كانت رحلة نجاح شركة سبورا تكس للأقمشة والملابس الرياضية
الشركة اللي بدأت ب توبين قماش النصيحة اللي انعلمتها من خبرة السوق الموارد مش راس مال بس هي خبرة وعلاقات قبل راس المال لو دول عندك وبتعرف توظفهم صح هتلاقي كتير اللي يقولك انا معايا راس مال تعالي نشغله مع بعض جاوب علي السؤال ده قبل ما تطلب راس مال “هجيب ايه؟ منين ؟بكام ؟عشان ابيعه لمين؟ بكام؟ واخد فلوسه امتا ؟” لو جاوبت علي السؤال ده هتلاقي الفلوس بتتعرض عليك من غير ما تطلبها
قصة نجاح أم
انا اتجوزت سنه 2012 وبعدين ربنا اكرمني بطفلين ورا بعض ع طول ف كنت حزينه جدا و حسه أنه خلاص اتقضي عليا كنت طموحه جدا و عوزة اشتغل ومكنتش هعرف بسبب الاولاد و كدا ف جوزي قالي متزعليش اشتغلي اي حاجه نفسك فيها بس من البيت انا حرفيا اشتغلت كميه شغلانات ممكن تتعمل ف كتاب جربت كل حاجه واي حاجه ممكن حد يشتغلها من البيت القصة مكنتش احتياج لفلوس خالص بس هيا احتياج لإثبات نفسي لاني عندي اهتمامات غير الحياه اليوميه المتكرره الي ما لا نهاية المهم اشتغلت ف تربية الكتاكيت و بعدين البيع اون لاين ادوات منزليه و اشتغلت مدرسة و حاجات لا حصر لها كان العامل المشترك مابنها اني بعرف ابيع كويس جدا و كمان بعرف اشتري لغايه ما نزلت شغل حسابات ف أحد الموردين شاف فيا حته اني اعرف ابيع دي قالي جربي هتخسري اي وقد كان ..
بدأت ابيع الخامه بتاعته شهور بحاول كل يوم بكلم عملاء ملهاش عدد بعد 4 شهور نفذت اول ديل و بعدها خلاص بدأت كل كام يوم يجيلي ديل شوية المورد بقوا اتنين و تلاته و بسوقلهم من البيت فعلا لغاية ما لموضوع كبر. و الموردين بقوا كتير و الخامات كتير ف أسست شركتي اللي اللهم بارك بقي ليها اسمها و وضعها ف السوق و حاليا بختار اشتغل ع اي و اي لا مع مين و مين لا و انتقلت لوضع مادي ماشاء الله مكنتش احلم بيه حتي ف خيالي ف مفيش اي حاجه ابدا بعيدة علي ربنا و الإنسان لازم يحاول و يجرب لغايه ما يلاقي نفسة و نصيبة و حظه ومفتاح جنته .
قصة نجاح طالبة
دخلت الجامعة اللي كان حلمها تقراها .. كانت متحفزة جدا في بادئ الامر ..
واجهتها صعوبات .. و اتطورت مع الزمن للدرجة اللي كانت ما عارفة تفهم موادها .. في اول نتيجة بعد سمسترين .. اتصدمت بي انها شايلة 12 مادة من اصل 15 .. اتفصلت من الجامعة و الحياة اسودت في وشها ..
بعد لحظات يأس و انكسار جوة نفسها .. و احباط من المحيط الحولها .. و وصمة عار انطبعت في جبينها .. قررت تبدا من الاول و قدمت لي جامعة تانية خالص .. بروح جديدة و تحدي جديد .. و طبعا كان اهلها رافضين كل ده .. و بكل بساطة كان الشرط “اذا رسبتي في مادة واحدة بس .. ح ترجعي البيت للابد” ..
في اول سنة ليها كانت منتظرة مجلس اجازة النتيجة قدام قاعة اجتماعهم و بتبكي .. كانت متوتر و خايفة “تقعد في البيت للابد” .. لما طلعت النتيجة .. جات اولة دفعتهم .. و كانت صاحبة اعلى معدل في تاريخ الجامعة .. حافظت على اللقب ده لحدي ما اتخرجت بامتياز و مرتبة شرف في كل السنين ..
قصة نجاح رائعة
طبعا في البداية زي اي حد التوتر او القلق من بداية غريبة زي دي وانها سنة مصير وكلام كتير بنسمعه.. بس دخلت ولقيت ان كل يوم في تحسن عن اليوم اللي قبله و ان الدنيا ماشية والمناهج عادية يعني ف الحمد لله… كنت بسمع كتير ان هتيجي علينا فترة فتور بس مكنتش بحسها هتجيلي.. وفعليا جت واستمرت شهر مبعملش حاجه مفيدة الا اني بعمل واجب الدرس قبله بيوم او يومه الصبح.. بحفظ وانسي واطنش عادي.
الفترة دي هي فترة شهر 12 ومن بعدها كنت بحاول اصبر نفسي ان الاجازة جاية.. جت الاجازة بس كان لازم اعوض اللي فات ف بدات من الاول خالص.. خلصت الاجازة كنت مجمعه المناهج كلها الحمد لله ومرتاحة نفسيا.. من بعدها بدأ الجد يظهر والتعب يزيد والمسئولية تبان.. هنا لازم تصحي وتفوق نفسك وتعرف انك فعلا دخلت مرحلة الخطر بس بردو معاك فرص كتير اوي.. عدت الايام بكل تعبها وقرفها والحر والصيام وليالي الامتحان والقلق.. ودخلنا الامتحانات لقينا الدنيا عادية جدا وزي الفل.. كنا بنضحك وصحابنا بيعيطوا… امتحان الكيمياء اللي الجمهورية كلها قالت وحش كنا بنضحك من سهولته…إن الله لا يضيع اجر من أحسن عملا.. اتعب بس وربنا هيكملك وساعتها هتعرف ان طعم النجاح حلو.. وفرحة النتيجة وفرحة اهلك وفرحتك ف اللي كان نفسهم يشمتوا فيك احلي واحلي.. فرحة الحفلات ونظرات المدرسين والمباركات .. وفرحة الكلية اللي مش هتحس نفسك الا فيها وكإنك اتخلقت بس ليها.. هتتعب اه بس في مكان بتحبه وراسك وراس اهلك مرفوعين لفوق
وبعد كل ده ربنا كرمني ب 96% .. ده مش تعبي ده كرم ربنا ودخلت طب بيطري علشان ابقي في المكان اللي خلقت فقط له
