قصص جن

عفريت الجيران قصة رعب من مصر باللهجة المصرية بقلم منى حارس

عفريت الجيران

ما أغرب تلك القصص المخيفة التي يحكيها أصحابها ، فتحدث لهم اشياء غريبة جدا ولا يعرفون السبب لما يحدث لهم أو لماذا ، واليوم تحكي صديقتنا من مصر قصتها الغريبة ، والتي حدثت مع أحد أقاربها وللرعب وجوه كثيرة جدا ومرعبة  بقلم د منى حارس وقصة باللهجة المصرية بعنوان عفريت الجيران بقلم د منى حارس

عفريت الجيران

عفريت الجيران
عفريت الجيران

انهارده أنا قررت أحكلكم قصة حصلت مع واحد قريبنا ، القصة حصلت من عشر سنين جالنا واحد من قرايبنا ، بس كان شكله اتغير أووى  وكان شعره كله اتحول للون رمادي ، كأنه عجوز رغم إنه شاب صغير ، كنت مستغربة أووى ومستغربة ،  و بعد الاصرار والاستفسار من أمي ،  عرفت إنه إتكلم مع والدي في الموضوع .

 

لأن بابا رجل دين وعنده علم وخبره بالأمور الغريبة ،  قريبنا حكى قصته لبابا وقاله : إنه من كام إسبوع إتوفى جاره في البيت ،  ونتيجة لكبر سنة ولمرضه وتجاهل اهله اتنسى فترة وكام يوم في البيت ، ومحدش عرف ان الرجل مات  غير من الريحة البشعة ،  بتاعت البيت وللأسف أهله بعد التحقيقات والجنازة والدفن منضفوش البيت ، ولا حتى شغلوا قرآن بالبيت ، وسابوا البيت تماما زى مهو .

 

وبعديها بحاولي اسبوع زوجة قريبي ، لاحظت ان البيت  النور بيشتغل فيه  كتير،  وبالذات نور الحمام اللي بيظهر من المنور واشتكت لجوزها وكانت خايفه ،  قريبي اتكلم مع أهل جاره الميت ، واشتكلهم من الموضوع ده ومع تكرار الموضوع ، والنور اللي بيشتغل ويطفي لوحده .

 

كان بيقعد يراقب البيت من البلكونة كل يوم ،  ومن شباك الحمام وفي ليلة كان نايم وزوجته كانت  بتنيم الأولاد  ، ولف نفسه على السرير لقى على طرف السرير كانت زوجته نايمة الناحية التانية من السرير ، الرجل اتفزع واستغرب لانه متاكد ان زوجته في اوضة الاولاد اقرب منها وبصلها ،  لقاها ست مشعرة جدا  ولونها أسود وأطول كتير من مراته ، مكنش عارف يقول حاجة  حس زى ميكون حد كاتم على نفسه واتشل ، جسمة كله بيرتعش ، وعرق كتير وكان هيموت مكنش قادر يتكلم ولا يتحرك ، لم الحاجة اللي نايمة جنبه حست بيه بصتله جامد وراحت وقامت من على السرير وسابت الاوضة .

 

 

للاسف قريبي كان هيموت من الخوف والرعب ، و متعلمش من الموضوع ده  انه يسكت وميتكلمش عن اللي بيشوفه ، وكلم قرايب الرجل اللي مات تاني ،  واصر انهم يجوا يقراو قران او يجيبوا حد يقر ا قرأن بالشقة لان فيها حاجة غلط وعفريت بسم الله الرحمن الرحيم .

اقرأ ايضا قصص رعب حقيقية

السيدتان والرجوع بالزمن قصة رعب حقيقية من سلسلة الرعب الأسود بقلم منى حارس

وللأسف تاني يوم شاف نفس الست المرعبه ،  تاني و بنفس الهيئة وهو نايم على السرير ، وكانت مرعبه اكتر وشكلها أكثر رعب وعيونها حمرا لدرجة مقدرش يستحمل وأغم عليه ، ولما فاق لاقى نفسه على الارض  في البلكونة ، والشيء دا بيقوله ملكش دعوة بينا احسن لك ، بعديها والدي نصحه انه ميدخلش في الموضوع ده ، وملوش دعوة ويقرا سورة البقرة  كل يوم او على الاقل كل 3 ايام مره وبعدها الموضوع خف ، هو مسيش البيت بس مع المواظبة على القران والأذكار ،  الموضوع متكررش تاني الحمد لله ، ودا تقريبا بسبب انه حاول يدخل في حاجة هو ملهوش دعوة بيها .

اقرأ ايضا قصص رعب حقيقية

شبح منازل سيف وعمار البيت قصة رعب حقيقية من المغرب بقلم منى حارس

لو عندك قصة رعب او موقف غريب حصل معاك او مع حد من معارفك احكيهلنا  واكتبه في التعليقات مع ذكر اسم بلدك لنتعرف على اكثر ما يخيف الناس في الوطن العربي ،  والعالم أو إرسله على صفحة للرعب وجوه كثيرة بقلم د منى حارس  ، اعرفكم بنفسي أنا كاتبة مهتمية بالأمور الخارقة والغريبة  التي ليس لها تفسير علمي ولا منطقي ،  وليا اكتر من كتاب منشور ورقي في ادب الرعب وما وراء الطبيعة  ، وأهم اعمالي في أدب الرعب المتواجدة بالمكتبات والمعارض الدولية ” رواية لعنة الضريح – رواية قرين الظلام – رواية – نحن نعرف ما يخيفك – رواية قسم سليمان – رواية المبروكة – رواية مقبرة جلعاد – رواية ابنة سراحديل – رواية رسائل من الجحيم – رواية ساديم – رواية متجر العجائز – رواية قلادة الجحيم – مجموعة قصصية  جحيم الأشباح – لعنة الأرواح – سجلات عزازيل

مع تحياتي

د |منى حارس

 

مني حارس

طبيبة بيطرية وكاتبة وعضو اتحاد كتاب مصر اهم الاصدارات رواية لعنة الضريح- قرين الظلام- متجر العجائز- قسم سليمان- لعنة الارواح- جحيم الأشباح - نحن نعرف ما يخيفك - ساديم - رسائل من الجحيم - المبروكة - مقبرة جلعاد - ابنة سراحديل- رعب التجربة الأمريكية - سجلات عزازيل- جمعية قتل الرجال - رحيل- الأرملة السوداء- اللعنة - قلادة الجحيم- عدلات وحرامي اللحاف - كيف تعتني بحيوانك الأليف

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى