الحلقة التاسعة من قصة: لم يكن الأخير
الحلقة التاسعة من قصة: لم يكن الأخير
فى الجنينة
ليلى قاعده على المرجيحه ومصطفى شافها وهو فى الطريق رايح لها
مصطفى:مابترديش عليا ليه ياموزه
ليلى:متقوليش ياموزه
مصطفى:ليه ياسوكا
ليلى:انا مش سوكا
مصطفى(يتريق):انا مش سوكا ..طب بصى على شكلك وانتى بتقوليها طب
ليلى:انت ايه اللى جابك
مصطفى:ايه اللى جابك ماتطردينى من الجنينة احسن…وبعدين ايه الطفوله دى مرجيحه كمان
ليلى:اه انتى جاى تتريق عليا بقى…بس انا مش فاضيه لك
مصطفى:انا اسف انى هعطلك عن بطولة المراجيح العالميه
ليلى:دمك مش خفيف على فكره
مصطفى:دانتى مش قابلانى خالص …بس اللى نفسى اعرفه ليه بقى
ليلى:لا عادى مين اللى قال كده
مصطفى:انت مابترديش على تليفونى ليه
ليلى:ماسمعتوش
مصطفى:بلاش الاسلوب ده معايا انتى رديتى على علياء
ليلى:اصلييييييي
مصطفى:اصلك ايه …انتى زعلتى منى الصبح علشان مشيت ؟
ليلى:لا
مصطفى:طب فى ايه ؟
ليلى:مفيش حاجه
مصطفى:طيب طلما مفيش حاجه يلا معايا نروح لإياد وعلياء
ليلى:انا مش عاوزه اروح فى حته
مصطفى:طيب انتى ليه مش عاوزه تبقى معايا فى المشروع
ليلى:مفيش سبب ..انا هبقى مرتاحه اكثر كده
مصطفى:لا انا مش هاقبل الردود الدبلوماسيه دى ….كل التغير ده ومفيش سبب …بصى انا مش همشى من هنا لا لما اعرف مالك وانتى كمان مش هتمشى (ويحط ايده على المرجيحه )
ليلى:انت اتجننت …ابعد وعدينى
مصطفى:لا
ليلى:مفيش حاجه على فكره
مصطفى:مش هتمشى برضو
ليلى(بنرفزه):لا انا همشى ..عدينى
مصطفى:قولتلك لازم اعرف…ليه بتهربى منى
ليلى:انا عاوزه امشى
مصطفى:يعنى انا سبت اصحابى وجيت هنا وانتى حتى مش عاوزه تقولى لى مالك ..انتى على فكره ممله جدا انا ماشى (مصطفى يمشى وعلى وشه باين انه بيهزر معاها)
ليلى(حاسه انها مضايقه انه ماشى بس فى نفس الوقت مش عارفه تعمل ايه): (بصوت واطى)مصطفى …استنى..مصطفى
مصطفى (رجع لها ): ايوه هتقولى
ليلى:هو انااااااااااا
مصطفى:اه احنا هنبداء تهتها خلاص ماعطلكيش…سلام
ليلى:انا بحبك
مصطفى:ايه
ليلى:حياتى كلها اتلخبطت ومعدتش عارفة اركز فى المذاكره ولا فى اى حاجه من اول ماقربت منك …دى اول مره فى حياتى احس كده فى الاول ماكنتش فاهمه بس دلوقتى فهمت
مصطفى مصدوم
ليلى:انا بحاول ابعد عنك علشان اعرف اركز تانى فى حياتى بس ادينى فشلت فى اول يوم…طول اليوم امبارح بقول لنفسى لازم ابعد عنك ..انت مبتتكلمش ليه؟
مصطفى:اناااااا…انا عمرى مافكرت فيكى كده
ليلى:كده ازى يعنى
مصطفى:يعنييييي…انا اسف جدا انا همشى
مصطفى مشى وساب ليلى مصدومه
ليلى روحت المدينة وقفلت على نفسها الباب وفضلت تعيط طول الليل وتانى يوم لما صحيت على تلفونها بيرن وعلياء اللى بتتصل
ليلى:ايوه يا علياء
علياء:ايه كل ده نايمه …انا مستنياكى تحت المدينه علشان نروح الكليه سوا
ليلى:بس انا …
علياء انتى ايه انا عاوزكى احكي لك حاجه ومش هضيع من وقتك اهو احنا هنحكى واحنا فى الطريق يلا بقى وحياتى ماتقولى لا
ليلى:خلاص انا هلبس ونزل لك
ليلى وعلياء فى العربيه
علياء:انت شكلك نايم خالص
ليلى:اصلى لسه صاحيه من النوم
علياء:بس د عنيكى وارمه
ليلى:اصلييي …سهرت اذاكر امبارح…..كنت عاوز تقولى لى ايه
علياء:كنت عاوز احكى لك على اللى حصل امبارح معايا انا وإياد
ليلى:بس بختصرا علشان معانا لحد الجامعه بس
علياء:بصى ياستي امبارح لما مشينا من الجامعه روحنا عند مصطفى بس شويه و إياد قالى تعالى نطلع نخرج واخدنى عند جدته زهره ….اه نسيت اقولك واحنا طلعين من عند مصطفى جت بنت بس ايه حلوه قوى ..لو شوفتيها ياليلى اوووووووا شياكه ايه وجمال ايه
ليلى:حلوه قوى كده
علياء:ملكة جمال…بس ياستى ولقتلك إياد بيبصلها كده وهى سلمت عليه وانا مكدبتش خبر ..انتى عارفانى فى الغيره
ليلى:هتقولى لى
علياء:بس طلع براءه طلعت صاحبت مصطفى
ليلى:مصطفى؟
علياء:مش عارفه مصطفى ده بيعرف كل البنات دى ازاى
ليلى:انت مش كنت عاوز تكلمينى على إياد
علياء:اه نسيت ..وبعدين انا طلبت من إياد انه يحسن العلاقه بينه وبين مامته وقولت له انى هساعدو فى كده وكنت عاوز اخد رايك فى الموضوع ده …خايفه الموضوع ده يبوظ العلاقه بينا
ليلى:كل الكلام ده علشان توصلى للنقطه دى ؟؟..على العموم انا شايفه ان معاكى حق ..على فكره طنط فيروز هى اللى ساعدتنى انا ووومصطفى علشان نصالحكم على بعض وهى بتحبك جدا واعتقد ان الموضوع ده هيقربكم من بعض اكتر
علياء:يعنى انتى رايك كده
ليلى:ام
علياء:بس انتى عارفه البنت اللى شفتها امبارح عند مصطفى كانت حاطه كحل ازرق حلو قوى ميكاجها كان حلو
ليلى:لما انتى بتقولى عليها كده يبقى إياد معذور بقى
علياء:هو يقدر يبص بعينه بره…دانا اطلع روحه
ليلى تضحك :علياء هو انا حلوه؟
علياء:انتى زى العسل
ليلى:لا بجد انا بنت حلوه
علياء:بصراحه اه بس ناقصك شويا اهتمام …فاكره يوم عيد ميلاد لما رحنا للكوفير كنت زى القمر
ليلى:ام
علياء:بتسالى ليه
ليلى:عادى
علياء وليلى وصلو الجامعه ولقو إياد وحضرو كل المحاضرات واول لما خلصت المحاضرات ليلى جريت تروح
إياد:ليلى انتى رايحه فين
علياء:سيبها على راحتها ..وبعدين احنا ورانا مشوار ولا انت نسيت
إياد:لا مهو انا كلمت ماما وهى مسافره قدامها كام يوم علشان ترجع
علياء:ترجع بالسلامه ..خلاص ناجلها
مصطفى:هاى
إياد:هاى …ايه اللى جابك المحاضرات خلصت
مصطفى:مانا عارف انا جى ابدل مع علياء فى المشروع
علياء:ايه ..انت مش قولت لا
مصطفى:فكرت …واذا كان انتى معندكيش مانع خلاص
علياء:خلاص يلا بينا
راحو للدكتور وبعدين مصطفى روح وعلياء كلمت ليلى قالت لها ان مصطفى بدل معاها فى المشروع وبعدين راحت هى وإياد على البيت عندها وقاعدو يذكرو مع بعض
فى المدينه ليلى قاعده بتذاكر والبنات فى المدينة وقاعدين يتكلمو على الباب بصوت عالى وهى مش عارفه تركز منهم ..قامت علشان تكلمهم بس سمعتهم بيتكلمو عنها
البنت الاول:يابنتى ليلى دى اشاعات .تلاقيه زى موضوع اياد ..قالو انها مرتبط بيه وطلعت بس بتساعدو علشان يوصل لصحبتها
البنت التانيه:بس ده بيقول موضوع مصطفى ده غير
البنت الاول:يعنى بالعقل كده مصطفى هيبص لبنت زى ليلى ليه دى متعرفش الفرق بين الاي شادو و الاي لاينر
البنت الثانية:لا بس فى ناس كتير شافتهم مع بعض
البنت الاول:لو كان كلامك صح ليه جه النهارده بعد ماهى مشيت يابنتى اللى بتقوليه ده هبل
ليلى رجعت تذاكر لكن ماكنتش مركزه خالص وقعدت تفكر فى الكلام اللى البنات بتقوله والكلام اللى علياء قالته على البنت ووقامت تبص لنفسها فى المرايه وقررت انها تجرب تحط مكياج
حطت مكياج من عند صاحيتها اللى معاها فى الاوضه وظبطت نفسها من وجه نظرها(بس هي علشان اول مره تحط طلعت نفسها شبه العروسه الحلاوه)
بعد ماحطت مكياج نزلت راحت على المكان اللى علياء كانت قالتها قبل كده ان مصطفى بيسهر فيه ودخلت لقت مصطفى بس هو ماكنش شايفها كان قاعد مع بنت تانيه وهى قعدت عند البار
ليلى:لو سمحت انا عاوز من الاحمر اللى البنت اللى هناك دى بتشربه
الجرسون:ده نبيذ احمر
ليلى:اه عاوز منه
الجرسون :تمام ..اتفضلى
ليلى شربت كوبيتين وبعدين قامت رقصت مع الناس اللى بترقص ومصطفى خد باله منها ورحلها
مصطفى :ليلى ..انتى ايه اللى جابك هنا ….وبتعملى ايه كده
ليلى:بعمل ايه يعنى ..انا بعمل زيها(تشاور على البنت اللى مع مصطفى)
مصطفى:طب يلا معايا
ليلى:سيبنى انا مبسوطه كده
مصطفى:يلا (شدها وطلعها على بره وركبها العربيه )
ليلى :احنا رايحين فين
مصطفى:هنروح على المدينه
ليلى:لا انا عاوزه اروح الملاهي
مصطفى:ملاهي ايه بس دلوقتى
ليلى:اوبس انا غلط البنات الكبيره مابتروحش الملاهى مش كده
مصطفى:انتى خرفتى على الاخر..مش هينفع تروحى المدينه كده انا هخدك عندى تفوقى وبعد تروحى الجامعه
ليلى:لا انا عاوز ارجع هناك تانى
مصطفى:خلاص انا هرجعك هناك
لما وصلو اليخت مصطفى بداء يكب مياه على ليلى ويشربها قهوه علشان تفوق
مصطفى:انا مش عارفه ايه بس اللى خلاكى تروحى هناك
ليلى:سبنى بقى …يووووووووووووه
مصطفى:لازم تفوقى
ليلى:انا مش عاوز افوق(تبعد فنجان القهوه)……حلوه قوووى فعلا
مصطفى:مين دى
ليلى:البنت اللى انت كنت معاها …انت عارف انا كنت قاعده ببصلها طول الوقت فعلا معاك حق تحبها
مصطفى:احب مين
ليلى:انا كنت بحاول اعمل زيها
مصطفى:ليه؟
ليلى:حبيت اكون شبه البنات اللى بيعجبوك …حبيت اكون حلوه زيهم
مصطفى:بس انتى حلوه
ليلى:بس مش حلوه كفايه علشان اعجبك
مصطفى:الموضوع مش كده
ليلى:انت ماصدقت وغيرت مع علياء فى المشروع
مصطفى:ده علشان انتى طلبتى
ليلى:انا سقعانه
مصطفى:ثوانى اجيب لك حاجه تدفيكى(مصطفى راح ورجع لاقى ليلى نامت قام مغطيها وفضل يبص لها طول اليل ويفكر فى الحركه المجنونه اللى هى عملتها)
ليلى لما صحيت الصبح وافتكرت اللى عملته امبارح ..قامت وخدت شنطتها ومشيت بسرعه راحت المدينه وهى هناك قاعد تفكر فى اللى حصل وكانت مضايقه جدا فغيرت هدومها وراحت الجامعه تقعد تذاكر فى المكتيه شويه علشان تنسى اللى حصل
بعد المحاضره علياء لاحظت ان ليلى مش مظبوطه فسالتها مالك
ليلى:لا مفيش
علياء:ايه مفيش اللى انتى طالعه فيها اليومين دول ..لما اقول مالك تردى على طول
ليلى:بصى انا هحكى لك علشان تساعدينى فى الورطه اللى انا فيه
علياء:خيييير
ليلى:انا بحب مصطفى
علياء:مين
ليلى:اسمعى للاخر بس…انا قولته انى بحبه
علياء:ايه؟
ليلى:لو قاطعتينى تانى مش هكمل
علياء:خلاص ولا كلمه
ليلى:بس هو طلع مش بيحبنى و امبارح بوظت الدنيا خالص رحت المكان اللى بيسهر فيه وسكرت وعملت فضيحه …ومش عارفه اعمل ايه دلوقتى
علياء:انتى عملتى ايه بالضبط امبارح
ليلى:مش فاكره… اللى فاكره انى صحيت لقيت نفسى نايمه عنده فى اليخت
علياء:اوووووا طيب وعملتى ايه
ليلى :اول ماصحيت لقيته نايم فمشيت على طول
علياء:نايم فين؟
ليلى:انت دماغك راحت بعيد انا كنت نايمه بره على الكرسى وهو كان جوه …انا كنت خايفه مصطفى يكون قال لإياد على حاجه بس واضح انه لا …صحيح هو فين إياد
علياء:لا باباه عاوزه فى مشوار وبعدين متقلقيش لو مصطفى قاله حاجه كان هيقولى
ليلى:انا خايفه حد يكون شافنى امبارح من الجامعه
علياء:متقلقيش لوحد شافك ماكنش هيسكت لدلوقتى
ليلى:طب والمدينه؟
علياء:انا هاجى معاكى دلوقتى اقول انى كنت تعبانه وانتى كنتي قاعده معايا امبارح
ليلى:انا متشكره جدا ..انتى بجد اجدع واحده فى الدنيا
علياء:وعلشان ماتقلقيش من ناحيه مصطفى انا هكلمه
ليلى:هتقولى له ايه
علياء:ماتخفيش اسمعي بس
علياء تتصل بمصطفى
علياء:الو …ازيك يامصطفى
مصطفى :الحمد لله وانتى
علياء:بقولك انت متعرفش حاجه عن ليلى
مصطفى(مستغرب):ليلى
علياء:اه اصلى بكلمها على الموبيل مش بترد ومجاتش الكليه النهارده
مصطفى:لا انا لسه صاحى من النوم وماشوفتهاش من يومين تقريبا
علياء:خلاص انا كده هروح اسال عليها فى المدينه
مصطفى:اه تلاقيها هناك
علياء:سلام
مصطفى:سلام
علياء:كده تمام
ليلى مستغربه
علياء:مهو طالما ماليش على اللى حصل امبارح يبقى مش هيقول لحد
ليلى:هو قالك ايه(تليفونها يرن)ده مصطفى
علياء:ايه …طب روحى اقفي فى حته هاديه احسن يسمع انك فى الجامعه
ليلى:الو
مصطفى:انتى فين
ليلى:اناااااااااا
مصطفى:انا صحيت مش لاقيتك..وكنت قلقان عليكى
ليلى:اه مانا مشيت
مصطفى:بس انتى مارحتيش الجامعه النهارده
ليلى:اصلى كنت تعبانه
مصطفى:تمام …انا بس عاوز اقولك ان اللى حصل امبارح هيفضل بينا
ليلى:شكرا
مصطفى:سلام
ليلى :سلام
علياء:ايه اللى حصل
ليلى:بيقولى انه مش هيقول لحد عن اللى حصل امبارح
علياء:طيب كويس
ليلى:كان قلقان عليا
علياء:طيب مهو لازم يقولك كده ..بس انتى طلعتى مش قليله خالص فى بنت تقول لولد انا بحبك طلعت منك ازى دى
ليلى(مكسوفه): يلا بينا انا عاوزه اروح
علياء:ماشى…. يــــــلا
ريم كانت وقفه وراهم واول ماسمعت ليلى بتحكى عن ورطه قالت اتحاول تسمع من غير هم مايخدو بالهم وسمعت كل اللى حصل
عدى يومين وليلى مابتتكلمش مع مصطفى ولما بيتصل بيها مش بترد عليه
إياد راح لمصطفى اليخت وقعدو سوا يحكو
إياد: فاضل اسبوع على الامتحانات …ايه مش هتبداء مذاكره ؟
مصطفى سرحان
إياد:انا بيتهئ لى انك صورت محاضرات ليلى مش كده
مصطفى:…..
إياد:مصطفى ….مصطفى
مصطفى:ها
إياد:انت ماكنتش معايا اصلا
مصطفى:معلش كنت سرحان شويه..كنت بتقول حاجه
إياد:بقولك انت صورت المحاضرات من ليلى
مصطفى:اه
إياد:شوف بقى لنا كام سنه بنذاكر من محاضرتها و منعرفهاش
مصطفى:…..
إياد:لا انت النهارده مش مظبوط خالص
مصطفى:انا حاسس احساس غريب ..تفتكر ممكن
إياد:ممكن ايه
مصطفى:اه ممكن …مش ممكن ليه
إياد:لا انت خرفت على الاخر ….انت سخن ولا ايه(ويحط ايده على راس مصطفى)لا مش سخن امال مالك
مصطفى(يشيل ايد إياد):اوعى يأخى كده
إياد:نفسى اعرف فى ايه…لو مش عارفك كويس كنت قولت انك بتحب
مصطفى(يبص له بستغراب):ليه لا هو انا معرفش احب ولا ايه
إياد:لا مش كده ..بس انت مصطفى .. انا زي الطير بحب الهجره..ولا نسيت
مصطفى:ام
إياد:لا كده شكلها بجد ….مين هى قولى
مصطفى:مين ايه
إياد:اللى انت بتفكر فيها
مصطفى:مفيش الكلام اللى انت بتقوله ده
إياد:لا انا عارف هى قالت لى
مصطفى(مخضوض):قالت لك ايه؟
إياد:شوف يبقى فى حد وانا لازم اعرف
مصطفى:بصراحه انا مش عارف…بس حاسس انى عاوز اشوفها دلوقتى ضروي ..طول اليوم وهى على بالى
إياد:مين دى
مصطفى:ليلى
إياد:ليلى؟؟ …ازاى
مصطفى:معرفش ..ازاى ولا امتى ..من اول ما شفتها وانا حاسس بحاجه بتشدينى
إياد:بس دانت طول الوقت بتغلس عليها
مصطفى:ظاهر انى حبيتها من اول لما شفتها بس مكنتش فاهم…كنت بعاند نفسى واحساسى …لما كنت بغلس عليها كنت عاوز اثبت لنفسى انى مش مشدود ليها
إياد:طيب وايه اللى خلاك دلوقتى تفهم احساسك
مصطفى:هيا…هيا قررت تبعد عنى …فى الاول مكنتش فاهم مشاعرى ومكنتش عارف ان وجودها مهم كده
إياد:مش يمكن انت تكون اتعودت عليها مش اكثر
مصطفى:تفتكر انى مش هعرف الفرق…انت تعرف عنى كده
إياد:مصطفى علشان انا عارفك كويس ..عارف انك صعب تحب بنت زى ليلى
مصطفى:ليه؟
إياد:انت وهيا مش لايقين على بعض…انا شايف انك تشيل الموضوع ده من دماغك خالص
مصطفى:طيب ليه؟
إياد:ليلى بنت بسيطة مش هتستحمل انك تلعب بيها شويا وتسيبها
مصطفى:مين اللى قال انى هسيبها
إياد:طيب انا هسالك سؤال…انت هتقدر تفضل باقى عمرك مخلص لبنت واحده
مصطفى:طول عمرى؟
إياد:امال انت فاكر ايه …انت اطول مده كنت مع نفس البنت كانت قد ايه ؟…شهر …اتنين…انت جربت قبل كده انك تعيش من غير متكون مع بنت …دانا بدأت احس انك فاتح قلبك اوتيل
مصطفى:بس انا احساسى المره دى مختلف
إياد:علشان البنت مختلفه بس
مصطفى:بس اناا
إياد:مصطفى جرب تبعد عنها شويه وانت هتتعود على غيابها وهتنسى
مصطفى:خلاص …اجرب
بعد مرور اسبوع بداءت الامتحانات اول امتحان كان سهل وكل الطلاب طالعين من الامتحان مبسوطين
يوسف :ياه الواحد كان شايل هم الماده دى بشكل
علياء:بس الامتحان كان حلو قوى
ليلى:حليتو دى ازاى؟
مروه :دى طلعت 70ودى تتطلع 5.6 ودى اثبات اللى كله دواير ده…مش كده
ندى :اثبات دواير ايه ..فين السؤال ده
ليلى :اهو
ندى:اووووا ماشوفتوش
سيف:عادى ..انا شوفتو بس معرفتوش
إيمان:ممكن محدش يراجع
إياد(جه عليهم):عملتى ايه ياعلياء فى الامتحان
علياء:لا ده كان سهل قوى وانت
إياد:لا تمام
ليلى: يلا بينا
مروه:بقولكم ايه ماتيجو نطلع نقعد مع بعض شويا
ليلى:والامتحان اللى جاى
علياء:سيبكم منها …هنروح فين
إيمان:بلاش نطلع بره خلينا نقعد مع بعضنا هنا احسن
ندى:اه كده احسن نقعد فى كافتيريا الجامعه
سيف: خلاص يلا بينا
ليلى:طيب انا همشى بقى
علياء:ليلى ماتبقيش رخمه بقى ..ده ساعه واحدة بس
ندى:اه ياليلى هتبقى رخمه من غيرك
مروه:انتي عمرك ماجربتي قعدتنا بعد الامتحانات
ليلى:اوك …بس ساعه واحده بس
يوسف:انا مش مصدق نفسى البرنسيه هتتكرم علينا
ليلى:هههههه
راحو كلهم قاعدو فى الكافتيريا
ندى:هنعمل ايه
سيف :نلعب اى لعبه
مروه :انا معايا كوتشينه …نلعب الشايب باحكام
كلهم :اوك
مروه:بس للى هيطلع عليه الحكم هينفذو
إياد:يلا بسرعه وزعى الورق
فى اخر الدور طلع الشايب مع ليلى وكل واحد هيحكم عليها حكم
إياد:انا حكمى خفيف روحى لبتاع الكافتيريا وقولى له عندك سكر لما يقول اه قولى له ربنا يشفيك
ليلى:ايه…ماشى (ليلى راحت قالت للراجل ان عليها حكم انها تقوله كده)ربنا يشفيك سمعتو
إياد:انتى غشيتى قولتيه انك عليكى حكم
ليلى:انت مقولتليش ماقولش
ندى:انا مش هحكم عليكى
ليلى:ربنا يخليكى …حد تانى هيظبطنى زيها
يوسف :انا كمان مش هحكم عليكى
ليلى:شكرا
سيف :اممممممممممم انا عاوز تروحى لبنت اللى هناك دى وتطلبى منها 20 جنية بس من غير ماتقولى لها انك عليكى حكم
ليلى:لالا …مش هعرف
مروه:لا لازم تنفذى الحكم
ليلى:اوك
ليلى راحت للبنت والبنت استغربت وغلست عليها وكلهم ضحكو عليها
ليلى:اتبسطو كده …حكم مين اللى جاى
علياء:انا….انا عاوزكى تقفى فى وسط الكافتيريا وتغنى باعلى صوت اى اغنية تختاريها
ليلى:ليه كده دانتى صحبتى
علياء:ده حكم بسيط والله
ليلى:بس ده صعب ….وسط الكافتيريا
علياء:خلص غنى بصوت عالى وانتى قاعده هنا
إيمان:لا ماينفعش نخفف الحكم
ليلى:خلاص بقى خليكى محضر خير ….انا هغنى خاجه مخصوص ليكى ياعلياء
ليلى بداءت تغنى وصوتها كان جميل قوى وكله اندهش لما سمع صوتها : ع هدير البوسطة .. ال كانت ناقلتنا
من ضيعة حملايا .. ل ضيعة تنورين
تذكرتك يا علياء .. وتذكرت عيونك
يخرب بيت عيونك يا.. علياء شو حلوين
نحنا كنا طالعين .. بهالشوب وفطسانين
واحد عم ياكل خس .. واحد عم ياكل تين
في واحد هوه ومرتو .. ولوه شو بشعا مرتوه
نيالون .. ما افضى بالن ركاب تنورين
مش عارفين عيونك يا .. علياء شو حلوين……..بس كفايه كده
علياء:صوتك حلو قوى …ازى مكنتش عارفه
مروه:اه فعلا ..انا عاوزه اسمع اغنية انت عمرى
مصطفى كان بيدور على إياد وكان هيشمى لما شاف إياد قاعد مع المجموعه و شاف ليلى معاهم …بس لما شاف ليلى بتضحك ومبسوطه مقدرش يمشى وفضل يتاملها من بعيد
ليلى:كفايه انا غنيت مره
مروه:لا ده حكم
ليلى تمام … رجعوني عنيك لايامي الي راحوا علموني اندم علي الماضي وجراحه
الي شفتو قبل ماتشوفك عنيا عمر ضايع يحسبوه ازاي عليا
الي شفتو الى شفتو قبل ماتشوفك عنيا عمر ضايع يحسبوه ازاي عليا
انت عمريــــــــــــــــــــــــــــــــــــــــ الي ابتدي بنورك صباحو انت انت انت عمري
مصطفى من بعدين ماشالش عينة من على ليلى ولا ثانيه
إيمان:انا عاوز اسمع على اليادى
ليلى:لا انا مش هغنى لوحدى تانى
علياء:بس انتى صوتك حلو قوى
ليلى:غنو معايا المره طيب
مروه:خلاص ماشى هنغنيها مع بعض
ليلى: عاليادي اليادي اليادي يا قلوب متداريّة
ياما جرح الورد ايادي حتى الجناينية
ياما شفنا في عيون حلوين حكايات القلب المسكين
اولها ورد وياسمين وأخرها انجرح الياســـــــمين
لا العاشق مرتاح ولا الخالي مرتاح
خلينا من السكة دي على البر مراكبية
وكلهم بداو يغنو معاها : عاليادي اليادي اليادي ياقلوب متداريه
ياما جرح الورد ايادى حتى الجناينيه
وبعدين كلهم روحو على البيت
مصطفى طول ماهو بيذاكر بيفتكر ليلى وهى بتغنى انت عمرى
فى تانى يوم امتحان الدكتور نزل مين البحث اللى خد اكثر درجه …ووزع على الطلاب نسخه منه علشان يذاكرو منه علشان هيجى فى الامتحان
يوسف:ازاى ريم هى اللى تجيب اعلى درجه …عمرها ماحصلت
ليلى:ممكن ليه لا هى اكيد اشتغلت كويس على نفسها
علياء:انا اللى يهمنى اننا مطلوب مننا نذاكرو
ليلى(بتبص على البحث):ايه ده
علياء:فى ايه
ليلى:ده البحث بتاعى ..هو هو بالضبط
علياء:ازى يعنى
ليلى:مش عارفه …بس انا لازم اسال الدكتور
وهى رايحه قابلت ريم
ليلى(بنرفزه وبصوت عالى):ازى تسرقى البحث بتاعى وتحطى عليه اسمك
ريم:انا ماسرقتش حاجه انتى هبله ولا ايه
الجامعه كلها واقفه تتفرج عليهم وكمان مصطفى كان قلقان مش فاهم ايه اللى بيحصل
ليلى:ده البحث بتاعى ..انا عارفه كويس
ريم:انا مخدتش بحث حد …هو انتى مستواكى ينزل وتلزقيها فى انا..انا مليش دعوه ان مستواكى نزل
ليلى:انت مالكيش دعوه ازاى بقولك البحث بتاعى
ريم:انتى كدابه
ليلى:طيب انا هروح لدكتور وهو يقرار مين فينا الكداب(ليلى تسيبها وتروح للدكتور لكن ريم تمسكها من ايدها )
ريم(فكرت انها لو قالت على موضوع مصطفى ليلى هتنشغل عن انها تروح للدكتور):استنى
ليلى:ايه خايفه
ريم:هخاف ليه اذ كان الجامعه كلها عارفه انك من بعد مابقيتى بتحبى مصطفى وانتى مستواكى نزل خالص
ليلى:انتى بتقولى ايه؟
ريم: بتحبيه من طرف واحد وعملتى المستحيل علشان يحبك ومفيش فايدة…طبيعى مستواكى يتاثر
ليلى:انتى بتكدبى
ريم:طيب ويوم ماروحتى له النادى وانتى سكرانه وعيطى له علشان يحبك
واحدة من البنات اللى واقفين:مش قولتلك انى شوفت ليلى هناك
ريم:بجد انتى صعبانه عليا
ليلى شدت ريم من شعرها
ريم:ايه ده…سيبى شعرى …ايه الهمجيه دى
علياء:ليلى انتى بتعملى ايه سيبيها
ليلى:مش هسيبها انا لازم اقتلها النهارده
مصطفى:كفايه بقى ياليلى سيبيها
الامن بتاع الجامعه جه اخدهم هم الاتين وراحو لرئيس الجامعه
الدكتور:ايه اللى حصل ده ياليلى كل الطالبه بتقول انك انتى اللى بدائتى
ليلى:يادكتور هى اللى سرقت البحث بتاعى
الدكتور:كان لازم تجى لى تقولى لى مش تتخانقى معاها وتضربو بعض
ريم:انا ماضربتهاش يادكتور ..هى اللى شوهت لى وشى وكانت بتقول هقتلها …انا عاوز اعمل فيها شكوي يادكتور
الدكتور :من حقك طبعا ..بس انتى لو سامحتيها يبقى افضل
ريم:لا يادكتور انا مش عاوزه اتصالح معاها
الدكتور :خلاص قدمى شكوى رسميه
ليلى:بس يادكتور هى سرقت البحث
الدكتور :الموضوع ده لسه هيبان بعد التحقيق …بس انتى ضربتيها وفى شهود كتير
ريم:بعد اذنك يادكتور انا هروح اكتب الشكوى(ريم تتطلع وليلى واقفه بتعيط )
ليلى:يعنى بقيت انا الغلطانه دلوقتى
الدكتور:لحد لما تتطلع نتيجت التحقيق اه…المفروض انك تتمنعى من دخول الجامعه اسبوع بس علشان ظروف الامتحانات وعلشان انتى طالبه مميزه انا مش هعمل كده …
ليلى:شكرا يادكتور
الدكتور :انتى لازم تتصالحى مع ريم علشان لو هى رفعت شكوى ده هيأثر على المنحه بتاعتك…..اتفضلى دلوقتى
ليلى طلعت من عند الدكتور وهى بتعيط
علياء:ها ايه اللى حصل
ليلى:ريم هترفع شكوى عليا
إياد:ايه ازاي…بس ده هياثر على المنحه بتاعتك
البنات عمالين يتكلمو :مش ممكن هى فعلا عملت كده …..ماشفتيهاش عاملة ايه فى ريم ..اكيد الموضع حقيقى
مصطفى:انا اسف انا السبب
ليلى مابصتش حتى لمصطفى وطلعت تجرى وسابتهم
مصطفى :ليلى رايحه فين…إياد انت شوف موضوع الشكوى وانا هروح وراها
مصطفى طلع يجرى ورا ليلى لحد لما وصلت للكورنيش هى قعدت على الكرسى و بتعيط وهو قرب منها ببطئ
مصطفى:نفسى اتقطع وانا بجرى وراكى
ليلى:ايه اللى جابك …انا مش عاوزه اشوف حد
مصطفى:انا جاى اقعد على البحر شويه
ليلى:……….
مصطفى:ممكن اقعد جنبك
ليلى:لا
مصطفى(يقعد):متشكرا جدا….على فكره هى بتعمل كده علشان بتغير منك
ليلى:مش مهم ليه المهم ان تعب اربع سنين هيروح كده..وكمان الجامعه كلها بقت عارفه اللى حصل ازاى هدخل الجامعه تانى
مصطفى:هى الجامعه كده هيفضلو يتكلمو يومين وبعدين ينسو
ليلى:اه فعلا انا زعلانه ليه سهلا جدا كلها كام يوم وهينسو مش كده
مصطفى:تمام
ليلى(بنرفزه):هو ايه اللى تمام…مفيش حاجه تمام هو علشان انت مش مضرور بحاجه …اى يعنى المشكله لما بنت تحبك وانت ماتحبهاش عادى جدا اهى واحده زياده من ضمن البنات اللى هتموت عليك….مانت متعود على الموضوع ده
مصطفى:ايه اللى انتى بتقوليه ده
ليلى:مش دى الحقيقه…انا اللى الدنيا كلها وقعت على دماغى لوحدى وانا اللى مطلوب منى اصلح كل حاجه لوحدى
مصطفى:انا مش هسيبك الا لما احل لك المشكله
ليلى:ياه ايه القلب الكبير ده .لا شكر انا مش عاوزه مساعده منك …….ياريت تسيبنى فى حالى عاوزه اقعد لوحدى
مصطفى:لا انا مش هسيبك
ليلى:خلاص امشى انا
مصطفى مسكها من ايدها :لا مش هتمشى
ليلى(بصوت عالى ):سيب ايدى
مصطفى:لا لازم تسمعينى
ليلى:قولتك مش هسمع
مصطفى(بصوت عالى):لا هتسمعى
ليلى وفقت
مصطفى :لازم ازعق يعنى
ليلى بهدوء:سيب ايدى
مصطفى:بس هتسمعينى
ليلى:طيب
مصطفى:اقعدى
ليلى:انا مش عاوزه اقعد
مصطفى:اقعدى لو سمحتى
ليلى تقعد
مصطفى:انتى متعبه على فكره
ليلى :انا همشى
مصطفى:لالا انا اسف
ليلى:هتقول ايه خلصنى
مصطفى:خلصنى؟….بصى انت صحيح لسانك طويل و بتفهمى غلط ومطلعه عينى …بس بحبك
ليلى تتحاول نظرتها من نظرت غضب الى استغراب وفرح
مصطفى:ايه مش هتقولى حاجه
ليلى:انت قولت ايه؟
مصطفى:لا مش وقت طرش دلوقتى خالص …انا قولتك بحبك
ليلى:اه انا سمعت بش مش فاهمه
مصطفى:مش فاهمه؟
ليلى:لا قصدىىىىىى.مش عارفه ارد اقول ايه
مصطفى:تقولى وانا كمان
ليلى:بس انت قولتى انك مش
مصطفى:كنت بكدب عليكى وعلى نفسى …ماكنتش فاهم مشاعرى صح
ليلى:طيب وايه اللى اتغير دلوقتى
مصطفى:لما بعدت عنك عرفت قد ايه انتى مهمه بالنسبه لى و كانت عاوز اقولك من زمان بس كنت خايف
ليلى:خايف؟
مصطفى:انا اول مره احس الاحساس ده وخايف من الفشل….بس احساسى انى ممكن اخسرك كان اقوى من احساس الخوف من الفشل
ليلى:ماتخافش طول ماحنا مع بعض عمرنا ماهنخسر
مصطفى:انا اسف انى خليتك تستنى كل ده
ليلى تبتسم:عادى مانا هطلعو عليك بعد كده
مصطفى:هههههههههه لقد وقعانا فى الفخ
ليلى:ههههههه
مصطفى روح ليلى على المدينه وبعدين كلم إياد وعلياء وعرف منهم ان ريم ………………
———————————
تفتكروا ريم هتعمل ايه؟؟؟؟؟
