قصص للاطفال مليئة بالعبر والدروس القيمة لا تفوتها على صغارك!
أيتها الأم الذكية أسدي إليكِ هذه النصيحة الغالية…
يجب عليكِ دوما البحث عن كل ما هو جديد في وسائل التربية والتنشئة، عليكِ دوما التغيير من أساليبكِ في التربية لضمان حصولكِ على أفضل النتائج الممكنة والتي تتجسد على طباع وخصال أبنائكِ.
كلنا على ثقة ويقين بأنكِ دوما تختارين الأفضل والأنسب لأبنائكِ، وصدقا لن تجدي أفضل من هذه القصص من قصص للاطفال قصيرة مكتوبة كاملة لتقدميها لهم، ولنا دعوة خالصة من قلبك الجميل..
القصـــــــــــــــــــة الأولى:
بيقولوا إن كان فيه وردة زي القمر وجميلة أوي أوي، الغريب إنها كانت عايشة في صحرا ناشفة ومفيهاش ماية تقريباً.
الوردة دي جالها غرور زيادة عن اللزوم بسبب جمالها الخلاب، وكانت على طول متضايقة وبتتأفف عشان فيه صبارة قاعدة جنبها.
الوردة كانت شايفه إن الصبارة دي شكلها وحش ومقرفة، وميصحش أبداً تقعد جنبها!
ما سبتش يوم يعدي عليها إلا واتنمرت فيه على الصبارة، كانت تتعمد تقرب من الصبارة عشان تشم ريحتها، وبعدين تقول أوحش كلام عن قد إيه الصبارة دي شكلها مقرف وقد إيه ريحتها مش حلوة زي ريحتها هي.
أما الصبارة، فكانت صبورة لأبعد الحدود، وكانت بتطنش خالص تصرفات الوردة المغرورة اللي ما بتبطلش تضايقها طول الوقت وفي أي وقت.
لما زادت تصرفات الوردة عن حدها، النباتات التانية حاولت تتدخل عشان تنصحها وترجعها لصوابها، بس كل اللي عملوه مع الوردة كان مالوش أي لازمة.
جيه الصيف وسخن أوي، درجة الحرارة كانت عالية جداً وحصل جفاف رهيب، نتيجة لكده، الوردة بدأت تذبل وتنشف، أوراقها جفت، وبكده فقدت ألوانها الزاهية وريحتها الحلوة المعطرة.
الوردة كانت بالعافية قادرة تقف على ساقها، فجأة شافت حاجة غريبة جداً، لقت عصفورة قربت من الصبارة اللي كانت الوردة دايماً بتشتمها بأوحش الألفاظ، الطائر حط منقاره جوه الصبارة، وبدأ يشرب منها ماية من كتر عطشه
الوردة خلت بالها من حاجة مهمة جداً إن الصبارة دي ليها قيمة أكتر منها بكتير، لأنها كانت سبب في إنها أنقذت حياة طائر بسبب الماية المتخزنة جواها، وبالرغم من إنها كانت مكسوفة جداً وندمانة على كل اللي عملته في الصبارة، إلا إنها ما ترددتتش وطلبت منها شوية ماية متخزنة عشان تقدر تعيش، وحياتها كانت خلاص في خطر وممكن تنتهي في أي لحظة.
أول ما طلبتها الوردة وهي مكسوفة، لقت الصبارة بتديها ماية بزيادة!
الوردة ما عرفتش تقول إيه للصبارة طيبة القلب والمتسامحة لأبعد الحدود، دي لسه مساعدة الوردة عشان تقدر تصمد وتعيش وتنجو من شدة الحر والجفاف اللي مالوش مثيل.
عشان كده يا حلوين، لازم مانحكمش على اللي حوالينا بالمظاهر الخارجية، عشان المظاهر دي على طول خدّاعة، عشان ما نندمش زي ما حصل مع الوردة المغرورة اللي جمالها راح بسهولة.
وكمان نتعلم درس مهم من الصبارة إننا نسامح ونعفو وقت ما نكون قادرين، ودي صفات الناس الكويسة.
القصــــــــــــــــــة الثانيـــــــــــــــــــــة:
بيقولوا إن في يوم من الأيام، كان فيه خمس ضفادع قاعدين مع بعض، وفي يوم، كانوا قاعدين على ورقة وردة لوتس كبيرة في أمان وسلام تامين، لحد ما واحدة من الضفادع قررت إنها تنط في الماية.
لو سألتك دلوقتي: “كام ضفدع فاضل؟”، يا ترى إجابتك هتكون إيه؟!
لو جاوبت وقلت أربع ضفادع، تبقى شاطر أوي في الرياضة وبرافو عليك، بس أنا مش بحكي لك القصة دي عشان أعلمك درس في الحسابات (الرياضيات)، لأ، القصة دي عشان أديك درس في الحياة.
الإجابة الصح يا صغيري الحبيب هتكون: خمس ضفادع لسه قاعدين على ورقة اللوتس الكبيرة، ليه؟!
لأن الضفدع ده قرر بس إنه ينط في الماية، لكنه في الحقيقة مانطش!
الحياة كده بالظبط، بلاش تكون زي أي حد عادي قاعد بيتفرج على الدنيا وهي ماشية، متاخدش دور المتفرج بس!
إنت محتاج في الحياة دي إنك تبذل شغل كتير ومجهود واستمرار ومثابرة، إنت جزء مهم في الحياة دي، خليك قد دورك ومتقللش من قيمة نفسك!
اقرأ مزيدا من قصص للاطفال على موقعنا المتواضع من خلال الروابط الآتية:
قصص للاطفال بعنوان أعدك سأتعلم من خطئي المرة القادمة!
وأيضا/ قصص للاطفال بالعربية مجموعة متنوعة من اروع القصص للصغار
قصص للاطفال باللغة العربية قصة الراعي الكذاب والطفل المشاغب ايمن
