قصص جن حقيقية حدثت في السعودية

إن كنت من عشاق قصص الرعب والجن، استعد جيدًا، فهذه القصة ليست لأصحاب القلوب الضعيفة!  قصص جن حقيقية حدثت في السعودية مخيفة ومميزة جداً لكل عشاق التشويق والاثارة وقصص الرعب التي تجعلك لا تنام الليل ، أقوي قصص جن حقيقية حدثت يرويها أصحابها نتمني لكم قراءة ممتعة ومشوقة مع احداث هذه القصة المخيفة .

قصة الجن العاشق “فتاة خطفها الجن”

القصة الحقيقية هى لفتاة عشقها جنى سفلى، تدور أحداث القصة في منطقة حائل بالمملكة العربية السعودية، كانت تعيش الفتاة المسكينة مع والدتها العجوز التي يعتني بها. وفي أحد الأيام، وقع في حبها جنى وهو أحد أبناء ملوك الجان، وطاردها حتى تلبسها الجنى.بعد ذلك تحولت حياتها إلى جحيم لأنها رأت الكثيرمن التعب و العذاب بمختلف اشكاله … فقد رأت كوابيس أثناء نومها ورأت جن ينام بجانبها . خلال تلك الفترة بقيت البنت تعانى من الجن و زياراته الليلية حيث كانت كلما تنام ترى هذا الجنى يأتى إليها و يعاشرها لأنه من أخطر أنواع الجن العاشق.

وبعد فترة طويلة بدأ ظهور شعر أبيض غريب على جسدها، ظن والداها أن هناك شيئًا غريبًا بها، أو أنها ممسوسة، فاستدعى شيخا للتعامل معها. بدأ يقرأ لها القرآن،و جاء الرجل بالفعل وبدأ بالتلاوة. وقد حدث ما توقعه والدها، كان قد أنكر ذلك حتى اللحظة الأخيرة عندما رأى بعينيه و زال شكه حينها.

ما إن سمعت الفتاة القرآن حتي بدأت تصرخ وأصابعها صرع شديد وبدأت تتخبط وحينها بدأ الجن ينطق علي لسانها , تكلم الجني على لسان البنت بعد أن تلبسها و أخذ يهدد الشيخ و يهدد أهل البنت و كان من الجن السفلى المؤذي .
بدأ الشيخ يقرأ عليه القرءان و كاد الجن أن يحترق , حينها قرر الهروب ,, وقبل أن يختفي و ينزل تحت الارض قال لهم سأذهب الآن ولكنني سأعود من اجلها لأنى أعشقها ولن أتركها ، و لأنكم فعلتم ذلك معى و أردتم حرقي فسوف أعود لكم لكى انتقم منكم جميعاً .. في هذه الليلة نامت البنت المسكينة وحدها في غرفتها وهى تعتقد أن الجن العاشق قد تركها و أنها ارتاحت منه , لكن عند منتصف الليل بدأت ابواب وشبابيك الغرفة من حولها ترتج بشدة و تتخبط و كأنها ستتكسر , والستائر تتساقط من حولها وفجأة اختفت الفتاة من المكان , فقد اختطفها الجني العاشق وهرب بها إلي جبال حائل .

(مستشفى عرقة) المسكونة بالجن

الإنسان دايما بيحركه الفضول، بيحب يبحث في كل شيء غامض.. و الأماكن المسكونة هي اللي بتشبع فضوله! من اكتر الأماكن المسكونة بالجن ومنتشر حواليها الحكايات المرعبة والغامضة هي مستشفى عرقة؟! مستشفى موجودة في السعودية اتبنت من سنين.. مستشفى مجهزه بأحدث الأجهزة لكن لحد وقتنا هذا مقفولة والاشباح هي اللي سكناها !…
حكايات كتير اتحكت أن المستشفى دي يسكنها الجن، وأهالي المنطقة اللي موجود فيها المستشفى دايما بيسمعوا أصوات صرخات مفزعة قادمة من داخل المستشفى! أضواء مجهولة تضاء فجأة من تلقاء نفسها! اشتعال النيران في النوافذ! مشاهدة ظلال سوداء بتتجول في أروقة المستشفى ليلا!
كل دي حكايات سكان المنطقة اللي فيها المستشفى كانوا بيحكوها، وياما بلغوا الشرطة إن المستشفى دي بيحصل فيها حاجات غريبة، ولما الشرطة كانت بتيجي وتدخل المستشفى عشان تتحقق من صدق الروايات مكنتش بتلاقي حاجة!…
خلينا الأول نعرف المستشفى اتبنت امتى؟
بص يا سيدي ف روايتين بتتقال ف بناء مستشفى عرقة، الرواية الأولى أنها كانت هدية من الحكومة اللبنانية للمملكة العربية السعودية، واللي قام بتشييدها رئيس وزراء لبنان الراحل ( رفيق الحريري) سنة 1987..
وكان الهدف من بناء المستشفى تبرع إلى الحكومة السعودية لعلاج المرضى بمدينة الرياض….
دي الرواية الأولى

اما الرواية التانية واللي صدرت عن المملكة العربية السعودية بها بيان رسمي، أن المستشفى تم تشييدها في نفس العام ولم يتم العمل الفعلي بها؟! خليني اوصفلكم شكل المستشفى من الخارج والداخل عشان تتخيلوا معايا المشهد بظبط؟
بص يا سيدي المستشفى عبارة قصر فخم جدا، لما تدخلها هيصيبك الذهول من الديكور المميز ومساحتها الكبيرة، وهي من 8 أدوار… المستشفى دي مجهزه بشكل كامل، أحدث الأجهزة الطبية هتلاقيها موجودة، وكمان الاسانسير شغال والكهرباء جاهزة، حتى أن بالمستشفى عدد من السراير اللي بتكفي ل اكتر من 400 مريض…
ولو طلعت للدور الأخير هتلاقي أن فيها وحدات من غرف العناية المركزة اللي تم تجهيزها بالكامل، من أجهزة طبيه، هنا هتلاقي نفسك بتسأل سؤال مهم جدا؟ طالما أن المستشفى جاهزة ليه ماتمش العمل بها لحد الان؟ يعني المستشفى مش شغاله ليه ومش بتستقبل المرضى؟! وايه اللي خلاها مهجورة لسنين لحد ما بقت مسكونة بالجن؟! السؤال ده محدش لقى له إجابة!….
.
.
الحكايات الغريبة اللي انتشرت حوالين مستشفى عرقة، خلت مجموعة من الشباب انهم يقرروا انهم يقتحموا مستشفى عرقة ف وقت متأخر، عشان يثبتوا لنفسهم وللناس أن كل الحكايات اللي بتدور حوالين المستشفى تخاريف مش اكتر !…
في يوم من الايام خمسة أصدقاء قرروا انهم يروحوا للمستشفى في وقت متأخر من الليل، بالفعل اتجهوا الشباب بسيارتهم إلى المنطقة اللي موجود فيها المستشفى وفضلوا يبحثوا عن باب عشان يدخلوه جوه المستشفى، لكن كل الأبواب الخارجية للمستشفى كانت مقفولة، بس في النهاية لقيوا باب عليه كسر بشكل جزئي…
وبمجرد ما دخلوا الشباب اتجهوا للدور الأول، هناك مالاقيوش حاجة تثير الانتباه، فركبوا الاسانسير وراحوا بيه للدور التاني، ولما وصلوا ملقيوش برضه اي حاجة غريبة أو مرعبة! فهنا قرروا انهم يفضلوا ف الدور ده شوية، لكن واحد منهم قرر انه يطلع للدور التالت!

فعلا الشاب ده ركب الاسانسير لوحده، وممرش دقائق ع طلوعه، فجأة سمعوا باقي الشباب اللي موجودين ف الدور التاني صوت صرخت واستغاثه جاية من الدور التالت! الصوت ده كان صوت زميلهم! اتفزعوا من صوته، فطلعه بسرعه ب الاسانسير عشان يشوفوا ايه اللي حصل لزميلهم؟! لما طلعوا لقيه زميلهم خايف جدا وجسمه ببترعش وعمال يبرطم بكلام مش مفهوم! زميلهم اخادهم لاوضة من الأوض المقفولة هناك شاموا ريحة منظف من المنظفات وكانت نفاذه جدا، كأن حد كان بينضف الدور !

الشباب راحوا لاوضة من الاوض وفتحوها، لقيوا ف الاوضة كوباية شاي سخنه كأن كان حد لسه عامله حالا عشان يشربه! وده كان شيء مرعب وغريب لأن مفيش حد اصلا جوه المستشفى لأنها مهجورة! لما دخلوا جوه الاوضة حسوا ان ف أصوات أقدام بتمشي ف الاوضة، ولما كانوا يبصوا مايلاقيش صاحب صوت الأقدام ده!
كان شيء مجهول بتحرك وسامعين صوت حركات رجليه! ده خلاهم يخافوا، جريوا الشباب بسرعه الاوضة عشان ينزلوا وخرجوا من المبنى كله!..
الشباب ملحقوش ينزلوا للدور التاني لأنهم أثناء نزولهم، وقفوا شوية عشان يلقطوا انفاسهم، ف اللحظة دي لفت انتباهم لافته منوره ومحطوطة ع باب ومكتوب عليها “تلاجة الأموات” وكان الباب عليه شباك صغير كاشف الاوضة من جوه، لما بصوا ل جوه صعقوا من اللي شافوه!

لما بصوا ع الشباك اللي كاشف الاوضة من جوه لقيوا تلاجه كبيرة مفتوح بابها، ده كان باب تلاجة الأموات! من الباب ده شافوا ظلال لأشخاص بيخرجوا من التلاجة وبيمشوا ف الاوضة! المشهد كان مخيف جدا، الشباب واقفين بيتفرجوا وكل حته ف جسمهم ببترعش من الخوف! بدأوا يسمعوا أصوات كتير مداخله ف بعض، الأصوات كانت عالية، كأنهم ف سوق! هما مكانش شايفين اي هيئة للظلال دي، هي بس ظلال زي الخيال الأسود ملهاش اي ملامح!
فجأة سمعوا صوت صرخة قوية جدا خارجة من ظل من الظلال السودة، وبعد الصوت ده لقيوا أن الظلال بتجري عليهم بسرعة جدا! ده خلاهم يجروا بسرعة وهما خايفين!..

لكن شاب من الشباب وقع ع الارض من شدة الفزع! وف اللحظة دي أصحابه شافوا ايد خرجت فجأة عايزة تسحب صديقهم بقوة! لكنهم انقذوه في الوقت المناسب! وبعد ما انقذوه جريوا الشباب ناحية الباب اللي دخلوا منه للمستشفى!…
بس قبل ما يخرجوا بره المستشفى اتفاجئه بست عجوزة، كان شكلها مرعب جدا، عماله تصرخ فيهم وتقولهم ( أخرجوا بره بيتي، انتم صحيتوا حيواناتي من النوم)!..
الشباب بعدها خرجوا بسرعة من المستشفى!..
لما خرجوا بره المستشفى لقيوا شخص واقف عند عربيتهم، الشخص ده سألهم:
كنتم بتعملوا ايه في المستشفى ف الوقت المتأخر ده؟

الشباب حكوا للشخص ده كل حاجة حصلت معاهم جوه، وقالوله انهم شافوا جن جوه المستشفى، وان ف أشباح وجن جوه المشرحة وكان عايز يأذيهم!…
الراجل قالهم ايه اللي دخلكم ف الوقت ده انتم متعرفوش أن المستشفى دي مسكونة بالجن! وقالهم كمان كويس انكم خرجتوا سلام! ونصحهم انهم يمشوا بسرعة من هنا وميجوش هنا تاني!…
بالفعل الشباب سمعوا كلام الراجل وجريوا ع عربيتهم ركبوها ومشيوا، وهما ماشيين قابلتهم سيارة دورية للشرطة وقفتهم وسألهم الظابط عن سبب وجودهم ف المكان ده بليل؟ الشباب حكوا للظابط كل حاجة من اول ما دخلوا للمستشفى، واللي شافوه جوه من جن وظلال وحاجات غريبة ومرعبة، لحد ما خرجوا وقابلهم حارس المستشفى وقالهم يمشوا وميجوش هناك تاني…

الظابط لما سمع كلامهم استغرب جدا، هو مستغربش من كلامهم عن المستشفى وأنهم شافوا جواها جن، لأ هو استغرب من حكاية حارس المستشفى، لأن اصلا مافيش حارس للمستشفى، الظابط قالهم أن المستشفى مهجورة من سنين، ومافيش ولا بني آدم ف المكان ده، سواء جوه المستشفى أو خارجها!..
يعني الحارس كمان كان شبح أو جن مش بني آدم!
القصة دي كانت أشهر قصة عن مستشفى عرقة المسكونة، والقصة دي دفعت شباب كتير ع مواقع التواصل والسوشيا ميديا انهم يعملوا اتفاقات بأنهم يدخلو المبنى ويكتشوا حقيقة الرواية، وده خلى السلطة السعودية أنها تقفل المستشفى بشكل رسمي، عشان يعني تحافظ ع الأجهزة الحديثة اللي فيها والأثاث، وكمان عشان محدش يدخلها من الشباب المتهور اللي بيبحث عن المغامرات!…

بعد ما المستشفى أقفلت بشكل نهائي من السلطة السعودية ومنعوا أن اى حد يدخلها،  مواقف حكايات الجن والأسباب اللي ساكنه جواها؟ السكان المجاورين لمستشفى عرقة بدأوا يبلغوا الشرطة انهم بيسمعوا أصوات عالية، أصوات مرعبة جدا جاية من المستشفى، الأصوات دي كانت بتحصل بليل! وكمان كانوا بيشوفوا أنوار بتتفتح بليل، وأوقات كانوا بيشوفوا نيران بتشتغل ويخرج لهيبها من الشبابيك! الشرطة لما كانت بتستجيب ل البلاغات، ولما كانوا بيجيوا يدخلوها مكانوش بيلاقوا حاجة من اللي بتتحكي!

اكتر حاجة غريبة حصلت ف المستشفى، حصلت ف المسجد بتاعها، مسجد المستشفى كان بيتسمع خارج منه أصوات عاليه، أصوات جميلة جدا! صوت قران بيتقري بصوت حلو! والغريب أن المسجد مقفول اصلا ومحدش بيدخله خالص؟!….
لحد الان لغز مستشفى عرقة غامض، محدش قدر يوصل للحقيقة، واحتمال وجود الجن مش مستبعد لأن الأماكن المهجورة هي اكتر الأماكن اللي بيحبها سكان العالم الآخر، عالم الجن والاشباح!
في النهاية عايز اقولكم حد يقدر يدخل مستشفى عرقة المسكونة بالجن، ويكتشف بنفسه حقيقة الحكايات اللي منتشره عنها؟!