اختي والقرين وللرعب وجوه كثيرة بقلم منى حارس قصة باللهجة المصرية

الكثير من القصص المخيفة التي تحدث وليس لها تفسير منطقي ، ولا نعرف حتى لما تحدث من الاساس ولكنها تحدث ، واليوم اقص عليكم قصة صديقتنا من مصر وهي تحكي عن قرينتها وتابعتها من الجن ، وكيف ظهرت لها القرينه لتضايقها وهي لا تعرف ماذا تريد منها التابعة والقرينه ولماذا تؤذي اصحابها واقاربها بتلك الدرجة ، وهل حقا القرين ليس له اسنان وبشع الخلقة وفكه مكسور كما كانت تظهر لها ، وهل يعيش بالمرايا وهل يسكن بداخلها ، وماذا يريسد منها وماذا فعلت هي ، هي لا تفهم شيء هل هذا لانها تذاكر في الليل وماذا فعلت واجرمت ، واليوم تقص صديقتنا نجلاء قصتها وتخبرنا بتوتر ورعب ما حدث معها  وهي تقص علينا ما حدث لها ولا تفهم لماذا ، في قصة باللهجة المصرية بعنوان اختي والقرين وللرعب وجوه كثيرة بقلم منى حارس

أختى والقرين قصة رعب من مصر باللهجة المصرية

في الاول اعرفكم بنفسي ، اسمى نجلاء مخلصة كلية اداب قسم تاريخ ، لغاية فتره قريبه اووى  ، مكنتش بصدق بوجود حاجه اسمها جن وعفاريت  والكلام دا بصراحة ، عارفة ان الجن مذكور في القرآن الكريم ، بس مكنتش بصدق بوجودهم بالحقيقية اعتقادي انهم من زمن ، بس مش في عصرنا دا ، ايام الامتحانات لليسنس ، كنت عاوزة اخلص واخد الشهادة لاني كنت هتجوز فمش عاوزة اشيل مواد ، كنت بذاكر بالليل في الشقة اللي قصادنا نسيت اقلكم انى ساكنه في بيت عيله ، البيت مكون من دورين احنا ساحنين في الاول ،  والدور التاني جدي والشقة اللي قصادنا دى فاضية ،  كنت بحب اذاكر فيها لان اخويا بيسهر طول الليل على التليفزيون ، وبيعلى الصوت كنت بروح اذاكر في الشقة دى علشان المشاكل .

اقرا ايضا قصص رعب حقيقية مخيفة جدا عن القرين وحقائق عنه بقلم منى حارس

قصص حقيقية مرعبة عن القرين ج3 يحكيها أصحابها

من اول السنه وقررت اذاكر بجد علشان اخلص وانجح ، كنت ارجع من الكليه انا واصحى بالليل اروح اذاكر في الشقه لوحدى ، في الاول  كان بيحصل حجات  غريبة اووى ، ومكنتش فاهمها كنت بقول انه شيء عادى ، وكل دا  تهيأت  لانى كنت بخاف مش هنكر بس كنت بشجع نفسي ، وفي يوم نمت  على الكتاب وصحيت بفزع ، على  صوت  كوباية الشاي واتكسرت على الارض ، استغربت هي وقعت ازاي ، وبعدها لقيت حاجة تانية بتتكسر خرجت برعب للصاله  ، وأنا مش فاهمه هي الشقة عبارة عن اوضتين وصاله  مفروشة ، شقة للضيوف لما حد بيجي من البلد بيبات فيها ،  خرجت للصاله لقيت وحدة واقفه وضهرها ليا وهي اللي بتحدف الكوبيات على الارض ، انا حسيت انى هموت من الرعب مش عارفة دي مين ، قولتلها انت مين ، التفتت ليا وهنا كنت هموت حرفيا دى انا ايوة دي واحدة شبهي بالظبط ، قلبي كان هيقف مهو صعب انك تشوف نفسك قدامك .

اقرا ايضا قصص رعب مخيفة عن القرين حدثت بالفعل

حقائق مرعبة عن القرين ج1 مع ذكر بعض القصص الحقيقية عن ظهوره

حاولت اصرخ  بس صوتى مطلعش ، انا معرفتش اعمل ايه بس لقيتها بتبصلي اووى وجاية نحيتي ، وهنا أنا مقدرتش فوقعت على الارض ومش فاكرة ايه اللي حصل ، سمعت اذان الفجر من الميكرفون اللي متعلق في البلكونة ، فتحت عيني وافتكرت اني كنت بحلم وكل دا محصلش .

كنت حاسة بتوتر ورعب من الموقف او الكابوس ، فتحت الفون على الفيس ، والغريب اني لقيت  منشور غريب جدا على صفحة رعب  بيقول احذروا من القرين لانه بيراقبك وانت مش عارف ، ولما تكون نايم وحس هو بالملل يقوم بكسر الحجات الموجوده جنبك علشان تقوم من نومك  تونسه ، معرفش ازاي مشفتش البوست ده قبل كدا ، ومعرفش الكلام دا حقيقي ولا لاء وفعلا ممكن يكون حصل كدة من شوية ومكنش حلم مش فاهمة .

حاولت اتناسى واوهم نفسي انه مجرد كابوس وصدفه ، كنت تعبانه اووى دخلت انام شوية ، وهنا شوفت أسوأ كابوس في حياتى ، كنت واقفة  قدام المرايا  وفي ايد خرجت من المرايا ، ودخلتني جواها واعدت تشدني اووى من رجلى ،  ومكنتش عوزه تسبنى ابدا  وانا كنت بصرخ بصوت عالي ، وبعدها سبتنى واختفت تحت الارض  ، قط اسود واقف وعيونه حمرا زى الدم ، انا مكنتش قادرة اتنفس كنت حرفيا بموت وهنا سمعت صوت امي بتقولي اومي يا نجلاء خطيبك على التليفون .

فتحت عيني برعب وانا بصرخ ، لقيت امي واقفة بتصحيني ، كانت رجلى كانت وجعانى اووى مكنتش قدره اقف عليها ، كانت رجلي متعورة وانا مكنتش فاهمة حاجة فكرت اقول لخطيبي ، بس مردتش اقول وسكت ، بعدها روحت تاني  من التعب والاجهاد كنت محتاجة الم المادة ، عاوزة اخلص مش عاوزة اطلع بمواد ، دخلت الشقة بصيت للمرايا اللي قصاد الباب وكان في واحدة لابسة اسود شكلها مرعب اووى وكانت بتبصلي جامد ، كنت خايفة اووى ومرعوبة  قفلت الباب وجريت ،  حكيت لبابا قالي اهدى يا نجلاء ، كل دي تهيئات وقرالي قران وقالي اشغل قران وانا بذاكر علشان مخفش .

اقرا ايضا قصص مخيفة حقيقية عن القرين وحقائق مثيرة عنه

حقائق مرعبة عن القرين ج2 وقصص حقيقية مخيفة

قررت مش هزاكر بالليل تاني ،دخلت الم حجتي من الشقة بالنهار  كنت خايفة اووى ومرعوبة جدا ، بس مفيش حاجة غريبة وشلت المرايا الموجودة بالشقة ،  وقررت مش هزاكر تاني غير في شقتنا وفي اوضتى وفعلا .

بس اليوم دا بالليل وانا بذاكر تليفونى رن ، كان الوقت متاخر اووى افتكرت واحدة من صحباتي او خطيبي ، بس كان نفس رقمي انا ، كنت هتجنن فعلا ومش فاهمة تليفونى بيتصل بنفسه ازاي ، فتحت الفون وكان صوت حد بيتنفس بصوت عالي وحشرجة ، وبعدها صوت صرخه  عالية جدا ، التليفون وقع من ايدي .

اقرا ايضا قصص مخيفة

الرجل الخفي وتابعة من الجن قصة رعب حقيقية بقلم منى حارس

ولقيت حاجة سودا بتجري قدامي ووقفت قدام المرايا اللي في ركن الاوضة ، بصت المرايا كان شكلي غريب اووى حاسة انه مش انا ، قريت ايه الكرسي ورجعت اكمل مذاكرة تاني وانا بطمن نفسي ، حسيت بالعطش الشديد اوى وقومت اشرب دخلت المطبخ ، ولقيت واحدة واقفة  قدام التلاجه وبتخرج  كيس لحمه  ني من الفريزر ، انا بصيت برعب  مش عارفة مين دى لفت وشها وكانت انا ونفس شكلي  ، انا صرخت برعب ومش فاكرة حصل ايه بعدها اصلا ، ووقعت على الارض  وفقدت الوعي وماحستش بنفسي غير على صوت  اخويا ، وهو بيفوق فيا ، انا سمعت الصوت وفتحت عيني ، لقيت اخويا صرخت برعب واعدت اعيط  بطريقة هيستيريا ، اخويا بصلي وقالي انتى شوفتي ايه يا نجلاء ،  كأنه كان عارف حاجه وبدأ يحكيلى.

انه كان سهران امبارح وراح يعمل فنجان قهوه ،  وهو رايح المطبخ سمع صوتي بغني في الحمام ، واستغرب جدا لان عمري مبتغنى فى الحمام ،  ودخل المطبخ ومرة واحدة اعدت اضحك ضحك هستيرى قولت انها اتجننت ،  وبعدها اعدت تصرخي بصوت عالي ، طلعت اجري على الحمام الباب كان مفتوح الدنيا ضلمة ، وكان انعكاسى ظاهر فى المرايا وكنت  مدبوحه وعنيكى كانت بيضه ، وفكك شبه مكسور وبقك مفتوح على الاخر ، انا جريت برعب وهنا النور جه .

وكل حاجة اختفت ، روحت اوضتك لقيتك نايمة فقلت يبقى دا تهيئات وتخيل .

بس كدة في حاجة غلط ولازم نفهمها يا نجلاء وعندي صاحبي ابوه بيفهم في الامور دي الشيخ حسن العارف

يتبع