قصص مضحكة للبنات لن تتمالك نفسك من شدة الضحك
إن البراءة والخجل خلقا لأجل حواء، فجمال الأنثى يكمن في براءتها وخجلها الذي لا يفنى، ورائعة تلك الأنثى التي تعلم أن جمالها لا يكتمل إلا بزينة عقلها ورجاحته. ونصف جمال المرأة في حيائها وعفتها، والنصف الآخر يكمن في مدى جمال روحها، ويا حبذا لو كانت هذه المرأة تنعم بروح الفكاهة ولا أطيب منها بهذه الحياة حينها.
القصــــــــــــــــــــة الأولى:
في ليلة من الليالي، أذن الفجر وكانت البنت اللي حافظة كتاب ربنا أكتر واحدة فيهم، وأحسن واحدة فيهم في القراية والتلاوة بالأحكام والتجويد، كانت سهرانة طول الليل عشان بتذاكر زيادة عن العادي عشان عندها امتحان بعد ضهر اليوم، صحت صحابها وقالت لهم يصلوا الفجر.
هما اتفقوا إن البنت دي تصلي بيهم إمام، بس هي كان النوم غالبها فرفضت طلبهم، بس هما أصروا على كده.
في الآخر لقت نفسها بتصلي بيهم، اختارت آيات من سورة آل عمران، وكانت من ضمن الآيات المتشابهة في سورة الحديد، وهي بتصلي، لقت نفسها بدل سورة آل عمران اللي بدأت بيها الصلاة، لقت نفسها بتقرا في سورة الحديد!
والأغرب من كده إن كلهم كانوا نايمين زيها، فمفيش ولا واحدة فيهم رجعتها أو فكرتها، فاضطروا يعيدوا الصلاة من جديد!
القصـــــــــــــــــــــة الثانيــــــــــــــــــــة:
يا سلام على القصة الجامدة دي! دي حكاية تحفة بجد من أحلى قصص مضحكة للبنات اللي كتبتها في يوم.
اقريها وقولي لنا إيه رأيك بقى بصراحة؟ ولو كنتي مكانها كنتي هتعملي إيه؟!
بيحكي واحد متجوز قصة خطيرة قوي حصلت مع مراته، ودي تعتبر من أجدع وأحلى القصص المضحكة اللي ممكن تسمعيها، قوليلي رأيك بصراحة بقى، لو كنتي مكانها كنتي هتتصرفي إزاي؟
في يوم كده قررت أعمل مقلب في مراتي، كنت لسه شاري خط جديد، من غير ما تحس خالص، سجلت نمرتي الجديدة على تليفونها باسم “فودافون” بالإنجليزي، زي ما بيظهر اسم الشركة لما بيبعتولنا رسالة.
أول ما اتأكدت إن التليفون في إيدها، سبت كل حاجة في إيدي وبعتلها رسالة محتواها: (تم شحن رصيدك بـ 2000 جنيه).
وشها احمر على طول وعلامات الدهشة بانت عليها أوي، سألتها: “مالك في إيه؟!”
قالتلي: “يا لهوي، حد شحنلي رصيد غلط بألفين جنيه، لازم نرجعهم لصاحبهم.”
طلبت منها تهدى، وقولتلها إن أكيد صاحب الفلوس هيتصل بيها عشان ياخد فلوسه اللي اتبعتت بالغلط.
بعد ساعة بالظبط، بعتلها رسالة تانية، وكان محتواها: (مبروك! رقمك كسب معانا في سحب على 10000 جنيه، يا ريت تزوري أقرب فرع عشان تستلمي الجايزة).
أول ما قرتها مراتي، لقيتها اتحولت زي لعيبة الكورة لما يجيبوا جون في الوقت الضايع! لقيتها بتجري في الشقة كلها وبتصوت من كتر الفرحة والسعادة، وهي بتقول بفرح: “بقيت معايا عشرة آلاف جنيه! هشتري كل اللي نفسي فيه! هشتري ميك أب ولبس وشنط، هشتري كل حاجة!”
عملت نفسي فرحان أوي عشانها وسألتها: “ألف مبروك يا حبيبتي، هتديني كام منها؟!”
ردت عليا بسرعة وبصدمة: “مش هديك منها حاجة! هشتري بيها كل اللي أنا عايزاه!”
راحت المطبخ وجابت كيس تلج وحطته على دماغها، عشان جالها صداع من كتر الفرحة، شوية تحط كيس التلج، وشوية تسجد شكر لله سبحانه وتعالى، كل ده بيحصل جنبي وأنا بالعافية ماسك نفسي من الضحك. كنت حاسس إني هموت لو ما طلعتش الضحكة اللي مكتومة جوايا.
في الآخر، قولت لنفسي حرام عليا اللي بعمله فيها ده، فبعتلها رسالة تالتة وكان محتواها: (تم سحب الجايزة منك عشان مش هتدي جوزك منها أي حاجة!)
لقيت مراتي بتبص في التليفون ومش قادرة تشيل عينيها، كأن عقلها مش مصدق اللي شافته، وأول ما قدرت ترفع عينها وتبص في وشي، لقيت نفسي واقع على الأرض من كتر الضحك عليها.
مراتي اتحولت في ثواني وبقت زي وحش كاسر! عينيها احمرت ووشها احمر، ومابصيتش غير لقيت ماسكة عصاية المقشة وبتجري ورايا.
وفعلاً قدرت تمسكني عشان كنت فاصل من الضحك ومش قادر أتحكم في نفسي، اتفاجئت بخبطة في راسي من ورا.
أول ما فوقت وفتحت عيني، وقبل ما أنطق بكلمة واحدة، لقيتها قدامي ماسكة جردل مليان مية ومنظفات، وفي الإيد التانية نفس عصاية المقشة اللي ضربتني بيها، لقيتها بتقولي: “يلا يا شركة فودافون! ورينا بقى خدمة العملاء بتاعتك!”
للمزيـــــــــــد من قصص مضحكة للبنات يمكننا من خلال:
3 قصص مضحكة للبنات لن تندم على قراءتها مطلقا!
