3 قصص مضحكة تجمع بين المفارقة العجيبة والذكاء الساخر لا تفوتها على قلبك!
أهلاً بكم في عالم الفكاهة والضحك من القلب.. نضع بين أيديكم اليوم مجموعة مختارة بعناية من أطرف المواقف الخاصة بقصص مضحكة والتي تجمع بين المفارقة العجيبة والذكاء الساخر، قصصٌ كُتبت لترسم البسمة على الوجوه وتأخذكم بعيداً عن ضغوط الحياة اليومية، فاستعدوا لرحلة من الضحك المتواصل مع هذه السلسلة الفريدة.
القصـــــــــــــــــــة الأولى:
قصة من أجمل قصص مضحكة على الإطلاق…
في يوم من الأيام جه راجلين للقاضي عشان يحكم بينهم بالعدل، فقال الراجل الأول للقاضي: “يا سيادة القاضي الراجل ده عض ودني، والموضوع كان مؤلم جداً وأنا عايز حقي منه”.
بص القاضي للراجل التاني المتهم في الموضوع، فقام رد على القاضي فوراً: “يا سيادة القاضي ده هو اللي عض ودنه بنفسه، أنا ملمستوش”.
كان القاضي راجل عادل ومعروف عنه إنه بيفكر كويس وبيحلل الأمور اللي قدامه قبل ما يصدر أي حكم أو يتخذ أي قرار، فقرر إنه يقعد مع نفسه ويفكر في الموضوع لسبب جه في باله، فاستأذن من الراجلين شوية وقت، ودخل أوضته؛ وأول ما القاضي دخل الأوضة بدأ يحاول يوصل للحقيقة بنفسه.. هل فعلاً الإنسان ممكن يعض ودنه؟!
وفجأة القاضي حاول يمسك ودنه ويشدها ناحية بقه عشان يعضها، وفي محاولات مستميتة منه عشان يعمل كدة مطلعش منها غير إنه وجع نفسه على الفاضي، وهو بيعمل كل اللي يقدر عليه عشان يتأكد من الحقيقة قامت رجله اتكعبلت، فوقع على الأرض ودماغه اتعورت جروح صعبة بسبب الوقعة على الأرض، وغصب عنه طلع صوت من الوجع.
أول ما الراجلين المتخانقين سمعوا صوته جريوا عليه عشان يلحقوه، ولقوه واقع على الأرض والدم نازل من راسه، وكان القاضي حاطط إيده على الجرح عشان يوقف النزيف، فقالهم القاضي أول ما شافهم قدام عينيه: “الإنسان مننا ميقدرش يعض ودنه، بس سهل جداً عليه إنه يكسر رقبته وهو بيحاول يعمل كدة”!
اقرأ أيضا/ 5 قصص مضحكة ومواقف محرجة لن تتمالك نفسك من الضحك
القصــــــــــــــــــــــــة الثانيـــــــــــــــــــــة:
قصة من أجمل قصص مضحكة على الإطلاق…
شاب حب بنت جميلة من أول نظرة، وفي يوم من الأيام قرر إنه يكشف عن مشاعره وعشان يعمل كدة بقى يكتب كل يوم رسالتين فيهم كلام حب وغرام، وكان بيبعتهم ليها.. رسالة الصبح والتانية بليل مع السواق الخاص بتاعه.
فضل مستمر على كدة لمدة تلات سنين، واتأكد إن حبها ليه ملى قلبها، فقرر إنه يروح لها ويطلب إيدها للجواز، وبالفعل قدر يحدد ميعاد مع البنت وقابلها عشان يوضح لها كل حاجة، وبدأ كلامه معاها بسؤال: “إنتي بتحبي حد؟!”، فكان ردها واضح وصريح: “أيوة أنا بحب شخص وبعشقه لدرجة الجنون، بيجيلي منه رسالتين كل يوم وحياتي كلها بقت متمحورة حواليهم”.
الراجل وشه نور من الفرحة لما سمع كلامها لدرجة إنه افتكر إنها بتعشقه هو وحالها من حاله، فتشجع وسألها فوراً: “تعرفي إن الشخص اللي بتتكلمي عنه ده هو أنا؟ أنا اللي بكتبلك الرسالتين دول من تلات سنين، فهل تقبلي تتجوزيني؟”
البنت اتجننت ومارتحتش إلا لما ضربته قلم على وشه، وقالتله بحدة: “إنت غبي؟ أنا حبيت اللي كان بيجيبلي الرسائل كل يوم، ومش هقبل بغيره زوج ليا في الدنيا دي كلها”.
واتجوزت البنت السواق بتاعه!
اقرأ أيضا/ قصص مضحكة للبنات من المؤكد ستغير مزاجك بالكامل
القصـــــــــــــــــــة الثالثــــــــــــــــــة:
قصة من أجمل قصص مضحكة على الإطلاق… يُحكى أن رجلاً كان يعاني من “وسواس” شديد تجاه صحته، وفي يوم من الأيام قرر الذهاب لأشهر طبيب في المدينة ليطمئن على نفسه، فسأل الطبيب بلهفة: “يا دكتور، أشعر أنني سأموت قريباً، فكلما لمست مكاناً في جسدي بإصبعي شعرت بألم رهيب، إذا لمست رأسي أتألم، وإذا لمست صدري أتألم، وحتى إذا لمست ساقي أصرخ من الوجع!”.
تعجب الطبيب من حالة الرجل وظل يفكر في هذا المرض الغريب الذي يضطرب الجسد كله بمجرد اللمس، فطلب من الرجل أن يهدأ وقام بفحصه فحصاً دقيقاً وشاملاً؛ وبعد وقت طويل من البحث والتحليل، عاد الطبيب وعلى وجهه ابتسامة غريبة، وقال للرجل: “يا ابني، اطمئن تماماً، فجسدك سليم مئة بالمئة ولا يعاني من أي مرض عضوي”.
اندهش الرجل وسأله بصدمة: “وكيف ذلك والآلام تكاد تقتلني من شدة آلامها كلما لمست جسدي؟!”؛ فرد الطبيب بهدوء: “الحقيقة يا سيدي أن جسدك بخير، ولكن إصبعك الذي تلمس به هو في الحقيقة المكسور”!
اقرأ أيضا/ 3 قصص مضحكة للبنات مكتوبة غاية في اللطافة وخفة الدم لا تفوتكن!
