3 قصص مضحكة متِّع قلبك مع ضحكة صادقة
إن للضحك فوائد جمة أهمها أنه يحسن المزاج، فالضحك هو معزز طبيعي للمزاج، تجده يساعد على تقليل مشاعر القلق والتوتر والاكتئاب، ويزيد من الشعور بالسعادة والرضا عن الذات. والضحكات تزيد من تقدير الذات، فالضحك يجعلك تشعر بتحسن تجاه نفسك، ويزيد من ثقتك بنفسك، وقصص مضحكة للبنات حتما ستحمل إلى قلبك الضحكة في كل مرة تتعرض لها!
إن خفة الدم صفة رائعة تضفي جاذبية خاصة ولاسيما للبنات، وهي ليست فقط مجرد إلقاء النكات، بل هي مزيج من الذكاء الاجتماعي، وسرعة البديهة، والقدرة على تحويل المواقف العادية أو حتى المحرجة إلى لحظات مبهجة. وموقعنا يعج بالكثير من قصص مضحكة، ننصحك دوما إذا كنت تشعر ببعض الضيق تعالى لدينا ولاسيما بقصص مضحكة بالتأكيد سيتغير مزاجك كليا.
القصـــــــــــــــة الأولى:
من ضمن سلسلة قصص مضحكة ومواقف محرجة…
في يوم من الأيام قرر شاب عنده 16 سنة إنه يعمل مفاجأة لوالدته، وكان فرحان جداً وعايز يدخل السرور على قلب أمه، لإنه كان بيحبها حب شديد.
وبالفعل اشترى الكعك المفضل بالطعم اللي بتعشقه والدته، واللي كان متزين بطريقة بتحبها برضه، وكتب رسالة حب واعتزاز، وحطها على الترابيزة في أوضة نومه، واستخبى جوه الدولاب، واستنى وكانت خطته إن والدته تقرأ الرسالة فيطلع لها بالكعك ويحتفلوا كلهم بعيد ميلادها.
بس الأمور مشيت عكس ما خطط خالص، لإن أمه قرأت الرسالة فصرخت وجريت على والده عشان تقوله إن ابنهم هرب من البيت، فهموا رسالته على إنها رسالة وداع؛ كان خلاص هيخرج من الدولاب لولا إنه سمع أخوه بيقول إنه جبان ومش هيقدر يقعد بره البيت أكتر من يوم واحد، فقرر يفضل في الدولاب ليوم واحد ويخرج تاني يوم.
تعب شوية وكان عايز يدخل الحمام، وفي غفلة من أهله قدر يدخل من غير ما يلاحظوه، وفضل لمدة سبعة أيام مستخبي جوه دولابه، كان أهله قلقانين عليه وبيخرجوا يدوروا عليه كل يوم وراحوا للشرطة وعملوا بلاغ بفقدانه.
كانوا كل ما يقلقوا عليه أكتر يصر هو إنه يفضل مكانه عشان يشوف نهاية الموضوع، افتكر إن الموضوع ممتع، وفي اليوم العاشر وهما قاعدين سوا بياكلوا الأكل الشهي اللي بيحبه، قالت والدته: “لازم نوقف تدوير عليه، يمكن مكنش عايزنا خلاص ففي الآخر هو ابن متبنى”!
اتصدم الابن من هول اللي سمعه، وفضل يعيط من غير صوت، وكانت المفاجأة إنه في اليوم اللي قبله والده كان عايز حاجة من ورقه الشخصي عشان يسهل عملية التدوير عليه واتفاجئ بوجوده نايم في دولاب لبسه بعد ما فضاه من الهدوم وعمل فيه ساتر عشان محدش يحس بيه جواه، فقرر أهله إنهم يقلبوا السحر عليه!!
القصــــــــــــــــــــــــــــة الثانيــــــــــــــــــــــة:
من ضمن سلسلة قصص مضحكة ومواقف محرجة…
في يوم من الأيام قرر مجموعة صحاب يروحوا يتسوقوا عشان يشتروا هدوم جديدة لحفلة خاصة بيهم، كان واحد من الشباب دول معروف بكونه مشتت وبينسى بسرعة، ولما وصلوا المحل، كل واحد فيهم بدأ يلف في الأقسام المختلفة عشان يلاقي اللي بيدور عليه ومحتاجه.
وبعد فترة من الوقت، لاحظ الصحاب إن صاحبهم ده اختفى، دوروا عليه في كل مكان، وافتكروا إنه يمكن تاه أو يمكن خرج من المحل، وبعد ساعة من التدوير عليه، لقوه في قسم ملابس الأطفال، بيحاول يقيس قميص صغير جداً، وبيقول لنفسه: “غريب بشكل مش معقول، مقاسات الهدوم اليومين دول بقت صغيرة خالص!” فانفجروا من الضحك عليه.
القصـــــــــــــــــــة الثالثـــــــــة:
من ضمن سلسلة قصص مضحكة ومواقف محرجة…
في يوم من الأيام راح شاب عشان يحلق شعره عند حلاق جديد فتح محله في الحي، باين على الحلاق إنه مرتبك شوية، بدأ الحلاق يحلق، وفجأة الشاب سمع صوت قصقاصة الشعر وهي بتقع على الأرض بكميات كبيرة.
ولقى نفسه بيبص في المراية عشان يشوف واتفاجئ إن الحلاق قص جزء كبير من شعره من ناحية واحدة بس، وبقى شكله كأن عنده قصة شعر مش متوازنة خالص؛ سأله الشاب: “إنت بتعمل إيه؟!”،
رد الحلاق بهدوء تام: “متقلقش، أنا هظبط الناحية التانية عشان تليق مع الناحية دي”!
للمزيـــــــــــــد من قصص مضحكة يمكننا من خلال:
3 قصص مضحكة تجمع بين المفارقة العجيبة والذكاء الساخر لا تفوتها على قلبك!
