قصص قصيرة

قصة دكتور من العالم الآخر بقلم إسلام عادل مكتوبة باللهجة المصرية

قصة دكتور من العالم الآخر

لكل عشاق الاثارة والتشويق نقدم لكم من خلال موقعنا قصص واقعية قصة جديدة احداثها مليئة بالاثارة بعنوان دكتور من العالم الآخر، احداث القصة غريبة ومشوقة ومخيفة مكتوبة باللهجة المصرية بقلم إسلام عادل نتمني ان تنال إعجابكم، ولا تنسوا أن تكتبوا رأيكم في القصة من خلال التعليقات .

سماعة دكتور
سماعة دكتور

دكتور من العالم الآخر

القصه دي بدأت تقريبا من شهر كان حصلي شوية مشاكل ودخلت في فترة اكتئاب بس قررت في يوم اني لازم اروح لدكتور نفسي ولازم اتعالج قبل ما اعمل في نفسي حاجه , وفعلا دورت على اقرب دكتور ليه ولقيت دكتور بس كان في حاجه غريبه الدكتور كان الكشف بتاعه رخيص بطريقة غريبه بس قلت مش مشكلة ممكن يكون دكتور جديد وعامل عروض ولا حاجه المهم روحت حجزت كشف وبدأت اخد زي ما بيسموها جلسات علاج واخد ادويه بس كنت حاسس اني مش بتحسن ولا ببقى اسوء لا انا واقف مكاني مفيش جديد فقررت ان دي هتكون اخر مره اروح للدكتور وهقوله الكلام ده ولو مغيرش العلاج مش هروح تاني , وروحت للدكتور وقلتله ان مفيش اي تحسن واني كده مش هاجي تاني بس اتفجئت من رده لما قالي انا عارف انك مش بتتحسن رديت قلتله يعني ايه امال انا بجيلك ليه والادويه اللي باخدها لزمتها ايه وانا بقول كده حسيت ان عيني بدأت تزغلل وقبل ما اقول اي كلمة روحت في النوم وصحيت لقيت نفسي متكتف على ترابيزة عمليات والمكان اللي انا فيه ظلمه ماعدا كشاف واحد فوقي .

واول حاجه جت في دماغي طبعا هي ان الدكتور هيسرق اعضائي وبدأت احاول افك نفسي بس سمعت صوت الدكتور جاي من بعيد وبيقولي اهدا ومتقلقش انا مش هسرق اعضائك زي ما انت فاكر فرديت عليه وبقوله امال مكتفني هنا ليه وعايز مني ايه لقيته بدأ يقرب مني ويدخل في دايرة النور وهو بيقولي انا عايز اعمل معاك اتفاق , بس اللي لقيته قدامي مش الدكتور لقيت مخلوق مرعب , طويل جدا لدرجه ان دماغة لامسه السقف وسنانه بارزه بشكل مرعب وعينه مش موجوده تجويف العين فاضي وجسمه مش متناسق مع بعض بس الصوت اللي بيتكلم بيه هو صوت الدكتور وبدأ يتكلم ويقولي انا عايز اعمل معاك اتفاق انت هتكون سفيري في الارض ومش مطلوب منك غير حاجه بسيطه اوي وهي ان كل اسبوع تجبلي ضحية علشان اتغذى عليها وانت قدامك خيارين اما توافق وتكون سفيري او ترفض وتكون انت الضحيه .

وقبل ما ارد لقيته بيقولي يبقى انت كده موافق وحسيت بصداع شديد وحسيت ان جسمي كله بيتكسر ميت حته وبقيت اصرخ من الالم لغاية ما لقيت امي بتصحيني وتقولي قوم يابني مالك في ايه بتصرخ ليه وعرقان كده ليه قلتلها مفيش كان كابوس بس ودخلت اغسل وشي بس لقيته في المرايه ولقيته بيقولي اول ضحيه هي امك قلتله لا انا مليش غيرها هي اللي فاضله ليه في الدنيا خدني انا وسيبها وبعدها سمعت صوت امي جاي من بره وهي بتقولي بتكلم مين في الحمام وقبل ما ارد عليها لقيته بصلي وقالي لا انا قررت خلاص هي اول ضحيه وسمعت بعدها صوت صويت امي حاولت اطلع من الحمام بس الباب كان مقفول ومش عايز يفتح فضلت احاول واخبط على الباب وانا بقول لا امي لا خدني انا وسيبها وفجأه النور قطع وحد خبطني على دماغي وقعت على الارض ولما فوقت لقيت نفسي واقع في الصاله وجسمي كله دم والصاله كلها دم قومت زي المجنون ادور على امي في البيت ملقتهاش وساعتها عرفت انها كانت اول ضحيه .

انا بكتب القصه دلوقتي علشان انا مش قادر اعيش من غيرها وقررت اني انتحر وبقول لأي حد يقرر يروح عند دكتور نفساني خد بالك لو لقيت دكتور رخيص بشكل مبالغ فيه اهرب واياك تروحله .

مقالات ذات صلة

‫20 تعليقات

      1. مفيش رعب و لا عياط انا بخاف بس قصه مخوفتنيش شكرا القصة واااااو اتمنه ان قصة تكون منها جزء تاني ❤

  1. خفت كثيرا من قرائتي لقصة منتحر ومن الذي حصل في القصه لكن لا أصدق تلك الأشياء لاني مؤمنة بالله وبالطبع لست مجنونه أو غبية لاصدق تلك الأشياء السخيفة لكنى انصحكم ان لا تفعلو مثل ما فعل ذلك الفتى لانه من الممكن أن يحصل ذلك فعلا لست متأكده لكن من الممكن حصول ذلك فعلا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى