قصص أطفال

مروان وتنظيف الأسنان حدوتة مصرية لأطفال الروضة بنشيد

قصص أطفال باللهجة المصرية

الحدوتة البسيطة اللي بتحكيها لطفلك قبل النوم ،  بتحاول تعالج سلوك في صفاته السيئة وتقومه بطريقة بسيطة ، انت ممكن تحكيها بطريقة سهلة علشان يقدر يستوعها انهاردة هقدملكم حدوته اطفال باللهجة المصرية تناسب اطفال الروضه عن تنظيف الاسنان في موقع قصص واقعية بعنوان مروان وتنظيف الأسنان قصة جميلة  لأطفال الروضة  وبنهاية القصة نشيد للاطفال الصغيرين عن اهمية غسيل الاسنان بقلم منى حارس.

 

مروان وتنظيف الأسنان قصة جميلة  لأطفال الروضة بنشيد

كان  يا مكان كان في ولد صغير بياكل الشيوكلاته والساندوتشات والحلويات كتير كتير ،  ويتعشى  كمان حلويات كتير اووى وبعدها يدخل  يجري على السرير وينام  من غير ما يغسل  اسنانه ، وماما تقله بصوت عالي : يا مروان تعالى يا حبيبي أغسل اسنانك  الصغيرة علشان السوسة متدايقكش وتاكل اسنانك .

يرد يقولها : لا يا مامي هو في أجمل من أسناني الجميلة  دي نضيفه  وحلوة ، أنا هنام مش هاجي ، ترد ماما  وتقوله : لازم تغسل  اسنانك  يا مروان ، لان عليها  بواقي أكل من العشا ومن الحلويات الكتير إللى انت لسه  أكلها من شويه ، مروان يرفض  بردوا بأصرار ويقول : لا ياماما مش عايز اغسل اسنانى انا عاوز انام تصبحي على خير مامي ، ويدخل  بسرعه على السرير ينام .

 

وكان مروان كل يوم  مبيغسلش اسنانه ابدا ،  ولا بينضفها قبل النوم ويجري ينام بسرعة ، وام مروان لقيت اسنانه سوست وبقى لونها وحش اووى ، فراحت ماماته واتصرفت بسرعة ،  وقعدت جنب مروان  وقالت له : انت عارف يا مروان ، ان انت  لما بتنام وبتغمض عينيك  وتنام ،  السوسه الوحشة  اللى لونها اسود  اللي على اسنانك ،  بتشوف اسنانك نضيفه ولا لا ، ولو لقيتها مش نضيفة تفضل تاكل فيها طول الليل .

مرون بص لمامته باستغراب اووى وقال بتعجب :  سوسه  يعني ايه  ياماما ، الام ردت عليه وقالتله : يامروان في سوسه شريرة ولونها اسود اووى ومخيفه ، كل يوم بتيجي السوسة  بليل تشوف اسناننا نضيفه ولا لا ،  لو لقيت اسنانا نضيفه بتمشى  بسرعة ، وتسيبنا ولو لقيتها  وحشة ومش نضيفه بتفضل طول الليل تاكل فى اسناننا  لغاية ما أسننا تبقى سودا زيها  ووحشة،  وتتكسر بسرعة  وميبقاش عندنا اسنان.

 

مروان بص بخوف لماما وقال : يا خبر ميكنش عندنا اسنان خالص ، طيب هناكل ازاى الشكولاته والحلويات والبنبوني ، اللي بحبه  ياماما ، ردت الأم على مروان قائلة : لا مش هتعرف تاكل أي أكل يا مروان لو اسنانك وقعت كلها ،  اللى انت بتحبه يامازن لو اسنانك وقعت كلها ، وكمان بقك هيكون فاضي خالص ، وكل اصحابك  هيبقى عندهم اسنان  بيضا وحلوة ، لانهم بينضفوا اسنانهم كل يوم ، بس انت لا ،  وهما  كمان هياكلوا كل حاجه والحلويات بأسنانهم القوية  وانت لا ، لان السوسه  هتاكل كل أسنانك  ، وهتوجعك أووى  وهتقعد تصرخ وتقول  ، اه  يا أسناني يا اللي وجعاني ، ومش عارف تتكلم لان اسنانك وجعاك  ، مروان خاف اووى على اسنانه وانه يبقى من غير اسنان وميعرفش ياكل الحلويات اللي بيحبها ، ماما قالت : ها يا مروان هتقوم تغسل اسنانك ولا تنام وتسيب السوسة تاكلها بالليل .

رد مروان بسرعة وقال : لا لا هقوم اغسل اسناني بسرعة وراح مروان على الحمام عشان يغسل اسنانه ، فرحت ماما كتير بانها مروان وقالتله  : انت كده هتخلى السوسه تمشي بسرعة ،  لما تيجي تزور بقك بليل وتلاقيه نضيف ومفيش   حاجه تاكلها،  وهتروح تدور على اسنان مش نضيف  ، عشان تاكل  براحتها الولاد اللي مش بيغسلوا اسنانهم بالليل وينضفوها يا مروان ، لكن انت هتغسل سنانك الحلوة والسوسة مش هتقرب منك تاني ، يلا بسرعة نغسل اسنانا وننام .

 

نشيد الأسنان 

مامى يا مامى يا حلوة يامامى

ليه يامامى اسنانى وجعانى

اة اة يانى ليه يا مامى

اسنانى وجعانى

انت ياسوسو غسلت اسنانك

اه اه يانى ليه يا مامى

اسنانى كدة سودة

دى ياسوسو ياحبيبى السوسه

ومالها يامامى ومالى السوسه

اه اه يانى ليه ياسوسه كدة تعبانى

لازم ياسوسو تغسل اسنانك

تغسلها  بالفرشه و بالمعجون

ليه يامامى اغسل اسنانى

وهى حلوة كدة وعجبانى

لازم يا سوسو نحارب السوسه

وهى اعدة كدة ومبسوطه

ليه يامامى السوسه مبسوطه

لانها سوسه وحشه وسودا

و جوة اسنانك كدة موجودة 

 قعدة بتاكل كدة ومبسوطة

وانت ياسوسو تقول اه يانى

ليه ياسوسه كدة وجعانى

يلا ياسوسو يلا اووووام

اغسل اسنانك

 يلا بسرعة بالفرشاة وبالمعجون

بعد الاكل ياسوسو ياصغنن

اغسل اسنانك يلا اوام

حاضر يامامى ياحلوة يا سكر

انا هروح اغسل اسنانى

بالفرشه ومعاها معجونى

شاطر ياسوسو يا حته سكر

بس يامامى شوفى كدة ضرسي

دا يامامى ياحبيبتى وجعنى

عايز اشيله ياماما بسرعه

هو يا مامى هيطلع تانى

دى ياسوسو اسنان لبنيه

بكرة هتمشى وتيجى الدايمه

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق