قصص جن

قصص رعب يحكيها القراء الشقة المسكونة ج2

قصص مصرية بلهجة عامية

اتصل بي الطبيب في مستشفى الأمراض النفسيه والعصبيه ،  يخبرني بأن صديقي الوحيد ورفيق دربي ،  نزيل بالمستشفى و يريدوني بشده ذهبت ، هناك فوجئت بأن صديقي زين مريضا نفسيا ويتهمونه بحرق المنزل الذي كان يعيش فيه ومقتل شخص أيضا ، كان منظره صعبا جدا وهو مقيد بالحديد والشرطة تحيط بيه ،  واستكمل معكم قصه الشقه المسكونه الجزء الثاني ويكمل صديقنا القصه ويخبرنا ماذا حدث في موقع قصص واقعيه .

الشقة المسكونة ج2

ويكمل صاحبي القصة وبيقول اللي حصل معاه ، لما سئل ساعى الشركة عن الشقة المقفولة :فلما سألته عن السبب قالي دي قصه طويله اوي يا استاذ زين ، هحكيلك متقلقش ، دخل شقته وانا روحت مطعم اتعشي كنت ميت من الجوع ، اتعشيت تمام وشربت الشاي يلا بقا يا عم زين عشان تطلع وتنام ، طلعت علي السلم وسمعت صوت طفل صغير بيعيط .

الصوت ده طالع من الشقه اللي المقفوله بالقفل وقفت في ذهول صوت طفل بيعيط بحرقه ، وكان حد بيضربه او بيخنقه دخلت الشقه ، وقفلتها وقعدت على السرير مرعوب  ، فضلت قاعد لحد ما نمت من غير حتي ما افكر ايه صوت الطفل ده او ايه مصدره ، صحيت الصبح صليت ونزلت فطرت علي عربية فول وبعدين ،  روحت الشغل ، عم حسين داخل بالقهوه عليا وهو بيضحك:

صباح الفل يا استاذ زين يارب تكون مبسوط من الشقه ، قولتله صباح الفل يا عم حسين ، اه الشقه تمام بس حصل حاجه غريبه وانا طالع علي السلم امبارح .

  • حاجة ايه يا أستاذ زين قولتله :
  • سمعت حاجه كده ، قالي سمعت ايه يا استاذ زين ؟
  • قولتله على اللي حصل قالي لا عادي ممكن يكون حد من ولاد الجيران ، اللي تحت لسه عندهم بيبي جديد عقبالك يابني الحقيقه ، استغربت من طريقة كلامه وكانه بيخبي حاجه ،  او خايف يقولي حاجه.
  • خلصت شغلي واتعشيت بره لحد ما روحت، البيت ده غريب فعلا ريحته كانها ريحة دم قديمه عارف ريحة الدم القديمه ، عامله ازاي فضلت ادندن في اغنيه ، وانا طالع على السلم ، وقفت قدام الشقه ودخلت المفتاح ف الكالون ووقفت ، وكان حاجه وقفتني ، يا تري هسمع صوت طفل ، زي امبارح ولا ايه .

 

  • شيلت المفتاح تاني وقربت من باب الشقه المقفوله ،  اني اسمع اي صوت زي امبارح ، مسمعتش حاجه ايه عم حسين كان عنده حق ولا ايه  ، الاضاءه في البيت تكاد تكون معدومه هي لمبه واحده ف مدخل البيت يعني تشوف كف ايدك بالعافيه ، ودي حاجه مبحبهاش الحقيقه  ، برجع خطوه لورا عشان ادخل شقتي لقيتني دوست علي قطه .

 

  • قطه سوده شكلها مرعب ، و صوت موائها حتي كانها كانها استعذت بالله وخلاص ، هفتح شقتي القطه هجمت عليا اتخبطت في باب الشقه الملعونه  ، دي والباب اتفتح ولقيت نفسي جوه ازاي ده كان فيه قفل بره ، انا دخلت ازاي جيت اطلع الباب اتقفل وفضلت انادي يا عم حسين ، ياللي برا خرجت موبايلي انور الكشاف ،  لقيت مفتاح نور ولعته ، لقيت الشقه العنكبوت ماليها وفي فيران ماشيه بتحك في الحيطان وكأنها مش قادره تتحرك وشكلهم غرقان ميه .

 

 

  • الحيطه اللي الفيران جمبها فيه حاجه بتترسم عليها  ، حاجه زي الضل واقف هموت من الرعب لحد ما الرسمه كملت صورة واحده نص ملامح وشها باين وشكله جميل اوي ،  سمعت صرخه بصيت ورايا حاجه زقتني ووقعتني على الارض ، فضلت اصرخ بأعلي صوت وفيه صوت ضحك في ودني صوت ضحك مرعب ، مبقتش قادر اتحرك والرسمه اللي في الحيطه دي جايه عليا .
  • طلعت من الحيطه وجيالي صوت ست عجوز بيقول ، اقتليه يا بنتي خلصي عليهم ، فضلت اصرخ لحد ما قمت ومسكت باب الشقه فضلت اشد فيه لحد ما فتح ، ولقيت طفل صغير قدام الشقه بيعيط عياط مرعب ، اوعي هو انا ناقصك وقفت قدام الباب في صدمه فين شقتي ، وفين السلم ملقتش اي حاجه ف البيت غير الشقه وكان مثلا هي الشقه دي الوحيده في البيت ومش شايف اي حاجه بطلع الموبايل ملقتوش ، ايه ده هو جوه ولا ايه ، لا مش هدخل الشقه دي ، وفجأه الطفل الصغير ده سحبني من رجلي ودخلني جوه .
  • ابعد عني انتوا عاوزين مني ايه انا معملتش حاجه ، والطفل ده عمال يسحبني ويعيط ، فضل يسحبني لحد ما دخلني اوضه ف الشقه وخرج ، انا حرفيا فاضلي لحظات وقلبي هيقف ، الاوضه اللي انا دخلتها دي زي اوضة مكتب وفيه صوره لبنت حلوه و ، ست كبيره وطفل صغير ، بدقق ف الصوره لقيت ان البنت دي هي نفس الوش اللي كان مرسوم علي الحيطه بره .
  • وصوره تانيه لوحدها لراجل وحسيت اني شوفته قبل كده ايه ده دا صاحب البيت اللي اشتريت منه الشقة ،  دي مراته وولاده وقفت قدام المكتب لقيت اجنده ، قريت اللي فيها وكان مكتوب اليوم أكملت أمي نصف قرن من العذاب ، نصف قرن من التعب والتحمل ما لا يمكن تحمله اعلم اني قد آذيتك كثيرا وها قد قررت بأن اخلصك من عذابي ، ببص في الدرج لقيت روشتات وعلاج وحاجات كتيره جدا والروشتات كلها لدكاترة أمراض نفسيه، فضلت افتش في الدرج ونسيت كل اللي حصلي بره، لحد ما لقيت واحد بيضحك قدامي .
  • ايه ده انت ميييين شكله غريب اووي شعره طويل واسود وسنانه كمان وحشه اوي ، وعمال يبصلي ويضحك ، مش عارف اعمل ايه وعمال اصرخ واقوله :
  • انت مييين عاوز مني ايه لقيته بيقول :
  • انا اللي هيخليك تبطل تسأل في اللي ، ملكش فيه مسكني من رقبتي وخنقني ، كنت بموت اعدت اصرخ ابعد عني هموت وعمال يخنق فيا وانا خلاص بموت ، وبعدين محستش بحاجه بعدها لقيت عم حسين وفيه دكتور واقف جمبه عم حسين؟
  • الف سلامه عليك يا أستاذ زين بركه انك قومت بالسلامه
  • ايه اللي حصل يا عم حسين ؟
  • شكلك وقعت من علي السلم يا أستاذ زين بس الحمد لله جت سليمه.
  • مشي الدكتور وبعدها مشي عم حسين وفضلت افكر في اللي حصل ، هقول لعم حسين يحكيلي هيهرب زي ما بيهرب كل مره ، طب اعرف الحقيقه ازااي!
  • صاحب البيت ديما بشوفه قاعد علي القهوه وبيشرب السيجاره ، خلاص بكره لازم اعرف منه كل حاجه ونمت صحيت لقيت واحدة واقفه قدامي وبتضحك .
  • مرضتش اخليه يقتلك يا زين.
  • انتي مين وعاوزه مني ايه ضحكت بصوت اعلي :
  • انا اللي بتخلص الناس من عذابها ي ، ا زييين قومت من عىل السرير وبجري اهرب منها لقيت الست العجوزه دي واقفه على الباب وماسك عصايه سانده عليها ، والطفل الصغير طالع من تحت السرير وبيعيط .
  • عاوزين مني ايه عاوزين مني ايييه  ، دخلت المطبخ عشان اهرب من المواسير اللي ف المنور دخلوا ورايا ولقيت المطبخ ريحته كلها غاز والراجل اللي كان عاوز يقتلني في الشقه هناك داخل عليا وف ايده سكينه كبيره ، خطفت سكينه من اللي ف المطبخ وضربته بيها وبس صحيت لقيت نفسي قدامك يا اسلام اقسم بالله هو ده اللي حصل.، بصتله بتعجب :
  • انت عارف انت متهم بقتل مين لا مش عارف ، قولتله عم حسين الساعي؟
  • اقسم بالله ما قتلته صدقني مقتلتوش ده مشي،  ومكانش فيه حد في الشقه غيرنا ، انا مبردش بحاول اجمع اللي قاله ده انا اعرف ان لو في في مكان جن هيكون واحد إنما عيله  دا صعب جدا ، فيظهر ان فعلا صاحبي زين اتجنن ، ولغاية انهاردة هو في مستشفى الامراض النفسية والعصيبة ومحدش عارف هو قتل ليه عم حسين بالسكين .

مني حارس

طبيبة بيطرية وكاتبة روايات رعب وما وراء الطبيعة من الأعمال المنشورة ورقيا رواية "لعنة الضريح- قرين الظلام- متجر العجائز- قسم سليمان- لعنة الارواح- جحيم الأشباح - نحن نعرف ما يخيفك " flash fiction " - ساديم - رسائل من الجحيم - المبروكة - وفي الأدب الساخر رواية عدلات وحرامي اللحاف

مقالات ذات صلة

‫3 تعليقات

  1. انا حتى الحين مش عارفه اعمل إيه الفكر دايما ده يبي يجنني ده ما يجي فقط في الاماكن المسكونه بالحن استغفر الله العظيم بس اقول انه القصه دي روعههه ومش بصدق عيدي الرواعه اختكم من السعودية

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى