قصص جن

قصص رعب عمي والجن المتحول حقيقية

اليكم واحدة من قصص رعب التي حدثت لعمي .

السلام عليكم انهارده هحكيلكم واحدة من قصص جن اللى حصلت مع عمي وهي قصة حقيقية تمام
يعني واحدة من قصص واقعية اللي مر بيها عمي زيى ما هو حكي لي اللى حصل معاه بالتفاصيل
تبدأ الحكاية ان عمي حصل مشكلة بينه وبين جدي لانه كان عاوز يسهر عند واحد صاحبه الحكاية من يجي تلاتين سنه مكنش في نور خالص وبعد جدال بين عمي وجدي الوقت أتأخر وبردو عمي صمم يروح !
وفعلاً راح عمي وسهر مع صحابه وبعدها صاحب عمي قرر انه يقضي الليلة معاه لحد هنا ومفيش اي مشاكل
بس عمي رفض انه ينام هناك وكان ايامها مفيش موصلات والطريق مقطوع عبارة عن اراضي زراعية
من هنا تبدأ الحكاية .

جن متحول في منتهي الرعب
جن متحول في منتهي الرعب

تفاصيل القصة من علي لسان عمي

بعد اصرار عمي انه يروح علي البيت صاحبه ملقيش في فايده ومشي فعلاً
هتكلم معاكم زيى ما عمي حكي لينا بالظبط
قال : مشيت في طريقي عادي اللي متعود امر منه كان في ناحية ترعة والناحية التاني اراضي مزروعة ذرة وكان طويل
الغريب اني لقيت ناس قاعده علي شط الترعه وفي الوقت المتأخر ده مستحيل حد يقعد القعده دي وفي المكان ده اصلاً
المهم عديت وقولت السلام عليكم محدش منهم رد عليه مع اني كنت جنبهم وصوتي عالي
بدأت اقلق بسبب القصص اللى كنت بسمعها عن المكان ده بالذات غير ان في واحد اتقتل واتقال انه اتقتل
بسبب انه مر علي جماعة ومقلش السلام عليكم وافتكرت كل القصص عن المكان ده
المهم جمدت قلبي وكملت في طريقي وانا بحاول اشغل تفكير باي حاجه تانية وكل مره ببعد لمكان مقطوع اكتر بعيد اكتر عن صاحبي ولسه بيتنا بعيد فجأه في ارض تانية فيها بردو ذرة لقيت حمار نازل تكسير في العودين اللى مزروعة وبيجري بغباء ناحيتي من بعيد وكأنو مستقصدني مبقتش عارف اعمل ايه اجري بس اجري لحد فين وانا في النص كده
قررت استجمع قوتي وكنت زمان سمعت ان العفريت لو متجسد في شكل حاجه وانت غرزت فيه مسله بيفضل علي الهيئة اللى عليها وبيبقي مطيع لك ويومها فعلاً كنت جايب مسله في جيبي
وفجأه صوت التكسير وقف والحمار اختفي معتش ظاهر قولت الحمد لله يمكن بتوهم
وفجأة لقيت الحمار في وشي ومن غير تفكير رحت غارز المسله في دهره وركبت عليه
ساعتها سمعت صرخة غبيه متخرجش من حمار ولا ده صوته وبدأ الحمار يتكلم ويقولي سبني مش هأذيك
وانا الرعب اتملكني بس حسيت اني في وضع اللى مسيطر وهو اللى خايف مني
قولتله هتوصلني لحد البيت وساعتها هشيل منك المسله وفضل ماشي بيه وكل فترة يعمل صوت غريب يرعبني
وساعات يهددني لو مشلتش المسله انه هيأذيني قولتله انسي اني اشيلها وصلني البيت وحسيت انه بدأ يتعب
شكل كل ما الفترة تطول وهي مغروزة قوته بتقل او مش فاهم يمكن الطريق طويل
كان بيطلع صوت زي صريخ البنات بس بعمق يهزك من جواه
لحد ما وصلت باب البيت وكانت المسله له في دهره ساعتها فتحت الباب
وشلتها ودخلت وقفلت وجري علي اوضتي
وقعدت بعدها تلت ايام مخرجش من البيت من الرعب اللى شوفته في اليوم ده او اتحرك من السرير
مع حالة هيستريه وسخونيه ورفضت تمام اقول لأي حد ايه حصل بس جدكم عرف وقالي تستاهل لانه حذرني كتير
ودي كانت قصة عم والجن اللى حصلت له
زيى ما قاله لينا بالظبط وده كان في يوم قاعدين كلنا مع بعض
في موضوع تاني هقولكم ابوي ايه حصل معاه وده كان علي لسان جدي
ودي كانت فعلاً قصة حقيقية يمكن عمي بالغ شوية
اشوفك في قصة تانية من قصص رعب مميزة ممكن تشوف قصص مرعبة اكتر في موقعنا  .

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق