قصص رعب طويله عمتي سحرتني الجزء الثاني

نقدم لكم هذه المقالة من موقع قصص واقعية تحت عنوان قصص رعب طويله عمتي سحرتني الجزء الثاني، ففي الجزء الأول عرفنا ما مر به عبدالرحمن من أذي جسدى شديد ونراجع في حالته الصحية وحالة اسرته، ولمعرفة مزيد من التفاصيل ستجدونها في هذه المقالة قصص رعب طويله عمتي سحرتني الجزء الأول. واليوم سنكمل لكم باقي القصة وكيف نجى الله عبدالرحمن من هذا الأذى.

عمتي سحرتني الجزء الثاني

عدت الايام والولد باصص في السقف لا بياكل ولا بيشرب اي شئ الا ويرجعه ميه بريحة المجاري. هي مش مية وسخة او مش نضيفه لا مية نضيفة بس ريحتها وحشه جدا وعرضناه على دكاترة كتير ومحدش عرف عنده ايه. وجه التنسيق وبباه هو الي خلص الاجراءات لان الولد في عالم تاني وخس النص ومفرحناش انه اتقبل في كلية الهندسة لان ابني كان بيموت مني حرفيا.

وفيوم جات واحدة جارتي تزورني وقالتلي يا فاطمة يا اختى مش ملاحظة ان شقتك بتخرج منها ريحة وحشة زي المجاري. قولتلها ملاحظة ومش عارفه اعمل ايه الريحة دي من يوم مرض عبدالرحمن وبمسح كل يوم وبنضف ومفيش فايدة. جارتي قالتلي ومجاش فبالك ان ممكن يكون حد ازيكم وعاملكم عمل؟؟ ابنك مفيش دكتور عارفله دوا وريحت شقتك زي الصرف الصحي وحالكم في النازل. ايه رأيك انا اعرف ست مبروكة وسرها باتع  ايه رأيك نروحلها ونحكيلها حاكيته وربنا يجعل الشفا على اديها. انا رفضت بشدة لان خالد لو عرف حاجة زي كده ممكن يطلقني فيها. جارتي قالتلي براحتك بس لازم تشوفي حل حالكم بقى يصعب على الكافر.

جارتي مشيت وسابتني فحيرة كبيرة أنا مقدرش اعمل حاجة من ورا خالد حاصة انه راجل عارف ربنا ولا يمكن يرضى بحوار الست المبروكة دي، وفنفس الوقت قلبي وعقلي متقطعين على ابني وحالته الي في النازل. وقررت اقول لجوزي واشوف رأيه ولما جه بالليل قولتله وهو طبعا ماقتنعش وقال ده ابتلاء من ربنا هرميه على السحر والشعوذة، قولتله يا اخوي كلها اسباب واحنا مش هنروح لدجالين ميعرفوش ربنا احنا نشوف شيخ يرقي الولد والبيت وهو  مردش على قام وسابني.

وتاني يوم الصبح صحينا على صوت صراخ عبدالرحمن وماسورة ماية فاتحة من معدته وبيرجع المية الي ريحتها وحشة دي وبيزوم بصوت عالي، وحالته دي خلت جوزي اقتنع وراح لحماي فورًا  وحكالة كل شئ بيحصل لعبدالرحمن وريحة الشقة وكل شئ.

وهو كان يعرف امام مسجد وبيرقي بالقران  وقال لجوزي انه كان زميله في الشغل وراجل عارف ربنا واتعلم الرقية من والده وبعيد كل البعد عن شغل الدجل والشعوذة. خالد وافق فورًا وحماي اتصل بالشيخ الي طلب منه يجيبله عبدالرحمن وييجي يزوره حالا في البيت. وبالفعل قام حماي وجوزي وهم الاتنين عدوا عليا انا وعبدالرحمن ورحناله كلنا، كان راجل عادي ومش زي الدجالين الي بيظهروا في الأفلام بهدوم مقطعة وحواليهم بالخور في كل مكان.لا ده كان راجل نضيف ولابس قميص وبنطلون وبيته شغال فيه القران من اول ما وصلنا.

الشيخ اول ما شاف عبدالرحمن هيكل عظمي ونظراته شارده سالني انا احكيله الي حصل وبعد ما عرف كل حاجة من أول الحلم لحد ما جيناله انهرده، قام جاب مية وطلب مني اسقيها كلها لعبدالرحمن وقال دي مية مقروء عليها قران متخافيش منها.

اول ما عبدالرحمن شرب المية كان بيتألم بس اصرينا عليه وخلص الكوباية وبعدها بدأ يصرخ ويتولى في الأرض وطلب يروح الحمام. واول ما دخل رجع لاول مرة مية سوده وريحتها مجاري وحجات تاني غريبة استحالة تكون موجودة في معدة انسان طبيعي. بعدما خلص وغسلتله وشه رجع عبدالرحمن فايق واحسن مما كان لما وصلنا عند الشخ. والشيخ قال لزوجي ابنك كان معموله سحر سفلي بالموت والي عمل السحر عمله على جزئين حاجة من اثره هدوم او اي شئ ورماه في مجاري وحاجة تاني لازم تكون ملازمه ابنك علشان السحر يتجدد وميتفكش الا بموته.

وطلب مننا انه يروح معانا حالا للبيت لان الولد لو قرب من الحاجة التانية الي معمول عليها السحر هيرجعله السحر تاني. واول ما وصلنا دخلنا اوضة عبدالرحمن وقلبناها كلها واحنا بنفتش الشيخ لقي الحظاظة الي فيها جمجمة واول ما مسكها وشمها استعاذ بالله وحطها في مية وملح وقرأ الرقية وبعدين ولع فيها لحد ما اتفحمت ورماها في الحمام. ورجع سال عبدالرحمن انت جبت الحظاظة دي منين دي هي الشئ الي مكتوب عليه سحر وطلاسم علشان يأذوك.

عبدالرحمن قال بصراحة انا مجبتهاش دي عمتي كانت عندنا من فترة وجابتلنا هدايا وادتني الحظاظة دي بدون ما ماما او بابا يشوفونا وقالت ان هي جابتهالي لان الشباب في سني بيلبسوها وقالت متقولش لبابا لانه مش بيحب الحجات دي. انا هنا انفجرت وقولت عايدة عايزة تموت ابني ده ليلتها فعلا باتت في اوضته يبقي خدت حاجة من هدومة حاسدة ابني وحاقدة علىه ومستكتراه هو وابوه على.

وتاني يوم جوزي راحلها البيت وواجها وهي مانكرتش وقالتله ايوه هي بتكرهني وبتكره ابني لانه احسن من بنتها وعنده كل حاجة ومرتاحين وهي وبنتها مش شايفين الراحة. جوزي ضربها بالقلم وقالها انا هعتبرك موتي وملش اخوات. وبعد فترة عايدة اطلقت ورجعت تعيش مع حماي وحماتي في البيت ومن يومها بطلنا نزورهم بسبب وجود عايده عندهم بس هم ديما بيزورونا، ماحنا خلاص استحالة نأمنلها تاني.

اما عايدة وبنتها فحالتهم ما اتحسنتش خالص من اسوء لاسوء للاسف لأن الي مش بيرضى بقضاء ربنا بيوث السخط والإنسان ملوش من أمره شئ وكله بيد الله. وحقيقي أنا مش عارفه إيه الي يوصل إنسان لمرحلة الكفر لمجرد إنه يأذي حد تاني.

اقرأ أيضا:

قصص رعب ساخرة ومضحكة

قصص رعب جن حقيقي قصص مخيفة للغاية

قصص رعب لليوتيوب قصص جريمة