قصص أطفال

قصص اطفال بالعامية المصرية قصة السلحفاة الطائرة وقصة العم سالم والقناعة

من العادات التي لا تنقطع عند الاطفال قراءة القصص المسلية و المفيدة في نفس الوقت ، خاصة قصص قبل النوم ، فالطفل يتعلم من القصص الكثير من الصفات و الامور في هذه الحياة ، فضلا عن ان قراءة القصص من الامور المفيدة التي يمكن للاطفال الصغار استغلال وقت الفراغ في القيام بها ، في الحقيقة على كل ام ان تهتم بجعل الطفل يحب قراءة القصص ، القصص بالنسبة للاطفال شيء مسلي و في نفس الوقت مفيد ايضا ، واليوم ومن خلال موقع قصص واقعية يسعدنا ان نقدم لكم قصص اطفال بالعامية المصرية مسلية و مفيدة ، فنتمنى ان تستمتعوا بقراءة هذه القصص و نتمنى ان تنال اعجابكم.

 

قصة السلحفاة الطائرة

 

حكايتنا اليوم عن سلحفاة كانت بتعيش في غابة مليانة طعام يكفي كل الحيوانات ، كان المميز في الغابة دي ان كان فيه نهر كبير اوي ، النهر ده كانت بتشرب منه بقيت الحيوانات ، السلحفاة كانت طيبة جدا وعشان كدا اتعرفت على حيوانات تانية ، من الحيوانات التي كانت السلحفاة بتحبهم حمامتين جمال جدا ، جه فترة من الفترات و النهر ده قل منسوبه بدرجة كبيرة ، النهر فضل يقل لحد ما اختفى تماما وبقى عبارة عن ارض جافة ، قررت اغلب الحيوانات انها تسيب المكان ده وتروح لمكان تاني فيه ميه عشان يقدروا يشربوا ويعيشوا.

 

اقرأ ايضا : قصص أطفال قبل النوم مكتوبة بالعامية

 

الحمامتين قالوا : احنا لازم نسيب المكان ده ونشوف اي مكان تاني قريب فيه نهر عشان نشرب والا كدة هنموت ، سمعتهم السلحفاة وقالت : انا كمان مش هقدر اعيش هنا ممكن تاخدوني معاكوا يا اصحابي ، الحمامتين قالوا : بس احنا بنطير يا سلحفاة وانتي بتمشي على الارض ، بصت السلحفاة للارض وكانت حزينة جدا من رد الحمامتين ، فجأة قالت واحدة من الحمامتين : بصي انا عندي فكرة حلوة جدا هتخلينا نقدر نساعدك بس بشرط ، قالت السلحفاة : انا موافقة على الشرط من دلوقتي بس ايه هو الشرط ده.

 

قصص اطفال
قصة السلحفاة الطائرة

 

قالت الحمامة : اوعي مهما حصل تفتحي بوقك او تتكلمي مع اي حد واحنا ماشيين حتى لو حد كلمك ، قالت السلحفاة : تمام مفيش مشاكل ، السلحفاة قالت كدا وهي مش عارفة ليه ممنوع الكلام يعني بس مش مشكلة المهم بالنسبة للسلحفاة دي انها تمشي من المكان ده ، واحدة من الحمامتين جابت عود خشبي كبير وقالت للسلحفاة : عضي الغصن ده من النص كويس واوعي تفلتيه واحنا هنطير بيكي وزي ما قولنالك اوعي تفتحي بوقك ابدا ، طار الحمامتين ومعاهم السلحفاة.

الحيوانات شافت السلحفاة وهي طايرة في السماء ، بدأت الحيوانات تضحك بصوت عالي وتقول : ايه ده دي آخر نكتة شفناها سلحفاة طايرة في السما ، السلحفاة ادايقت جدا من تريقة الحيوانات وفتحت بوقها وقالت : فيها ايه يعني لما تشوف سلحفاة طايرة ، السلحفاة مخدتش بالها انها خالفت تعليمات الحمامة و وقعت على شجر و بعديها على الارض ، اتعورت السلحفاة جامد ولما نزلوا الحمامتين وراها عشان يطمنو عليها قالت السلحفاة : انا اسفة جدا انا عرفت دلوقتي ليه كنتو بتحذروني من اني اتلكم و انا طايرة معاكو في السما.

 

و يمكنكم ايضا قراءة : قصص أطفال قبل النوم مكتوبة بالعامية المصرية

 

قصة العم سالم و القناعة

 

العم سالم كان راجل فقير جدا وعايش في بيت متكسر و صغير ، كان العم سالم بيشتكي ديما انه رجل فقير وبيسأل نفسه هو انا امتى هبقى غني ، العم سالم كان متجوز ومعاه 3 عيال ، كان ديما العم سالم يروح الشغل الصبح هو شغال في مصنع منسوجات بس مرتبه مش عالي اوي ، ديما كان كل ما حد يسأل العم سالم انت عامل ايه يرد عليه بحزن و شكوى وانه ديما محتاج اكل و لبس و مصاريف وهو معهوش فلوس تقضي احتياجات بيته.

 

قصص
قصة العم سالم و القناعة

 

كان الناس ديما بيقولو للعم سالم احمد ربنا غيرك مش لاقي اللي انت فيه ده ، بس بالرغم من كدة عم سالم مكنش بيبطل شكوى ، كان ديما بيبص على الناس الاغنيا اللي معاهم فلوس و عربيات ويقول : ليه ياربي مخلتنيش واحد غني بدل الهم اللي انا عايش فيه ده ، في مرة من المرات العم سالم كان مروح من شغله وهو ماشي لمح عربية راكنة على جنب وفيها شخص حاطط ايده على راسه ، عم سالم قرر انه يروح للراجل ده ويقولو مالك.

 

اقرأ كذلك من خلال موقعنا قصص واقعية : قصص قصيرة للاطفال

 

اللي لفت نظر عم سالم ان الراجل كان باين عليه انه غني جدا ، يا ترى البني ادم لو غني كده ومعاه فلوس كتير هيزعل ليه ، سأل عم سالم الراجل وقاله : مالك يا استاذ زعلان ليه فيه حاجة ؟ ، رد عليه الراجل الغني وقاله : انا لسا جاي من عند الدكتور واكتشفت اني عندي مرض وهموت بعد كام سنة وانا ربنا مرزقنيش باولاد لاني عقيم ، اتصدم عم سالم لما سمع الكلام ده وقال في نفسه : الحمد لله على النعمة اللي انا فيها انا عندي صحة و اولاد ، من ساعتها عم سالم اتغير وبقى بيحمد ربنا كتير على النعم اللي هو فيها واقتنع فعلا ان فيه ناس نفسها يبقى عندها النعم دي زي الاولاد و الصحة.

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى