قصة لا زلت ف الثلاثين

قصة لا زلت ف الثلاثين – الفصل السادس

في الحلقة السابقة: قصة لا زلت ف الثلاثين – الفصل الخامس

 

قصة لا زلت ف الثلاثين - الفصل السادس
قصة لا زلت ف الثلاثين – الفصل السادس

قصة لا زلت ف الثلاثين – الفصل السادس

رقيـه فى اوضتها وقاعده على اللاب توب بتعمل شغل وتصميمات جديده وبتشتغل على تناسق الالوان وبتتابع الموضه على الموضه وموبايلها رن

دينـا : معلش يا روكا قلقتكـــــ

رقيه : انتى عبيطه يا بنتى احنا اخوات

رقيه ودينا اصدقاء من صغرهم وبتجمعهم حاجات حلوه كتير وخاريجين نفس الكليه وكانت دينا محل ثقه لرقيه ورقيه بتعتمد عليها فى شغل كتير ده بعد ما اشتغلت معاها وكانت فرصه حلوه لدينا انها تشتغل بعد تخرجها على طول وكمان مع صديقه عمرها وتخصصها وحاجه بتحبها

دينا : ههههههههههههههههههه لا ابدا انا بس كنت بتابع البيدج بتاعتنا على الفيس بوك وجتلى كذا مسدج عاوزه اوريهالكــــ من شاركات

رقيه : طيب هما ليه مش كلموكى على السايت بتاع الشركه

دينا : معرفش والله وعاوزه اعرفهملك , انا نفسى اعرف واحده بثقافتك ودماغكـــــ دى ومش عندها اكونت ع الفيس , ده مصر كلها عندها

رقيه : مصر كلها ماعدا انا بقــــى , انتى عارفه انى بكرهه التواصل الكيبوردى ده
ازاى يعنى , يعنى ربنا خالق لينا الدنيا دى كلها والعلاقات الاسريه دى كلها والصداقه وانا اعد اتكلم ع كيبورد بال24 ساعه ده ادمان ده اسمه سجن اجتماعى يا شيخه , المهم نخلينا فى موضوعنا

دينا : تمام , خلاص بصى افتحى الميل بتاع الشركه وانا هبعتهملكــــ

رقيه : تمام يا دندون

دينا : يلا تصبحى على خير

رقيه : وانتى من اهل الخيـــــــر

____________________________________________________

هاجر قاعده فى اوضتها بعد ما قفلت الموبايل مع عبير وهى مش طايقه نفسها , نفسها تخرج غلها فى

اى حاجه , قررت فى الاخـــــــــر تفتح النت وتعد عليه
واللاب بيفتح كريم رن عليها توقعت ان عمر قاله مااهتمتش بس الغريبه انها لقت رساله منها فيها
(يا حبيبى انتى فين بكلمكـــــ من الصبح اول ما تشوفى المسدج كلمينى kiss emoticon )
اطمنت او ما اطمنتش لان كريم عندها زى اى واحـــــــــــد هما يومين وخلاص
وقررت ما تعرفهوش تانـــــــى لانها زهقت وخصوصا بعد موضوع عمر

واتفتح اللاب وقررت تدخل على الشــــــــــات وتتعرف على حد جديد

وفعلا بدأت تتكلم مع حد على الشات بأسم (ahmed mido )

احمد : هاى

هاجر : هاى

احمد : احمدسالم _24 سنه _من cairo _فى كليه الهندسه

هاجر : هاجرعبدالرحمن _18 سنه _من cairo _فى ثالثه ثانوى عام

احمد : منين فى القاهره يا هاجر

هاجر : من مصر الجديده وانت

احمد : من مدينه نصر

هاجر :يعنى قريب منى بقى على كده

احمد : اه اه , بتعملى ايه بقى فى حياتكــــــ

هاجر : ابدا بخرج وبتفسح وعايشه يعنى

احمد : تمام , عندك اكونت ع الفيس بوكـ ؟

هاجر : اها sure

احمد : طيب يالا ضيفينى ده الاكونت بتاعـــــى ونتكلم هناك

هاجر : اها تمام ok

احمد : طلعتى قمر يا بنت الايه

هاجر :طبعا ما انا عارفه , بس انت شكلك لسه عامل الاكونت قريب

احمد : كل الوقت كان فى الشغل بقى فقولت افوق لنفسى شويه

هاجر : انت مرتبط

احمد : لا خالص

هاجر : بس انت كمان امور, حلوه صور الساحل دى

احمد : ممكن رقم تليفونكـــ احسن

هاجر : اها عادى ادينى رقمك اكلمك دلوقت

احمد : لالا مش هينفع لان موبايلى فاصل شحن هاتيه بس والصبح هكلمك انا

هاجر : ok , as u like

احمد طب انا هقوم دلوقت علشان شغلى وهكلمك اول ما اقوم

هاجر : اوكى باى

احمد : باى

____________________________________________________________

فى بيت صغير مكون من غرفتين وصاله فى منطقه شعبيه يسكن على ومنى

على : انتى لسه صاحيــــــه يا حبيبتى

منى : اها كنت مستنياكـــــــ

على : معلش يا قلب على كنت بخلص شويه شغل بس واول ما خلصت جيتلكـــ على طول

منى : بتتعب نفسكــــ انت كده فى الشغل يا حبيبى

على : معلش يا حبيبتى كله علشان البيبى اللى فى بطنكـــ ده

منى : ربنا يخليك لينا

على : ويخليكى , يلا ننام بقى

________________________________________________________

فى صباح اليوم التانى قامت رقيه وهى فى كامل نشاطهــــــا وبتكلم مامتها وهى على الباب

رقيه : ماما انا هتأخر انهارده

ماجده : ليه يا حبيبتى فيه حاجه ؟

رقيه : ابدا يا ماما ورايا شغل كتير وكمان هروح استلم العربيه انهارده اخيـــــرا

ماجده : ماشى يا حبيبتى ربنا معاكى

رقيه : تسلملى دعواتكـــ الحلوه دى يا ماما ع الصبح

_______________________________________________________

فى عربيه دينا , بتسوق رقيه العربيه وجمبيها مدحت

رقيه : عاوزاك يا مدحت تصورلى كل الاماكن النهارده , مش عموما زى المره اللى فاتت

مدحت : متقلقيش يا انسه رقيـــــه

دخلت رقيه الفيلا والعامل اللى فى البيت وداهم لمكان موجوده فيه منال وهو المكتب بتاعها

منال : اهلا وسهلا اتفضلوا

رقيه : ميرسى يا هانم , انا رقيه مهندسه الديكور وده مدحت المصور بتاعنا

منال : تشرفنا

رقيه : بعد اذنك يا هانم , احنا بس عاوزين الفيلا شويه , اقصد يعنى اتفرج ونصورها من كل مكان

منال : اتفضلوا براحتكم خالص
ووجهت كلامها لعم مسعود

منال : مش عمر مش فوق برضوا يا مسعود ؟

مسعود : لا مجاش يا ست هانم

منال: تقدروا تتفضلوا

رقيه : بعد اذنكــــ

________________________________________________________

عمر فى العربيه ومروح ومعاه رامى

رامى : مقولتليش يااض عملت ايه مع البت هاجر دى ضبطتها ؟

عمر :ولا حاجه

رامى : يا واد انت هتخبى على رامو حبيبكــــ

عمر : ما بخبيش بروح اهلك انت بقى سبنى فى حالى دلوقت

رامى : مذاج القطه بتاعتـــى متعكنن ليك كوتو كوتو

عمر: نيوووووووووووووووو

رامى :طب احكى بقى يا حاج

عمر : ابدا ادتلها كلمتيـــن فى دماغها انهارده

رامى : لييييييييييه كده يا عم الحاج انت كده لييييه دى موزه

عمر :سيبك من موزه دى الواحد يا اما شاف يا رامى , انا اللى مجننى اشمعنا البت دى اللى قولتلها لا , مش مريحانى كده وواقعه اوى وعيله وهايفه سيبك سيبك انزل بيتك اهوه

رامى : انت اتغيرت يا واد انت لازم لازم لازم تتعلم قله الادب من اول وجديد

عمر : طب حضرلى اول درس يا استاذ , سلام ياااااض

رامى : سلام

__________________________________________________________

رقيه : صور انت الاوضه دى يا مدحت عقبال ما اتفرج على الاوضه دى

مدحت : حاضر

دخلت رقيه الاوضـــــه وفضلت تتفرج عليها من منظر الاوضه فهمت انها اوضه شاب

دخل عمر الفيلا وطلع على السلم كالعاده علشان يدخل الاوضه

رقيه بتقرب من صوره على مكتب عمر وبتدقق فى الصوره اوى ومسكت الصوره

وفجأه عمر دخل الاوضه من غير ما تحس وهى حست بيا فارتبكت وورقع الصوره من ايدها

وبصلها

رقيه : انا انا

وسابت الاوضه وخرجت بره

عمر : استنى بس انا شوفتكــــ فين قبل كده, طب عجبتك الصوره ؟

تابع الحلقة القادمة من: قصة لا زلت ف الثلاثين – الفصل السابع

تابعونا علي صفحة قصص واقعية علي الفيس بوك لمزيد من القصص

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق