قصة حب وألم

قصة حب وألم الحلقة السادسة عشر

قصة حب وألم الحلقة السادسة عشر
قصة حب وألم الحلقة السادسة عشر

الحلقة السابقة : قصة حب وألم الحلقة الخامسة عشر

آدم بص لقي فريده لابسه مايوه بيكيني احمر وعليه كاش مايوه لونه اسود جميل وقربت من البيسين وقلعت الكاش مايوه ونزلت المايه
وراحت تعوم جنب آدم اللي ملقيش حاجه يقولها و ابتدوا يتسابقوا وهما بيضحكوا وفريده كانت مصره تكسبه و هو سابها تسابقه شويه وبعدين سبقها ففريده حاولت تكسبه بس جالها شد عضلي و آدم افتكرها بتهزر بس لقيها بتحاول تخرج من المايه ومش عارفه راح آدم نده عليها و رجعلها بسرعه و راح شالها وخرجها بره الميه وقعدها على الشيزلونج وقعد يدلك رجليها وعملها تمرين عشان الشد العضلي يروح وفضل جنبها لغاية ما بقت كويسه :
آدم:ها احسن دلوقتي
فريده وهي بتكح:احسن الحمد لله
آدم:مكنش فيه داعي تعومي بسرعه
فريده:كان نفسي اسبقك
آدم:خلاص المره اللي جايه هخليكي تسبقيني
فريده ضحكت وهو ضحك كمان وبعدين بصوا لبعض وسكتوا وراح آدم قام فجأه وقالها يلا عشان نطلع نغير هدومنا عشان متبرديش
قامت فريده وهي مش عارفه مالها وطلعوا سوا دخل آدم الحمام الاول خد شاور ولبس شورت نبيتي وتيشيرت بيج وخرج وفضل يستنى في الليفنج لغاية ما فريده تخلص, دخلت فريده الحمام وملت البانيو بالبابل باث و قعدت في المايه وغمضت عينيها وحست بدموع سخنه بتنزل من عينيها من غير ما تعرف ايه آخرت اللي بيحصلها ده وغمضت عينيها ونامت…………………….

حس آدم ان فريده اتأخرت فالحمام فراح يطمن عليها فخبط مردتش عليه فقلق عليها وخبط جامد بس مسمعتش وراح فتح الباب بكتفه لقي فريده نايمه فراح صحاها وهو بيزعق:
آدم:ايه يا فريده؟ بقالي كتير بخبط
فريده اتخضت وقالت:في ايه يا آدم؟
آدم:انتي كان ممكن تغرقي لو كنتي لوحدك
فريده ابتدت تعيط بصوت عالي
آدم:متعيطيش
فريده كملت عياط
آدم:عشان خاطري خلاص بقى
فريده:طب .. ممكن .. تطلع بره
آدم:طيب انا هستناكي بره
وخرج آدم وطلعت فريده من البانيو ولبست البرنس ونشفت شعرها وخرجت لقيت آدم بيقولها:
آدم:يلا عشان نخرج نتغدى بره
فريده:مش عايزه اخرج
آدم :عشان خاطري
فريده:لا
آدم:واهون عليكي
فريده ضحكت وقالت:لا متهنش عليه
آدم وهو بيضحك:طيب يلا البسي
وراح آدم يستناها في الليفنج عقبال ما تلبس…………………

الحلقة التالية : قصة حب وألم الحلقة السابعة عشر

تابعونا علي الفيس بوك

 

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق