قصص جن

الممسوسة قصة رعب حقيقية حدثت في مصر

قصص رعب باللهجة المصرية

هو فعلا ممكن  تخاف من حاجة أووى ، و بعد كدة تلاقيها قدامك لما تصحى من النوم ، طيب هو ممكن إنك تكون السبب أصلا في ظهور الحاجة دي أو الشيء دا في حياتك  ، مين عارف أنت عملت إيه  وقريت إيه  من كتب غريبة وحجات أنت مش فاهم معناها  أصلا ، وخليت الشيء  يلازمك ويتبع خطواتك ، دا كمان وصل لحد بيتك وشغلك  طيب هتتصرف إزاي ، وللرعب وجوه كثيرة مع صديقنا من مصر اقدم لكم قصة رعب في موقع قصص واقعية بعنوان الممسوسة .

الممسوسة

اسمي محمد من مصر 17 عندي  سنه ،  بحب الرعب اووى  وقصص الرعب ، وبحب اسمع قصص الرعب ،  كل يوم انزل قصص كتيره  اووى من علي اليوتيوب رعب ، واسمعها وبحب ادخل اقرأ كتب غريبة من على النت واحملها ، انا بحب الرعب أووى ،  أمي  كانت دايما تقولي بطل اللي انت بتسمعوا  دا يا بني  وبتقراه ،  بدل متتلبس ولا عفريت يطلعلك  يعفرتك ، كنت بضحك  دايما  من كلامها ، واهزر معاها واقولها ادخلي  المطبخ يا حاجه شوفي طبيخك  ، ملكيش دعوة انت بالرعب دا ليه ناسه ، وفضل الحال كده فتره طويلة  اووى  ، وانا بسمع قصص الرعب وادخل علي اليوتيوب ،  اقرأ حاجات عن الجن والأشباح والعفاريت .

لغاية محصل أللي حصل  في يوم  أسود   من حولي 7 شهور ،  كنت في المحل اللي شغال فيه  وراحت عليا نوما وصحيت الساعة 12 بليل  ، وكان في عز الشتا  والدنيا فاضية ومفيش حد في الشورارع من البرد ، معرفش انا نمت ازاي وانا قاعد مكاني على الكرسي ، المهم صحيت لقيت قطه بيضا قدامي ، القطة كانت جميلة اووى بس  كانت غريبه جدا مش عارف بس فيها حاجة غلط ، كانت بتبصلي بطريقة مرعبه  اووى ومركزة معايا ، ومنزلتش عينها من عليا ، انا للامانه خوفت منها ، حاولت اخرجها بس هي عماله تبصلي اووى ومش عاوزة تمشي  .

 

معرفش خلعت الكوتشي اللي في رجلي ، وضربتها  علشان تمشي  وتتحرك من قدامي  لأني كنت خايف منها مش هنكر ، معرفش ايه اللي حصل و ازاي الكتشي  راح في حته تانيه  خالص غير الاتجاه الي كنت بحدف فيه واللي القطة واقفة فيه اصلا ، اترعبت جدا ومش عارف اتصرف عاوز اخرج اروح ، بس  القطة فضلت واقفة مكانها في طريقي وانا خايف حاسس انها قطة مش طبيعية وفيها حاجة غلط ممكن تكون ممسوسة من الجن ، اعوذوا بالله من الشيطان الرجيم .

قولت  اصورها  يمكن  ضوء الكاميرا والفلاش يخوفها ، فتمشي من طريقي  فتحت الفون  وعملته  وضع التصوير المستمر واعدت اصور في القطة وهي واقفة تبصلي اووى .

مكنتش عارف اتصرف معرفش ايه اللي حصلي ونمت تاني ازاي ، او اغم عليا مش عارف حصل ايه بس بصيت في الساعة  مش عارف ازاي  لقيتها  الساعه 2 بليل  ، قولت  يمكن كنت  بحلم  ، بس كنت مرعوب وخايف اووى  ، قفلت المحل بسرعه ولبست الكوتش  ، ومن شده الخوف نسيت اطفي نور المحل.

روحت البيت نمت  من الخوف والفزع ، ولما صحيت قولت اكيد  انا كنت بحلم. وكان فوني فاصل شحن ، شحنت التليفون واعدت  اقلب في الصور  علشان اطمن نفسي ،  وكانت المفاجأة المرعبة مستنياني ،  لقيت قطتين في الصور  مش قطة واحدة ،  كانوا قطتين وكان  لونهم اسود  ، وانا عرفت قطة فيهم من لون عنيها ومن بصتها ونظرتها  ، بس دى مكنتش قطة بيضا لا لا دي لونها اسود ، وكان معها واحدة تانية سودا .

 

كنت هموت من الرعب وانا ببص للصورة اووى ومش مصدق عيني ، حسيت بالخوف واترعبت  حكيت لواحد صاحبي ضحك عليه  واتريق ، قولت مش هحكي لحد تاني كنت مستغرب اذاي اتحولت للون الاسود ، وأزاي  في قطه تانيه سودا واقفه جمبها ،  وانا مشوفتهاش  مش عارف  حاجة كنت هتجنن فعلا ، وكنت خايف اووى وحاسس القطة دى مش طبيعية ابدا دى قطة ملبوسة او ممسوسة من الجن ،   المهم بعدها بيومين تليفوني  اتسرق ،  قولت الحمد لله  معرفش مزعلتش اووى من السرقة لانى كنت بحاول احذف الصور ومش رادية تتمسح اصلا .

 

عدت الايام وحاولت انسى الموضوع  ، لغاية من حوالي شهر ونص كده  ، شوفت القطه الغريبة  تاني هي هي ايوة اقسم بالله هي نفس القطة الممسوسة  ، انا  عرفتها من بصتها وكان يوم اربع  ، اليوم اللي بعده وامي متعوده كل يوم خميس بتروح عند جدتي من الساعه 8 الصبح ، وفعلا مشيت هي واخواتي وانا كملت نوم عادي انا مبروحش ، هي بتروح مع اخواتي الصغيرين .

بعدها  لقيت اختي بتصحيني وبتبصلي اووى  نفس بصه القطه ومش بتتكلم  ، واقفه تبصلي بس انا كنت عاوز انام زعقتلها وقلتلها اطلعي بره  احسنلك ، ومروحتيش عند جدتك مع امك ليه ؟

بصتلي نفس البصه  المرعبة بتاعة القطة  الممسوسة ، وخرجت جبتلي اكل من غير مطلب منها ، ودي طبعا كانت حاجه غريبه منها  وعمرها معملتها وكانت نفس نظرات القطة  الغريبة ، واختى زي الخرس مش بتتكلم خالص ولا بتنطق اصلا ، كنت مستغرب اووى  ،  المهم انا كنت خايف  من اختى مش هنكر وقبي بيدق بسرعة شديدة حاولت انام  ، شمت ريحه دخان  جامدة فحاولت اقوم من السرير مش عارف اقوم ، عايز انده علي اختي صوتي مش طالع لحد مقاومت  الشعور الغريب دا  بالعجز ، وبعد شوية عرفت اصحي واقوم من على السرير ، طلعت اشوف الريحه دي  منين .

ملقتش حاجه واختي مش موجودة بالبيت قولت يبقى راحت لامي عند جدتي ،  فضلت مستني لحد ما امي رجعت  وقولتلها تخلي بنتك تحترم نفسها ومتخوفنيش  علشان ممدش ايدي عليها ، امي استغربت من كلامي  اووى وقالتي اختك يا بنى معايا من الصبح عند ستك  ، ومين اللي عملك الاكل  اللي في الاوضة انا عارفة انك مبتعرفش تعمل حاجة لوحدك  ، انا بصتلها كدة ومنطقتش طيب مين اللي كانت معايا بالشقة ، وبتبرقلي زي القطة وجبتلي اكل مش عارف معقول تكون القطة  ، بس القطة دي عاوزة منى ايه مش فاهم حاسس اني هتجنن من يومها ، وانا بترعب من أي قطة في الشارع  احسن تكون ممسوسة من الجن اعوذوا بالله من الشيطان الرجيم ؟

الوسوم

مقالات ذات صلة

‫3 تعليقات

  1. حرام انا خوفا اعوذ بالله من الشيطان الرجيم
    استغفر الله الرحمن الرحيم العظيم
    يا عم فكك من القصص الرعب هى ناقصه الواحد بيخاف من الصرصور
    تحياتى لك الورود الحمراء
    بس والله حاجه مرعبه بجد ما رائى ياريت ما فى حد يزعل منى انا بخاف من أقلها حاجه

اترك تعليقاً

لن يتم نشر عنوان بريدك الإلكتروني.

إغلاق