قصص أطفالقصص مضحكة

المغامرة الصغيرة قصة أطفال كوميدية تعليمية باللهجة المصرية للصغار والكبار ج1

قصص كوميدية هادفة بقلم منى حارس

مشاكسة هي لولو وشقية جدا  وخفيفة الظل  ايضا ، مثلها مثل معظم اطفالنا الصغار مشاكسون  ويحبون المرح والدعابة  مازالت  لولو الصغيرة تتعلم ومازلنا نتعلم  نحن ايضا منهم  مهما كبر بنا السن وتقدم بنا العمر ، اقدم لكم في موقع قصص واقعية قصة المغامرة لولو قصة أطفال كوميدية  تعليمية باللهجة المصرية للصغار والكبار بقلم منى حارس ج 1.

 

المغامرة لولو قصة أطفال كوميدية تعليمية باللهجة المصرية للصغار والكبار ج1

 

كانت الأم تحاول ايقاظ ابنتها الصغيرة لولو  التي لم تكمل عامها السادس استعداد لزيارة احد الأقارب  قائلة : اصحى يا لولو يلا بسرعه انهاردة الجمعه علشان منتأخرش عن زيارة عم حسام ، ردت  لولو : يا ماما سيبينى انام ،  انا مبحبش اروح عند عمو حسام خالص مبيرداش يجبلى حاجه حلوة انا هعد اتفرج على القصه بتاعتي احسن واتفرج على الكرتون

الأم :عيب يا لولو كدة انك تطلبى حاجه حلوة من حد

لولو:عيب ليه  احنا بنكون اخدين معانا فواكه كتير وحلويات ،المفروض يشتريلى بقى شكولاته حتى او بوزو وشيبسى

الأم :يا لولو ممكن يكون عمو حسام معهوش فلوس يشتريلك حاجة حلوة كدة غلط وبعدين انتى بابا مش بيشتريلك اللى انتى عيزاة.

لولو :طيب خلاص روحوا انتم بقى لعمو وسيبونى انام شويه ومتنسوش الشكولاته والبوزو وشويه فاكهه من اللى بابا هيشتريها لعمو حسام ولما ترجعوا صحونى ورجعت لولو نامت تانى

الام : يا سلام انتى عايزة تقعدى فى البيت لوحدك يا لولو

لولو: ايوة يا ماما انا كبرت خلاص واقدر اعتمد على نفسى خلاص  انا كملت ست سنين

الام : خلاص يا لولو براحتك انا هبقى اشحنلك الكشاف علشان النور بقى لما يقطع  تبقى تنوريه،  ومتعديش فى الضلمه لوحدك يا حبيبتى يا كبيرة ، ومشيت الام من الاوضه لشحن الكشاف وسابت لولو نايمه على السرير

 

لولو قالت بخوف  : النور يقطع يا ماما ، وجريت لولو ونزلت من على السرير بسرعه وراحت لماما وقالت :انا خلاص صحيت يا مامى يلا بقى بسرعه هنتاخر على عمو حسام  ، دا انا بحب عمو حسام اوى ونفسى اشوفه  كمان ،  وبالمرة العب مع سوسو وحبيبه يا حبيبى يا عمو حسام  وحشتنى اوى يا عمو

 

وبعد ساعتين من الزمن  لولو وماما وبابا كانوا فى الطريق لبيت عمو حسام ، خرجت اسرة لولو لزيارة عمو حسام وفى الطريق اشترى بابا فاكهه وحلويات وعلبه شكولاته لعمو حسام K لولو بعد مشافت كل الحجات الحلوة دى والفواكه الكتير قالت لبابا :تعالى يا بابا نروح احسن لحسن البيت وحشنى اوى.

 

ردت ماما وهى بتضحك :البيت وحشك يا لولو ولا عايزة تاخدى الحجات الحلوة بتاعة عمو حسام وتاكليها لوحدك يا لولو

لولو:لا دى مش بتاعة عمو حسام دى بتاعه بابا هو اللى مشتريها بفلوسه يا ماما

الأب:بس يا لولو انا جيبها لعمو حسام واول متدخل بيته تبقى بتاعته مش بتاعتى

لولو: وحتى علبه الشكولاته يا بابا عمو هياخدها كلها دى شكولاته ملونه يا بابا حرام عم حسام ياكلها غلط على أسنانه هتسوس.

ضحك الأب :ايوة يا لولو كل الحجات دى لعمو حسام واحنا مروحين هشتريلك علبه شكولاته زى دى وفاكهه كتير كمان بس اهم حاجه مطلبيش من حد حاجه يا حبيبتى اتفقنا يا لولو نبطل شقاوة في بيت الناس علشان غلط وعيب  ومحدش يزعل مننا اتفقنا يا حبيبتي

لولو وهي بتضحك اووى ببراءة شديدة : اتفقنا يا بابا حاضر انا شطورة ومش هعمل أي حاجة غلط ابدا ابدا.

تفتكروا لولو الشقية هتسمع الكلام يا ترى اصل الموقف دا بيتكرر كل مرة مع اولادنا ولولو هتعمل ايه في الزيارة وفي بيت العم حسام ..

يتبع

 

 

الوسوم

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني.

إغلاق