قصص جن

السيارة المجنونة قصة رعب باللهجة المصرية بقلم منى حارس

السيارة المجنونة

الكثير من المواقف الغريبة والمرعبة حدثت مع الكثير منا وليس لها تفسير منطقي ولا علمي ، ولكنها تحدث مع ذلك  واليوم سوف أخبركم قصة غريبة جدا ، انا لا أراها مرعبة ولكنها قصة للعبرة والتذكرة ، الغريب بأن القصة ذكرتني بحادثة حدثت معي شخصيا منذ سنوات عديدة ونفس الموقف ، فاحيانا يمنعك القدر من فعل شيء وتكتشف في النهاية بأنه ليمنع عنك شر كبير ،  وللرعب وجوه كثيرة بقلم د منى حارس  في قصة بعنوان السيارة المجنونة قصة رعب حقيقية من مصر بقلم منى حارس

 

  السيارة المجنونة

السيارة المجنونة
السيارة المجنونة

أنا شاب من مصر عندي ٢٤ سنة ، من محافظة البحيرة لكن شغلي  كله في القاهره ، حصل معايا موقف غريب  اووى لغاية انهاردة كل ما افتكره معرفش هو ليه حصل ، كنت يومها مسافر شغل علي طريق إسكندريه الصحراوي،  وقبل ما اسافر كنت خارج من القاهره بالعربية ، و كان في طفل صغير بيعدي الطريق كان لسه خارج من محل بيتزا ، وبيعد باقي الفلوس اعدت ابصله جامد لأني كنت جعان وبفكر اشتري بيتزا ،  وهو بيعدي الشارع كان في عربيه نقل بضايع كبيره ، كانت جاية بسرعة من الناحية التانية ، صرخت بصوت عالي وحذرت الولد الصغير ، قبل العربية متدهسه والحمد لله الولد ربنا ستر والولد رجع بسرعه في اخر ثواني ، بس البيتزا وقعت على الأرض،  روحت اشتريتله واحده تانية وعديته الشارع ، وقلتله اخد باله ومشيت في طريقي .

قصص رعب جن وشياطين بعنوان الشبح بقلم منى حارس

الغريب بقى اللي حصل إني كنت داخل علي اسكندريه ، كان فاضل ١٠ كيلو بالعربيه ، وهنا حصلت حاجة غريبة اووى  لقيت صوت حاجة فرقعت بصوت عالي ورايا ، وقفت العربية علطول علي يمين الطريق بسرعة ، ونزلت اشوف فيه ايه والغريب اني ملقتش في حاجه في العربية ولقيتها سليمه وزي الفل ، وقفت عشر دقايق على الطريق وبعدها مشيت بالعربيه  وبعد ٥٠٠ متر بظبط ،  لقيت عربيه نقل كبيره  و٣ عربيات ملاكي خبطين في بعض بطريقة صعبة ، وكانت حادثة كبيرة جدا ، وكان في ناس لسه بتنزل من العربيه ، وقفت العربية ونزلت اساعد الناس تخرج من العربيات لغاية الاسعاف متيجي .

عبدة الشيطان قصص رعب حقيقية مخيفة حدثت بالفعل بقلم منى حارس

لقيت واحد منهم بيقولي هي دي عربيتك ، قولتله ايوه عربيتي  قالي انا شفتك وانت بتقف علي جنب في الطريق ، و حسيت أن كوتش العربية فرقع عندك ، وشوفتك وكنت هقف اساعدك بس مشيت ومردتش اقف وقلت انا مالي ،  خت بالي منك ويارتني كنت وقفت شفت مالك اعد يكرر كلامه وجملته وهو بيقول ، ياريتني وقفت سشفتك مالك ، اخدوه على المستشفى وكان معاه اولاده وهما بياخدوه قالي  ، يابني عايز اقولك حاجه انت ربنا بيحبك ، لانه خلاك تقف قبل القدر بتاعه ما يحصل بدقيقة واحده  ، لأنه مكنش كاتبلك أن تدخل فيه واوع تنزعل ربنا منك في اي حاجه ،  وافتكر دايما أن محدش حماك من البشر حتى أنا مردتش اقفلك وأعرف مالك واساعدك ، لانه عايز هو اللي يحميك بنفسه ،  وعايز يعرفني اني مشفش حد محتاج مساعده  وفي ازمه واسيبه من غير مساعدة ،  رديت عليه قولتله ، الحمدلله انك كويس وبخير وقدر الله ومشاء فعل ،  لاني مكنتش عارف اقول ايه لاني كنت مستغرب اووى من الموقف لان الحادثة كانت بنفس العربية النقل المجنونة اللي شوفتها بالقاهرة .

قصص رعب جنون أختي قصة مرعبة من مصر بقلم منى حارس

قصة صديقنا فكرتني بقصة وموقف غريب حصل معايا من سنين ، كنت في الكلية وكانت كليتي في محافظة تانية وبسافر كل يوم وفي يوم كان عندى امتحان ، كانت العربيات بتبقى للطلبة بس اللي بتطلع من الموقف وهما عربيتين بس او هركب كذا مواصله ، اليوم دا خرجت بدري بس ست عجوزة عطلتني وكانت شايله حجات كتير ومش قادرة تمشي ، طلبت منى اعديها الشارع ، والخمس دقايق دول فرقوا معايا والعربية اللي رايحة الكلية  مباشر طعت من ثواني قليلة وملحقتهاش ، وفضلت في الموقف وركبت مواصلتين وقتها علشان اروح الكلية وكنت مدايقة اووى وعماله اقول مش هلحق الامتحان ولما وصلت الكلية ، عرفت ان العربية اللي كنت هركبها عملت حادثة كبيرة واتقلبت على الطريق ،  وناس من زمايلنا توفاهم الله وناس حالتهم صعبه مفيش حد متصبش من الحادثة ، سبحان الله اعدت اقول انا كنت هركب العربية دي بس فرقت معايا ثواني وسبحان الله لولا الست الكبيرة دي كنت ركبت بس القدر اللي خلاني اساعدها ومركبش وفرقت معايا ثواني بس ، فعلا الحمد لله على نعمه وكل شيء ، القصة حصلت من زمن بس صديقنا بقصته فكرني بيها .

 

لو عندك قصة رعب او موقف غريب اكتبهلنا بالتعليقات ، او ابعته على بيدج للرعب وجوه كثيرة بقلم د منى حارس ، واذكر اسم بلدك لنتعرف اكثر ما يخيف الناس بالوطن العربي ، وفي النهاية اعرفكم بفسي انا طبيبة بيطرية ، وكاتبة مهتمية بالأمور الخارقة للطبيعة وليا بعض قصص الرعب المنشورة ورقيا في مجال الرعب وما وراء الطبيعة وهي ابنة سراحديل – نحن نعرف ما يخيفك – قسم سليمان – سجلات عزازيل – متجر العجائز – المبروكة – مقبرة جلعاد – رسائل من الجحيم – لعنة الضريح – جحيم الاشباح – لعنة الارواح –ساديم – قلادة الجحيم .

وشكرا لحضراتكم جميعا

منى حارس

 

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق