قصة لم يكن الاخير

الحلقة 29 من قصة: لم يكن الأخير

الحلقة 29 من قصة: لم يكن الأخير

الحلقة 29 من قصة لم يكن الأخير
الحلقة 29 من قصة لم يكن الأخير

مصطفي وهوا طالع من الملجأ قابل ساره
ساره:انت جيت تشوف يوسف
مصطفى:ايوه وخلاص معدش زعلان منى
ساره:طب كويس …انت راجع نيويورك دلوقتى
مصطفى:لا كنت عاوز اتمشى فى البلد شويه
ساره:طب ايه رايك ابقى الجايد بتاعك
مصطفى:اكيد ماعنديش مانع
ساره ومصطفى طلعوا فى عربيه ساره وراحو على جنينه قعدو فيه
ساره:بصراحه انا قولت نطلع دلوقتى علشان فى عندى سؤال عاوز اساله لك من زمان
مصطفى:ايه هو
ساره:انت ليه اول مره شوفتى نادت لى ليلى
مصطفى(يبتسم):بصراحه انا اول مره شوفتك فكرت ليلى علشان دى (ويطلع صوره ليلي من الموبيل ويديها لساره )
ساره:دى ليلى..!!!
مصطفى:شوفتى قد ايه شبهك
ساره(بتبص للصوره وحست ان الصوره شبهها اكثر ما هيا شبه نفسها):اه فعلا
مصطفى:لما شفتك شبهتك ليها ولحظه حسيت ليلى قدامى لكن بعد كده اتاكد انك مش ممكن تكونى ليلى
ساره:وليه بقى
مصطفى:ايه كنتي تحبى تكونى ليلى
ساره:لا مش كده بس عاوز اعرف ايه الاختلاف يبنا غير الشعر وشوية تفاصيل فى الوش
مصطفى:انتوا الاتنين شخصيات مختلفه تمام
ساره:ازاي يعنى
مصطفى:كريم عامل ايه
ساره:اه عاوز تغير الموضوع …كريم كويس جدا الحمد لله
مصطفى:انا نفسى اشوفه والله
ساره:هو النهارده مع الداده فى البيت
مصطفى:انا هاجى بكره اشوف يوسف وعلى الساعه 3 ممكن تجيبى كريم معاكى بكره علشان اشوف ده لو كنتي جايه
ساره:خلاص بيقى هجيبه بكره
مصطفى بقى كل يوم يروح الملجاء يشوف يوسف وبعدين يطلع مع ساره وكريم
ساره كانت بتتبسط لما بتشوف كريم مبسوط مع مصطفى فاكنت بتحب تطلع مع مصطفى كل يوم ومعاها كريم
بعد مرور اسبوع
مصطفى اتعلق بكريم وساره قوى وبداء يحس انه ممكن يحب تانى بس ازاي اذا كان هى متجوزه وواضح انها بتحب جوزها
فى يوم ساره ومصطفى طالعين
مصطفى:ساره انا عاوز اقولك حاجه
ساره:فى ايه
مصطفى:فى الكام يوم اللى فاتو دول انتي وكريم بقيتو جزء كبير من حياتى
ساره:وانت كمان ….كريم بقى متعود عليك قوى
مصطفى:بس الموضوع ده ماينفعش يطول اكثر من كده
ساره:ليه فى ايه
مصطفى:المشكله ان التعود ده قلب حب
ساره:ايه
مصطفى:ايو انا بحبك معرفش ازاى وانا عارف انك مش ليه وانك متجوزه….بس الاحساس ده الواحد صعب يتحكم فيه
ساره:انا مش عارفه اقولك ايه
مصطفى:متقوليش اى حاجه انا عارف انتى عاوزه تقولى ايه …بس انا كان لازم اقولك الاحساس اللى انا حسيت بيه…ماتخفيش مافيش حاجه هتتغير احنا هنفضل اصحاب زى ماحنا
ساره:ازى بعد اللى انت قولته ده
مصطفى:انا مستعد اعمل اللى يريحك
ساره:انت شخص عزيز على قلبى وانا ماحبش اخسرك ..لكن انا مضطره انى ابطل اشوفك
مصطفى:انت متاكده من قرارك
ساره:ايوه
مصطفى:على قد ما الموضوع صعب عليا لكن انا عارف من الاول العواقب ومع كده حبيتك
ساره:مع السلامه(وخدت كريم و مشيت)
مصطفى(بحزن ):مع السلامه
مصطفى يحدث نفسه (ايه اللى انت عملت ده كنت فاكرها هتقولك ايه لا والله انا بحبك ومقدرش اعيش من غيرك …اكيد كان لازم تعمل كده)
تانى يوم مصطفى راح لعند يوسف على امل يشوف ساره بس ساره ماجتش
تانى يوم مصطفى وهو رايح شافته كيت واصرت تركب معاه وراحو على بنسالفنيا….مصطفى عرف يوسف على كيت ويوسف حب كيت خالص …ساره جت وشافت كيت مع مصطفى وهم بيضحكو
ساره:هاى
مصطفى(مخضوض ومبسوط فى نفس الوقت):هااااااااااى
ساره(تسلم على كيت):هاى انا ساره
كيت :وانا كيت …انا صاحبت مصطفى
ساره:صحبته …واضح انك صديقته خالص جدا علشان يعرفك على يوسف
كيت تبيتسم
مصطفى:ساره ازيك
ساره:طيب عن اذنكم انا عندى شغل
مصطفى:هو الكلام بينا هيبقى كده….ساره استنى(ويطلع وراها)
مصطفى :انت خلاص قررتى ماتكلمنيش تانى
ساره:مين قال كده
مصطفى:امال مابترديش عليه ليه
ساره:لا ابد قولت بلاش اخنق عليكم انت والسنيوره بتاعتك دى
مصطفى:انت قاصدك كيت لا انتى فهمتى غلط…استنى وانت ايه اللى يضايقك ..انتي بتغيري علياء
ساره:ايه الهبل اللى انت بتقوله ده
مصطفى:لا انا عارف النظره دى كويس دى نظرت نار الغيره
ساره(تبكى):مفيش حاجه من اللى انت بتقولها دى خالص
مصطفى:دموعك دى دليل انك انتى كمان بتحبينى
ساره:انا ماشيه
مصطفى:انا متاكد انك بتحبنى
ساره:واذا يعنى ايه اللى هيتغير انا هفضل واحده متجوزه وعندى ولد وكان عندى حياه جميله وانت جيت لخبطتها على الاخر
مصطفى:انتي زعلانه ان حياتك اتلخبطت
ساره:ارجوك انا مش عاوز اشوفك تانى ..ارجوك اطلع من حياتى بقى
مصطفى:مقدرش اتجادل معاكى فى قرارك ..انا من النهارده هختفى من حياتك خالص انا هتكلم مع يوسف وابلغه انى مش هقدر اجى تانى..بس لو اختفيت من حياتك هتنسى احساسك بيا
ساره:لو سمحت جوزى مايستحقش منى كده
مصطفى:تمام …سلام
مصطفى حاول يقنع يوسف انه مش هيقدر يجى تانى …بعد مجهود كبير اتفقو انهم هيتكلموا علي النت
فى اليوم ده كان فى ندوه لطلبه من كليه العلوم عاملينها لاطفال الملجاء علشان يكون حافز ليهم على التفوق
الطلاب اختارو فصائل الدم كموضوع للندوه علشان يقدرو يطبقو عملى مع الاطفال وكل واحد يحلل فصيله دمه
ساره حضرت الندور بدأوا يشرحو للاطفال عن فصائل الدم وايه الفرق بينهم وازى بتعرف فصيله الدم …طفل من الاطفال حب يسال سؤال وده شد ساره ان فى طفل مهتم وبيسال
الطفل :لو الاب فصيلت دمه A والام كمان فصيلت دمه Aايه الاطفال يكون دمه فصيلته ايه
المحاضر:السؤال حلو قوى بص فى المثل اللى انت قولت عليه فلنفرض ان فصيل دم الاب مش …..قد يشرح كثير…يعنى من الاخر فى احتمال ¾ ان الطفل يكون A واحتمال و1/4 انه يكون O
طفله:طب مينفعش يكون B
كل الموجودين ضحكو عليه
المحاضر:محدش يضحك ….كويس انه عنده الشجاعه علشان تسأل سؤال بصى احنا اخدنا فى اعتبرنا كل الاحتمال ….وطبعا مستحيل حد من الابناء يطلع B

فى الوقت ده مصطفى جت له مكالمه من تركيا قرر بعده انه هيسافر على طول ودى كانت فرصه علشان يبعد عن ساره
حسين فى تركيا بقى له اكثر من اسبوع بيحاول يوصل لاى اخبار عن نور ..ماوصلش لاى حاجه نور محى اى اثر ليه من المستشفى
في يوم ساره اخدت كريم المستشفى علشان ياخد التطعيم وهى قاعد تستنى دورها فتحت الدفتر الصحى بتاع كريم وقعدت تقرى فيه ولما جت عند فصيله دمه الاب كان عندها فضول تعرف فصيله دم نور ايه
ساره:ايه ده نور كمان B زيي…ثانيه واحده ده معانه ان كريم فى احتمال يكون B اوO صح وتبص على فئه دم كريم وتتصدم لما تلاقى فئه الدم A
ساره:ايه لا اكيد فى حاجه غلط (تقوم تسال ممرضه لكن هى تقولها انها ماتعرفش حاجه تفكر تسأل المحاضر اللى كان عندهم فى الملجاء وبعدين تفتكر لما ضحكو على البنت وتقول لنفسه لالالا هبان هبله قوى احسن حل انى اسال نور عن فصيلة دمه يمكن فى غلط فى الورق….اول ما اوصل البيت هساله…بس ساره ماقدرتش تسنتى اتصلت بنور
ساره:ازيك
نور:انا كويس …ايه طعمتى كريم
ساره:لا مستنيه الدور..نور انت فصيله دمك ايه
نور:فيه ايه حد حصل له حاجه… كريم كويس
ساره:لا ماتقلقش مفيش حاجه كان فى ناس هنا بيدورو على متبرع فصيلة A وانا كنت عاوز اساعدهم
نور:للاسف انا B
ساره:اكيد
نور:هو انا ممكن اتلخبط فى حاجه زى دى
ساره:طب سلام دلوقتى دورنا جه
نور:سلام
ساره دماغها هتنفجر من التفكير ولما دخلت للدكتور سالته
الدكتور: استحاله تكون انتو الاثنين B والولد يكون Aلازم واحد فيكم يكون A
ساره:طب ازى حصل كده
الدكتور:ماقدمناش غير حل واحد نعمل تحليل DNA ليكى وللاب ونعرف مين المشكله فين
ساره:بس جوزى مايعرفش حاجه وانا هخاف اقوله
الدكتور:ممكن تعملى التحليل من غير مايعرف ولما تطلع النتيجه قولى له
ساره:خلاص ايه المطلوب وهيخد وقت قد ايه
الدكتور:عاوزين عينة دم منك ومن جوزك ومن كريم
ساره:دم من جوزى صعب قوى
الدكتور:لا هو ممكن تجيبى من اظفاره او من شعره …فى تحليل غالى شويه باخد 3 تيام اما العادى ياخد اسبوع
ساره:لا طب خلينا فى 3 تيام انا النهارده باليل هيجبلك المطلوب خد عينه منى وعينه من كريم
ساره ادت عينه دم منها ومن كريم وجابت شعر نور من فرشه شعره فى البيت
باليل نور وساره (سرحانه بتفكر فى المصيبه اللى هيا فيها)
نور:عاملوا ايه الناس اللى كنتي معاهم الصبح
ساره:ناس مين
نور:اللى كانو عاوزين تبرع بالدم
ساره:……
نور:ساره انتى مالك تعابنه ولا حاجه
ساره:لا انا كويسه عاوز انام شويه …انا قايمه انام
نور:تصبحى على خير
ساره:وانت من اهل الخير
ساره ماعرفتش تنام من القلق والتفكير وطبعا مكنش ينفع تحكى لحد على اللى بيحصل معاها وعدو 3 تيام ونور لاحظ ان ساره متغيره جدا وبقت بتنسى كثير
ساره راحت تشوف التحليل ولقيت ان الولد ابنها لكن مش ابن نور….ساره اتصدمت وقاعدت تعيط وبتفكر فى نفسها (انا هعمل دلوقتى فى المصيبه اللى انا فيها دى انا ازاى هعرف ابو الولد اذا كنت مش فاكره اى حاجه عن الماضى…ازى هقول لنور انى خنته وجبت ولد من واحد غيره …ياترى نور عارف انى كنت بخونه هو قصد يسامحنى ..يمكن علشان كده عمره ما اتعامل مع كريم كأب…يارب انا مليش غيرك اعمل ايه فى المصيبه دى)
نور يتصل بيها
نور:وحشتينى
ساره:….
نور:ساره انتى سامعانى
ساره:ايو
نور:انا مش عارف انتي مالك بقى لك كام يوم
ساره:يعنى مضايقه شويه
نور:مانا قولت كده برضو…انت فين دلوقتى
ساره:ايه انا ..انا فى الشغل
نور:طب ايه رايك اعدى عليكى كمان ساعه اخد ونطلع تتغدى بره
ساره:لا بلاش
نور:لا انت ماعندكيش خيار
ساره:خلاص انا هعدى عليك فى الشغل
نور:اوك مستنيكى
ساره راحت هى نور مطعم بس هى ما طلبش اكل طلبت نبيذ لانها قررت تقول لنور على كل حاجه وهتقوله كمان على مصطفى …ساره بداء تشرب
نور:انتي اول مره تشربى
ساره:بشوفهم بيعملوه كثير فى الافلام قولت اجرب
نور:هههه ياخوفى تشوفى فيلم saw وتجى تقولى لى عاوز اجرب
ساره:لا ماتخفش مش هقولك كده هههههه(تشرب )
نور:ساره كفايه كده شرب
ساره:لا لا هات تانى انا مبسوطه كده
نور:لا يلا بينا
ساره:لا خلينا هنا …انا عاوز اقولك حاجه
نور:لما نروح هتقولى اللى انتى عاوزه
ساره:اسمعنى بس
نور اخدها فى العربيه وجاب لها قهوه تيك اواي شربتها فى العربيه ولما وصلو البيت ساره بتبص فى الارض
ساره:انا اسفه
نور:اسفه على ايه
ساره:انا اسفه بجد اسفه…اسفه على كل حاجه
نور:ساره انت لسه سكرانه ..لما تفوقى نتكلم …يلا انزلى
ساره تنزل وتنام على امل انه تقدر تقول لنور تانى يوم
فى تركيا مصطفى كلف حد هو بيثق فيه يسال على عائله ساره علشان عاوز يساعدهم ويكفر عن ذنبه مع ساره ولما سال عليهم عرف ان الاب محبوس بشيكات كان اشترى بيهم حاجات بالقسط فقرر انه يساعده واللى ساعد مصطفى فى كده ان اهل ساره مايعرفوش ساره ماتت ليه ولا مين السبب والوحيد اللى عارف السر كان نور
مصطفى لما خلص الموضوع اللى جاى علشانه راح قعد مع باباه
حسين لما عرف انه هناك قرر يروح يحكى له على اللى يعرفه ويقوله انه معرفش يجمع اى معلومات
حسين اول ماوصل عند مصطفى طلب انه يقابله لوحده مصطفى افتكر الموضوع يخص ندى
مصطفى:خير ياعم حسين انتو لحقتو تتخطبو علشان تتخانقو
حسين :الموضوع مالوش علاقه بينا
مصطفى:يعنى
حسين :فاكر لما شوفتك انت وندى فى المستشفى لما ندى كانت عامله حادثه
مصطفى:اكيد
حسين:فاكر لما قولت لك انى شوفت نور وانه كان فى المستشفى مع ساره
مصطفى:انت عاوز توصل لفين
حسين :انا لما روحت عندكم البيت شوفت صوره لبنت عنيها خضره وشعرها اسود مين دى
مصطفى:دى(ويطلع صوره ليلى من الموبيل)
حسين :ايوه
مصطفى:دى ليلى
حسين :لا دى ساره …ساره اللى قولتلك انى شوفتها مع نور قبل ما اشوفك باسبوعين تقريبا
مصطفى:يعنى انت تقصد انا نور اخد ليلى وغير لها اسمها
حسين :انا متاكد ان دى البنت اللى انا شوفتها مع نور وكمان وهما طالعين من المستشفى كانت ماسكه ايده انا يومها جريت وراهم علشان اسلم عليهم بس ملحقتش
مصطفى:يعنى انتى قصدك تقول انا ليلى لسه عايشه وقررت انها تعيش مع نور وتسيبنى
حسين:انا بصراحه مش فاهم اى حاجه …بس انا حاولت اعرف اى اخبار عن نور مقدرتش اوصل لحاجه هو عامل احتياطه كويس
مصطفى:يعنى هو دخلها المستشفى على اسم ساره ….ساره معقول تكون هيا..يمكن علشان كده كانت خايفه تجى خطوبتكم …انا لازم انزل امريكا حالا
حسين:امريكا ليه بس
مصطفى :انت بتدور فى المكان الغلط انا هعرف اوصل له
مصطفى يسافر على امريكا من غير مايقول لمامته ولا حد ويروح يقعد فى اليخت ويفكر هيعمل ايه علشان يعرف الحقيقه …مصطفى عمال يفتكر كلام حسين وبعدين جت فى دماغه فكره

ياتري مصطفي هيعمل ايه؟؟؟؟؟

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق