أجمل 3 قصص مضحكة حتما ستغير مزاجك بالكامل!
أيها السادة الأعزاء معلومة سريعة عن الضحك…
إن الضحك ليس مجرد تعبير عن الفرح، بل له تأثيرات قوية ومفيدة على صحة الإنسان الجسدية والنفسية.
كما إن للضحك فوائد جمة أهمها أنه يحسن المزاج، فالضحك هو معزز طبيعي للمزاج، تجده يساعد على تقليل مشاعر القلق والتوتر والاكتئاب، ويزيد من الشعور بالسعادة والرضا عن الذات. والضحكات تزيد من تقدير الذات، فالضحك يجعلك تشعر بتحسن تجاه نفسك، ويزيد من ثقتك بنفسك، وقصص مضحكة للبنات حتما ستحمل إلى قلبك الضحكة في كل مرة تتعرض لها!
القصــــــــــــــــــــــــة الأولى:
كان فيه راجل عايز يتجوز على مراته، وفي ليلة قمرية، خدها وطلع بيها السطح وقعد يتكلم معاها في مواضيع كتير جدا، يطلع من موضوع يدخل في موضوع تاني، وكان مستني اللحظة اللي يصطاد فيها ويذكر لها سيرة الجواز من واحدة تانية…
الزوج: “أنا عارف إن مراتي دي ست فاهمة أوي، وواعية ومفتحة، وعشان كده أنا مبسوط وأنا بتكلم معاكي في أهم مشكلة بتواجه الأمة الإسلامية دلوقتي، وهي مشكلة إن نسبة العنوسة بتزيد في البلد”.
الزوجة: “أيوه، دي مشكلة بتحزني جداً على حال البنات كلهم”.
الزوج: “طب إيه رأيك إن ربنا ألهمني لحل للمشكلة دي؟”
الزوجة: “وإيه هو الحل ده يا حبيبي؟!”
الزوج: “لو كل راجل متجوز اتجوز بنت، نسبة العنوسة هتقل في مجتمعاتنا العربية، وأنا عن نفسي أول واحد هيتطوع”.
الزوجة: “حل عبقري يا حبيبي، والعروسة عندي ومش عايزة منك لا مهر ولا أي حاجة”.
الزوج بفرحة طايرة: “وإيه مواصفاتها يا روحي؟”
الزوجة: “دي بقى ملازمة للفراش، صماء بكماء وعمياء، وبكرة هروح أخطبها لك”!
وبعد كده الست انهالت على جوزها بالضرب لحد ما الجيران كلهم صحيوا ونزلوا يفكوه من إيديها!
للمزيـــد من قصص مضحكة يمكننا من خلال: 6 قصص مضحكة ومواقف محرجة ستجعلك تضحك من أعماق قلبك
القصـــــــــــــــــــــة الثانيــــــــــــــــــــــة:
في يوم من الأيام، طلب جوز من مراته إنها تجهز سفرة مليانة بأشهى الأكل، عشان هو عازم أهله على الغداء، اتضايقت الزوجة من طلبه بس وافقت قدامه وكدة وتظاهرت بالرضا التام.
جه اليوم الموعود، ولما الزوج رجع من الشغل سألها: “جهزتي كل حاجة زي ما اتفقنا إمبارح؟”
الزوجة: “أنا تعبت أوي ومطبختش حاجة”.
بان الحزن على الزوج وقال: “طيب ليه مقولتليش إنك مجهزتيش أي حاجة؟ أهلي كمان ساعة بالكتير هيكونوا هنا، لو كنتي قلتي لي كنت جبت أكل جاهز معايا!”
الزوجة: “هما أهلك غرب؟! ياكلوا أي حاجة موجودة في البيت وخلاص، مفيش أي مشكلة”.
الزوج خرج من البيت وهو زعلان، وقبل ما تعدي ساعة، جرس الباب رن، فتحت الزوجة لقت أهلها هما اللي داخلين! طبعاً فرحت بيهم، بس استغربت، هي كانت مستنية أهل جوزها مش أهلها.
أبوها سألها: “فين جوزك؟”
الزوجة: “هو خرج يا بابا”.
الأب: “معقول يعزمنا على الغداء ويخرج وميستقبلناش حتى؟!”
الزوجة اتصلت بجوزها وتترجاه يجيب أكل جاهز ويرجع بسرعة عشان أهلها وصلوا، رد عليها الزوج وقال لها: “أهلك زي أهلي بالظبط، مفيش أي فرق بينهم، أكليهم من اللي موجود عندنا في البيت!”
للمزيـــد من قصص مضحكة يمكننا من خلال: قصص مضحكة للبنات لن تتمالك نفسك من شدة الضحك
القصــــــــــــــــــــة الثالثـــــــــــــــة:
في يوم من الأيام، كان فيه راجل مصري وواحد أمريكي، والاثنين كانوا أصحاب، دخلوا سوبر ماركت عشان يشتروا شوية حاجات كدة.
الراجل الأمريكي سرق تلاتة شوكولاتة جلاكسي وحطهم في جيبه، وقعد يتفشخر قدام المصري إن إيده خفيفة جداً ومحدش هيقدر يمسكه بالرغم من كل الكاميرات اللي موجودة وكده.
المصري اتضايق من أسلوبه البارد والسخيف معاه، مسك إيده وقاله: “بتتحداني؟ أنا قبلت التحدي! تعالى معايا”.
المصري خده وراحوا أوضة المدير، سأل المصري المدير: “بتحب السحر؟”
المدير رد عليه: “أيوه بحب السحر طبعا”.
المصري: “هاتلي تلاتة شوكولاتة جلاكسي”!
المدير نفّذ طبعا طلب المصري، وقام المصري كل الشوكولاتة كلها، بعدها فوراً، المدير سأله: “وإيه السحر في كده يا عم؟!”
قال المصري: “مد إيدك في جيب الراجل ده وهتلاقيهم جواه!”
للمزيـــد من قصص مضحكة على موقعنا قصص واقعية يمكننا من خلال: 4 قصص مضحكة مليئة بالمواقف المحرجة لن تندم على قراءتها ستنعم بالضحكة
