3 قصص جن من قصص المتابعين لا تفوتها!
عالم الجن والأرواح عالم مليء بالأسرار والغموض، وهو عالم لا يجرؤ الكثيرون على الخوض في تفاصيله خشية ما قد يواجهونه من مواقف تقشعر لها الأبدان؛ فكم من قصة بدأت بموقف بسيط وعفوي، ثم تحولت في لحظات معدودة إلى كابوس حقيقي يطارد صاحبه في يقظته ومنامه.
إن القصد من سرد هذه القصص ليس مجرد إثارة الرعب في القلوب، بل هو تبيان لمدى ضعف الإنسان أمام قوى لا يراها ولا يملك دفعها إلا بالاستعانة بالخالق عز وجل؛ ففي كل زاوية من زوايا منازلنا، وفي كل طريق موحش نسلكه، قد نكون عرضة لمواقف لم نكن لنصدقها لولا أنها حدثت بالفعل مع أناس يشهدون بصدق ما رأوا وعاشوا.
وسوف نستعرض معاً الآن مواقف لأشخاص اختلفت أعمارهم وأماكنهم، ولكن اجتمعوا جميعاً في أنهم واجهوا اللحظة التي تيقنوا فيها أن ما وراء الستار أعظم بكثير مما يظهر للعيان، وأن لكل فعل رد فعل من عالم آخر قد لا نحمد عقباه إذا ما تهاونا في تحصين أنفسنا كما علمنا رسول الله صل الله عليه وسلم.
القصـــة الأولى:
قصة بنت في تالتة ثانوي…
عزلت مع أهلها لبيت جديد، كان شيك جداً وسعره لقطة، والبنت شافت إن البيت هادي ومناسب جداً للمذاكرة.
وفي ليلة كانت بتذاكر لوقت متأخر كالعادة، وكان فات حوالي أربع أسابيع على عيشتهم في البيت ده.
دخلت المطبخ أول مرة عشان كانت جعانة، أكلت حاجة خفيفة وعملت قهوة، وكانت متأكدة إنها طفت النور وهي خارجة.
ولما رجعت تاني عشان تحط الكوباية في الحوض، لقت النور منور، استغربت جداً لإنها عارفة إن الكل نايم وهي اللي صاحية بس، ومتأكدة إنها طفته.
دخلت المطبخ ولقيت فجأة شيخ عجوز، وشه أبيض وهدومه ودقنه الطويلة بيض برضه، البنت اتصدمت وماقدرتش تعمل حاجة غير إنها تصرخ، فـ أهلها صحوا وجريوا عليها لقوها واقفة متصلبة وبتصرخ بهستيريا.
حضنوها بس فضلت تصرخ، ولما هديت شوية، كان جارهم جه يشوف فيه إيه، ولما حكت اللي شافته وهي بتعيط، الجار قالهم إن البيت أصلاً مسكون!
القصــــة الثانيـــــــــــــــة:
أربعة أصحاب بيحبوا المغامرة والتدوير على المشاكل، قرروا في يوم يروحوا بيت مهجور في منطقة هادية، والناس كانت بتقول إنه مسكون بالجن والشياطين.
نوا النية وراحوا فعلاً في وقت متأخر عشان ماحدش يمنعهم، وكانوا فاكرين إن الموضوع ممتع وفيه إثارة.
وعلى الساعة 2 بعد نص الليل دخلوا البيت وقعدوا يفتشوا في الأوض أوضة أوضة، البيت كان قديم ومتهالك بس فيه عفش ولعب أطفال، والمطبخ فيه حلل وتلاجة وبوتاجاز، كل حاجة كانت طبيعية لحد ما طلعوا الدور اللي فوق ودخلوا الحمام، وهناك لقوا عصافير ميتة مرمية على الأرض بشكل مش طبيعي، واحد منهم قرب ومسك عصفورة بإيده، وفجأة الأصوات بدأت تطلع من حواليهم، كانت أصوات غريبة رعبتهم، وواحد منهم مااستحملش وأغمى عليه.
على طول شالوا صاحبهم وجريوا على بره، ومارجعوش للمنطقة دي تاني ومابقاش عندهم أي نية يدوروا على الرعب تاني، ده بس عشان سمعوا أصوات، فما بالك لو كانوا شافوا الجن على حقيقته؟!
القصـــة الثالثـــــــــــــــــــة:
قصة واحد من الشباب…
في يوم كان الشاب ده قاعد مع أخوه الصغير، وكان هو المسؤول عنه لإن أبوه في الشغل وأمه راحت تزور جدته المريضة.
كانوا بيلعبوا مع بعض، وفجأة الأخ الصغير طلب حلويات، فالشاب وافق ونزل يروح السوبر ماركت اللي كان بعيد شوية عن البيت.
وهو راجع في الطريق، شاف قطة بيضا شكلها جميل جداً، عجبته فقرر يروح لها ويديها حتة أكل ويلعب معاها، بس لقاها بتبتسم له ابتسامة مش طبيعية خالص ومافيش قطة بتعملها، هو أصلاً بيحب القطط بس القطة دي خلته يترعب، فسابها وكمل طريقه.
والمفاجأة إنه طول الطريق كان بيشوف نفس القطة وبنفس الابتسامة والنظرة، فضل يتجنبها لحد ما وصل البيت، ولقاها بين إيدين أخوه الصغير بيلعب معاها!
الشاب اتصدم، خصوصاً لما القطة بصتله بنفس الابتسامة المريبة؛ فشد أخوه من إيده وجريوا على أقرب جامع وصلوا، وخلى أخوه ياكل اللي جابهوله وحكى لإمام الجامع، اللي راح رقى البيت وقالهم إن دي كانت جنية وعايزة تخطفه!
اقرأ مزيـــــــــدا من قصص جن من خلال:
قصص جن بعنوان السحر الأسود (مواقف حياتية لأشخاص حقيقين)
