قصص مضحكة بالعامية المصرية تعرف على 4 من أروع ما يكون
إن يومٌ بلا ضحك هو يومٌ ضائع “تشارلي شابلن”، إن الضحك يشفي كل الجروح، وهذا أمرٌ مشتركٌ بين الجميع.
فمهما كانت الظروف، فالضحك يُنسيك مشاكلك!
سواء أكنت تضحك من موقف مر بك أو على برنامج تلفزيوني شهير، أو حتى على برنامج رسوم متحركة للصغار، فالضحك في كل الأحوال وكل الظروف يجعلك تشعر بشعور أفضل.
إذ يعد الضحك شكلا رائعا من أشكال تخفيف الضغط النفسي، وهذه ليست مزحة على الإطلاق!، إنها الحقيقية في أكمل صورها على الإطلاق، وإن شئت جرب بنفسك!
القصــــــــــــــــة الأولى:
من قصص مضحكة بالعامية المصرية…
في مرة، كان فيه زوجة لسه متجوزة من قريب، وحملت من أول شهور جوازها، بس المشكلة إنها كانت حساسة جدًا بزيادة، والحساسية دي زادت أكتر وأكتر لما حملت في أول بيبي ليها.
في يوم، جوزها نزل عشان يقابل صاحبه اللي كان ساكن قريب منهم، هما الاتنين كانوا بيشتغلوا في نفس المجال، فكانوا هيتقابلوا عشان الشغل وكمان عشان يسلموا على بعض.
جوزها قالها: “أنا رايح لصاحبي، تحبي تيجي معايا؟ هو كمان متجوز ومراته قاعدة، تونسوا بعض؛” لكن هي قالت له لأ عشان كانت عايزة تنام.
قبل ما جوزها ينزل، وصّته إنه ما يتأخرش عليها، وسألته: “هتتأخر قد إيه؟” قالها: “نص ساعة بالكتير.”
بس قبل ما النص ساعة دي تخلص، الزوجة بدأت تتصل بيه وتبعته رسايل، كانت بتتصل وتبعته في نفس الوقت، جوزها اتأخر نص ساعة بس زيادة عن اللي قالها، أول ما حس بالموبايل في إيده، جري بسرعة عشان يعرف مالها، أول ما وصل البيت، الزوجة سألته وهي متعصبة: “هي دي النص ساعة اللي قلت عليها؟!”
هو اعتذر لها جدًا، وقالها إنه كان مندمج في الشغل وماخدش باله من الموبايل، لما بص على الموبايل، لقى سبعة وتسعين رسالة! اتصدم وبصلها وهو مذهول، هي ابتسمت وقالتله: “لو أنا مكانك، كنت مسحتهم كلهم من غير ما أقرأ ولا رسالة!”
اقرأ مزيدا من قصص مضحكة بالعامية المصرية من خلال: قصص مضحكة تعرف على 3 قصص مبهجة للنفس
القصـــــــــــــــــــة الثانيـــــــــــــــــــــــــة:
من قصص مضحكة بالعامية المصرية…
في دولة عربية وفي خطبة يوم الجمعة، كان الخطيب بيتكلم عن الجنة وجزاء المؤمنين، وتحديدًا عن “الحور العين”.
المصلين كلهم كانوا مركزين ومبسوطين، وبيحلموا باليوم اللي هياخدوا فيه العطية دي من ربنا.
الإمام بدأ يشرح وقال: “أول ما تدخل الجنة هتلاقي ستات جميلات جدًا، وهتقول لنفسك دول الحور العين؟، بس هتلاقي منادي بينادي عليك ويقولك: دول خادمات الحور العين، وبعدين هتمشي شوية وهتلاقي ستات أجمل وأجمل، وهتقول أكيد دول الحور العين، لكن المنادي هيقولك: استنى يا عبد الله، دول وصيفات الحور العين، وهتفضل تشوف وتشوف لحد ما تدخل قصرك، وأول ما تدخله هتلاقي مراتك اللي في الدنيا مستنياك”.
الجمعة دي كان لازم الناس كلها تكون ساكتة، ماحدش يتكلم ولا يضحك ولا يهمس، بس واحد من المصلين ما قدرش يمسك نفسه، أول ما سمع الإمام بيقول إن مراته في الدنيا هتستناه، قام على طول وقال: “اتقِ الله يا إمام! هنسيبها في الدنيا ونلاقيها في الآخرة؟!”
الإمام كان لسه هيقول حديث عن الرسول عليه الصلاة والسلام، بس الراجل قاطعه قبل ما يكمل الحديث وقال: “بالله عليك يا إمام، اتأكد من الحديث ده، ممكن يكون ضعيف أو موضوع!”
اقرأ مزيدا من قصص مضحكة بالعامية المصرية من خلال: 3 قصص مضحكة للمتزوجين لن تندم على قراءتها
القصـــــــــــــــــــــــــــة الثالثــــــــــــــــــــة:
من قصص مضحكة بالعامية المصرية…
جوزها طلع فوق على السلم الخشب عشان يعمل حاجة، فمراته حبت تهزر معاه وتضحكه، لما خلص اللي بيعمله، جه عشان ينزل، وكل ما يحط رجله عشان ينزل، هي تسحب السلم شوية.
جوزها يرجع يبص ويتأكد إن السلم مكانه، ويرجع ينزل تاني، فمراته تسحب السلم خالص، لما جوزها اكتشف إنها هي اللي بتعمل كده، شالت السلم كله ومشيت وهو عمال يزعق ومتضايق جدًا من اللي عملته، وضحكتها مالية المكان كله!
اقرأ مزيدا من قصص مضحكة بالعامية المصرية من خلال: قصص مضحكة للمتزوجين غاية في الجمال واللطف
القصــــــــــــــــــــــــة الرابعــــــــــــــــــــة:
من قصص مضحكة بالعامية المصرية…
واحد ومراته كانوا رايحين يصطادوا سمك، ومجهزين كل حاجة للرحلة.
الزوجة قعدت على الكرسي، وجوزها راح يجيب حاجة يشربوها، وهي قاعدة، صنّارتها اصطادت سمكة، عشان تطلع السمكة من الماية، قامت من على الكرسي؛ وهي بتقوم، خبطت جوزها اللي كان راجع من وراها، راح واقع في الماية!
المنظر كان مضحك جدًا، والاتنين فضلوا يضحكوا بصوت عالي!
