قصص مضحكة للمتزوجين قمة في الجمال وخفة الدم
كثير منا يلجأ لقراءة قصص مضحكة للهروب من أحزانه وهمومه والكدر، منا من يجد فيما يقرأه مبتغاه ومنا من لا يجد ذلك؛ وتبقى القصص المضحكة كفيلة في حد ذاتها مهما اختلفت وتنوعت كفيلة على إخراجنا من أحزاننا ولو لثواني معدودات.
الابتسامة الحقيقية من أجمل ما منحنا الله إياه من نعم فوائدها لا تعد ولا تحصى، يكفينا أنها عدوى تصيب قلوبنا بالسعادة حال رؤيتها وقد ارتسمت على وجه أحدنا.
ولا أجمل من قصص مضحكة للمتزوجين، لن تتمكن من منع نفسك من قراءتها دوما والبحث عنها من شدة الأثر ووقعه على قلبك ونفسك من جمال ما بها.
قصص مضحكة للمتزوجين مواقف حقيقية وواقعية تجعلك تضحك في أحلك الظروف وأكثرها صعوبة على نفسك.
القصــــــــــــــــــــة:
في يوم من الأيام، كان فيه عريس قاعد قعدة رجالة مع حماه والمأذون عشان يكتبوا الكتاب، المأذون بص لأبو العروسة وسأله: “ها يا حاج.. هنكتب المهر كام؟”.
رد الأب بكل شهامة ولطف: “يا عمنا، إحنا بنشتري راجل.. مش بنبيع بنتنا بفلوس!”.
استغرب العريس من كرم أخلاق حماه، وضحك بكسوف وقال: “والله يا عمي ما هتصدق، أنا حالياً جيبي مفيهوش غير 5 جنيه!”.
وفعلاً الشاب كان صادق، مكنش بيشيل كاش كتير واعتماده كله كان على “الفيزا” وكروت البنك.
ضحك حماه وقال برضا: “هاتها يا سيدي، دي كفاية وزيادة، البركة في القليل”.
وفعلاً المأذون كتب المهر “5 جنيه”، والكل كان مبسوط، وتمت الجوازة والفرح كان بعد أسبوعين.
العريس كان محترم وابن ناس ومتربي، بس كان فيه عيب خطير.. “هزاره تقيل ورخم”!
من يوم الفرح وهو كل ما ينادي مراته يقولها: “يا كانز البيبسي!”.
ليه؟ عشان دفع فيها 5 جنيه، نفس تمن الكانز!
عدى يوم واتنين وتلاتة، والعروسة صابرة وبتقول في سرها: “أكيد بيهزر وهيبطل، بكرة يعقل ويقولي يا حبيبتي ويا قمر وكدة”، زي أي بنت نفسها تسمع كلمة حلوة وتتدلع.
لكن بعد شهر، البنت فاض بيها الكيل وجابت أخرها، طلبت منه تروح تزور أهلها، وهو وافق فوراً ووصلها لحد بيت أبوها، وقالها بكل حب: “هخلص شغل وأعدي عليكي بليل، مقدرش أبات من غيرك”.
لما جه بليل ياخدها، البنت ركبت راسها ورفضت تروح معاه، العريس كبر دماغه وقال سيبوها تهدى النهاردة، ومشي.
عدى يوم، اتنين، أسبوع، والبنت منشفة دماغها ومش راضية ترجع لبيتها وجوزها، هنا قرر العريس يكلم حماه عشان يشوف حل.
الأب قعد مع بنته يسألها: “يا بنتي مالك؟ إيه اللي حصل؟، احكي لي أنا باباكي أكتر حد بيحبك في الدنيا دي”.
ردت وهي مقهورة: “يا بابا يرضيك بنتك تتهان وتبقى رخيصة؟!”.
قالها: “قطع لسان اللي يهينك، احكي لي حصل إيه؟”.
قالتله: “جوزي مش بيناديني باسمي من يوم كتب كتابنا، ليل نهار بيقولي (يا كانز البيبسي) عشان المهر اللي سيادتك وافقت عليه بـ 5 جنيه!”.
الأب دمه فار، واتصل بجوز بنته وقاله: “هات والدك وتعالى حالاً”.
لما وصلوا، وقف أبو العروسة وقال لوالد العريس: “بقى ده جزاء الإحسان؟!، أنا قولت بشتري راجل وابنك متربي، يقوم يكسر بخاطر بنتي ويعايرها؟”.
أبو العريس اتخض وسأل: “هو ابني عمل إيه بس؟!”.
حكاله الأب القصة، فخجل أبو العريس جداً وقال: “حقك عليا يا حاج، واحنا راضيين بأي حكم تحكم بيه”.
هنا رد أبو العروسة بجدية: “عشان بنتي ترجع، مهرها الجديد نص مليون (500 ألف) جنيه حالاً!”.
العريس من غير تفكير، وعشان شاري مراته وبيحبها، دفع المبلغ وحوله لحسابها في البنك فوراً.
ورجعت الزوجة بيتها وهي طايرة من الفرحة، حست بقيمتها وإن جوزها شاريها بجد، ومن غير هزار نهائي.
تاني يوم الصبح، صحيت بدري ومبسوطة، وبكل دلع بتصحي جوزها وبتقوله: “صباح الخير يا حبيبي”.
فتح عينه، بصلها بابتسامة صفرا وقالها:
“صباح النور.. يا مصنع البيبسي!”
اقرأ مزيدا من قصص مضحكة للمتزوجين على موقعنا المتواضع المملوء بهذه النوعية من القصص التي لن تستطيع مقاومتها إطلاقا من خلال:
6 قصص مضحكه بالعربي نضمن لك الضحكة العالية من أعماق قلبك
وأيضا/ قصص مضحكة بالعامية المصرية تعرف على 4 من أروع ما يكون
