قصص اطفال مكتوبة قبل النوم الاميرة دوددا

مرحباً بكم في موقعنا اليكم قصة من قصص اطفال مكتوبة مميزة التي يمكن ان تحكيها لطفلك قبل النوم
من الرائع ان يتعلق طفلك بالقصص المميزة والتي تجعله ينام نوم هادئ ورائع
لذالك في موقعنا قصص واقعية قررنا اضافة هذا النوع الجديد من القصص من اجل كل الامهات حتي تنمي قدرات طفلك وتساعديه
علي النضج ايضاً اليكم هذه القصة وهي تعتبر قصة خفيفة للأطفال سن 4 سنوات مناسبة لهم اتمني ان تنال علي اعجابكم .

تفاصيل القصة

كان في بنوته صعننة اسمها دوددا
دوددا كانت شاطره جداً وذكية جداً وكانت في منتهي الجمال والرقة وكان كل الناس بيغيرو منها لانه عسوله ورقيقه
بس الناس الشريره بس الناس الكويسه كانت بتحب دوددا جداً
بلدهم كانت بلد هاديه جداً وبسيطه
كانت دوددا بتعمل ايس كريم في محل علي اول البلد وكان كل الناس بتشتري منها ومكنتش بتحسب تكسب كتير يدوب حاجات بسيطه خالص
لحد ما الملك بتاع البلد مر مره عليها وكان راجل شرير ومفتري ورخم
قالها عاوز ايس كريم وهي مكنتش تعرفو
اديتلو واحده لقي طعمها جميل راح القصر بتاعو وقال : هاتلو دوددا هنا تعمل لي انا لوحدي ايس كريم ومحدش تاني
راحت ولما عرفت اعترضت جداً وقالت انا بعملو علشان افرح الناس كلها مش انت لوحدك بس هو رفض وقال لازم لوحدي وحبس دوددا لحد ما ترضي
الناس بدأت تدور عليها في كل حته وهما ميعرفوش انها مسجونه

ووحشهم الايس كريم بتاع دوددا ودوددا كمان وبردو مش عارفين هي فين
لحد ما في يوم جت خدامة من القصر وقررت تقول للناس كلها
والناس كلها عرفت اللى حصل لدوددا وانها رفضت تعيش في القصر علشان تفرحهم وبتحبهم اجتمعو كلهم
وقررو يهجمو علي قصر الملك
وفعلاً حتي اللى كانو بيغيرو من دوددا راحو وكلهم هجمو علي الملك الشرير وخلصو دوددا من الملك ورجعت تاني دوددا وفرحت كل الناس ورجعت تاني تعمل للكل ايس كريم جميل والقرية عاشت في سلام وأمان .