قصة لا زلت ف الثلاثين

قصة لا زلت ف الثلاثين – الفصل الخامس

قصة لا زلت ف الثلاثين – الفصل الخامس

قصة لا زلت ف الثلاثين - الفصل الخامس
قصة لا زلت ف الثلاثين – الفصل الخامس

راجع: قصة لا زلت ف الثلاثين – الفصل الرابع

فى مكتب رقيه فى الساعه 6 مساءاً تدخل دينــــا

دينا : ايه يا رقيه مش احنا طولنا اوى انهارده

رقيه : يلا يلا انا بس كنت بتفرج ع صور الفيلا اللى صورها مدحت علشان عاوزه اروح بكره اشوف بنفسى

دينا : ان شاء الله هنروح بس يلا ابووووس ايدك

رقيه : ماشى يا ستى خلاص هقوم اهوه يا باااااااااااى

______________________________________________________

فى بيت رقيه فى الساعه ال7والنصف مساءاً ورقيه داخله البيت وهاجر بتتكلم فى التليفون

هاجر: نازله اهوه نازله انت مستعجل على ايه

رقيه سمعت كلام هاجر استغربت

رقيه : هاجر !! انتى نازله دلوقت ؟

هاجر: اه عادى يعنى عندى درس مهم

رقيه: درس!!

هاجر: اه درس فيه حاجه

رقيه: لا ابدا خدى بالك من نفسك يا هاجر

هاجر : خدى انتى اللى تاخدى بالك من نفسكــــ

نزلت هاجر بعد لامبالاه منها على كلام رقيه ودخلت هاجر تشوف مامتها ولقيتها بتتكلم فى الموبايل , استنت لما خلصت

ماجده : حمد الله على السلامه يا هاجر انتى اتأخرتى كده ليه

رقيه : معلش يا ماما الشغل والله كتير

ماجده : ربنا lمعاكى يا حبيبتى

رقيه : خدى بالك من هاجر شويه يا ماما

ماجده : حاضر بس ليه يا حبيبتى دى مش بتسيب المذاكره ومطحونه فى الدروس والمذاكره ربنا يكون فى عونها

سرحت رقيه فى كلام هاجر _ نازله اهوه نازله انت مستعجل على ايه _ وبعدين كملت فى نفس التوهه

رقيه : مذاكره , مطحونه , ربنا يكون فى عونها ….. ماشى يا ماما ماشى , انا جايبه اكل معايا دليفرى علشان ورايا كذا حاجه فى الشغل عاوزه اعملها وعامله حسابك انتى وهاجر

_________________________________________________________

هاجر ماشيه فى الشارع وهى فى كامل اناقتها وشياكتها ومهتمه بكل حاجه فى نفسها وفى تناسق الالوان والشعر والميك اب ورن الموبايل

هاجر : ايه يا بنتى عاوزه ايه تانى ما قولتلك هحكيلك بعدين

عبير:احكيلى بس ازاى خليتى عمر يقابلك , ده مرضيش يقبل الاد بتاعتك ازاى رضى بقى

هاجر : هقولك يا ذنانه انا قولتله انى عاوزاه ضرورى بخصوص زفت كريم

عبير : يا بنت اللذينه

هاجر : طب اقفلى بقى دلوقت باى

__________________________________________________________

عمر فى العربيه ومشغل عمرو دياب وبيدندن معاه وفهمت عنيك ما انا خدت عليك حبنا بيزيد جوانا , من نظره انا ممكن اقولهالك ما انا بعرف مالكــــ مهما تدارى وليه مين انا غير حبيبى ومش
ومسك موبايله وبيتصل بيرن

عمر : ما تيجى معايا يا ابن الحلال انت

رامى : يا عم فكنى بقى البت راسمه عليك اصلا

عمر : ده بنت ولا بلاش

رامى : محترم اوى انت يا واد من امتى

عمر : ولا تزعل دى بن

وقاطعه رامى

رامى: خلاص يا عم خلاص مش محترم بتبستك دى

عمر : اه اووووووووووووى , اقفل بقى انا داخل ع اشاره سلام

رامى : سلام يا مؤدب

___________________________________________________

دخل عمر فى المكان اللى اتفقوا عليه وعمر نفسه مش عارف هو جاى ليه , هو متاكد كشاب انها مش عاوزاه علشان كريم ولو عاوزاه علشان كريم ما يولع هو مش فى دماغه , هو نفسه مش عارف هو جيه ليه مع انه مش طايقها بس هو عاوز يشوف اخر البنت دى ايه

وفجأه دخلت هاجر وكشاب انبهر بجمالها , هاجر بنت جميله جدا وشيك ولانها حاطه خطه فى دماغها فكانت جايه بكامل اناقتها

ابتسم عمر ليها بابتسامه اعجاب فهى كبنت عارفه شباب كتير عرفت انها عجبته وبالتالى ده اداها ثقه كبيره اكتر فى نفسها وهى ماشيه ورايحه لعمر

هاجر : هاى

عمر : ازيكــــ

هاجر : تمام كويسه وانت ؟

عمر : الحمد لله تمام , كنتى عاوزانى فى ايه بقى بخصوص كريم , هو مضايقك؟

هاجر : انت مستعجل على ايه طيب اطلبلى حاجــــه ؟

عمر : هههههههههههههههههههههه موافق بس على حسابكــــــ

هاجر : بخيل انت

عمر : جداااااااااااا

هاجر : ع فكره يا عمر انا مش جايه علشان كريم ؟

اتصنع عمر نظره استغراب , رغم انها مش محتاجه تقول ده لان كل حاجه مبينه ده

هاجر : متستغربش كده اه انا جايه علشانكـــــــ انت

عمر : علشانى انا !!!!!!!!

اتفاجأ عمر المره دى بهاجر ومن جراءتها الزياده عن اللزوم واضايق فعلا لاول مره فى حياته من بنت وحس باحراج رغم من خبرته مع النوع اللى زى هاجر دى ’ خرجه من تفكيره ده كلام هاجر

هاجر : اه علشانكـــــ متستغربش كده انا معجبه بيكـــ اوى ونفسى

قاطعها عمر وعلى وشه جديه مش مصتنعه

عمر : لالا ى هاجر انتى كده بتخرفى انتى زميله واحد صاحبى وحتى لو هو مش فارق معايا وحتى لو انا واطى , بس انتى اصلا مش النوع اللى يعجبنى وله تحبى اتسلى بيكى ونتسلى شويه

عمر اتلغبط من الكلام اللى قاله واول مره يرفض كده من بنت حتى لو هو هيتسلى لان الطرفين عارفين كده كويس , بس هو حس ان هاجر مراهقه صغيره ’ وبنت شايفه نفسها وعندها 18 سنه واقل من انه يديها اهتمام مهما كانت جميله

هاجر : انا مش عجباكــــــ انا

عمر : بعد اذنكـــــ

مشى عمر من المكان بسرعه وهاجر فى ذهول فظيع وحست ان المكان كله بيتفرج عليها , رغم ان مفيش حد سمع كلامهم

__________________________________________________________

فى بيت محمود الساعه 9
محمود قاعد بيتفرج على التليفزيون هو ووالده على برنامج رياضى كالعاده وسعاد دخلت بالشاى ليهم

محمود : تسلم ايدك يا ست الكل

سعاد : تسلم يا حبيب قلبى عقبال ما تريح قلبى

محمود : يا ماما يا قلبى يا ست الناس كلها , انتى عارفه انى بحب هاجر جدا هى كويسه والله بس هى لسه صغيره

سعاد : يا ابنى الناس دول مش من مستوانا دول باصيين لفوق اوى وخصوصا البنت دى عارف لو رقيه من سنك كنت جريت خطبتهالك

محمود : بس انا بحب هاجر , يا امى انا يعتبر مربيها على ايدى شوفتها وهى بتكبر قدامى لما كانوا فى المنطقه هنا ’ قبل ما يعزلوا

سعاد : انا غلبت معاك يا محمود , قول كلمه يا شاكر لابنك ده

شاكر : سيبى الواد على راحته يا سعاد , دى حياته وهو حر فيها

سعاد : يا غلبى يا انا منكوا انتوا الاتنين , بتحبها على ايه البت دى ؟

محمود : هو الحب ليه سبب يا امى ؟

سكتت سعاد ورضيت ببالامر الواقع وسابت الايام هى اللى تبين

___________________________________________________________

دخلت هاجر البيت وهى مكشره ومامتها قاعده بتتفرج على التليفزيون ولاحظت ده على وشهها

ماجده : مالك يا هاجر

هاجر : مفيش انا داخله انام علشانه تعبانه

ماجده : مش هتاكلى ده اختك

وقاطعتها هاجر

هاجر : انا هنااااااام تصبحى على خير

ماجده : وانتى من اهله على راحتك يا حبيبتى

ماجده قعدت صعبانه عليها ههاجر ع علمها ان هاجر مشغوله بمذاكرتها كالمفترض تفكير اى واحده فى سنها ولكنها بعيده كل البعد عن التفكير ده ’ بس ماجده كانت حنينه عليها مش بغرض الدلع الزايد ولكن علشان هى يتيمه وباباها اتوفى من وهى صغيره فبتحاول تعوضها عن ده

_________________________________________________________________

هاجر فى اوضتها وقاعده ومش مستوعبه ورن جرس موبايلهــــــــــا

هاجر : ها عاوزه ايه ؟

عبير : مالك يا بت انا بتصل اطمن عليكى

هاجر : اقفلى دلوقت انا مش طايقه نفسك

عبير : هههههههههههههههههههههه اترقعلك يا بوبتى , اخيرررررررررررا ولاول مره

هاجر : انا مااعجبهوش انا والله لهوريه , ان مكنتش اردله القلم ده

عبير : هتعملى ايه يعنــــــــــــى ؟

هاجر : هتشوفى الايام بيننا

تابع الحلقة القادمة من: قصة لا زلت ف الثلاثين – الفصل السادس

تابعونا علي صفحة قصص واقعية علي الفيس بوك لمزيد من القصص

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق