قصة لا زلت ف الثلاثين

قصة لا زلت ف الثلاثين – الفصل الأخير

في الحلقة السابقة: قصة لا زلت ف الثلاثين – الفصل التاسع والعشرون

قصة لا زلت ف الثلاثين - الفصل الأخير
قصة لا زلت ف الثلاثين – الفصل الأخير

قصة لا زلت ف الثلاثين – الفصل الأخير

فضل على طول الليل يراقب منى وهى فى دنيا تانيه و للحق فــ على كمــــــــان كان فى نفس دنيا منى بيشاركها نفس الغيبوبه ..

_رقيــــه فى اوضتهـا بتكلم عمر بعيونها فى صورته اللى رسمتها نسمات الهوا فى كل اركان الاوضه وبتحلم بيوم خطوبتها اللى متوقف على اتفاق عريس هـاجر ..

_هاجر بتراقب الفيس يمكن محمود يفتح الفيس وسط نار محوطاها من كل مكان ونظرات رقيه وعمر لبعض اللى مش بتروح من خيــــــــــالها ..

_عمر بيفكر فى دنيته الجديده وفى قلب رقيه اللى لازم يسعده حتى ولو على حساب عمر نفسه وانه لازم يتغير لاحسن الاحسن علشان ينول شرف قلبهــــــا ..

_محمود بيكلم هبه طول الليل وبيحلموا بيوم كتب كتابهم ..

___________________________________________________

استأذن على الدكتور المختص بحاله منى ودخل لها ,مسك ايديها وحست منى بحراره دموعه اللى نزلت على ايديها زى صوت المنبه الساعه 6 الصبح ,فتحت عنيها ببطىء شديد ,بصلها على وهو مش مصدق عنيــــــــه

على:منى حبيبتى انتى سمعانى

غمضت منى عنيهــــــا تعبيرا عن موافقتها بانها سمعاه

على:خفيلى يا منى ,انا عاوزك ومحتاجلك ,محتاجلكــــ اوى والله وبحبك فعلا انتى اغلى حد عندى فى الدنيا دى كلها

ردت منى بصعوبه:بجد

على:جد الجد يا منى انا عرفت قيمتكـــ ,ارجوكى سمحينى .

منى:وانا بحبكــ

رن موبايـــــل على ,بمسدج من هاجر
(مش محتاجه افكركـــ بمعاد انهارده وانا قولتلك هيحصل ايه لو معملتش اللى انا عوازه)

بص على لمنى اللى اللى بتتعلق فى نظرته بكل حـــــــــب  ,قرب منها على اكتر وباس ايديها

على:انا بحبكــ تخافيش انا جمبكــ

دخل الدكتور

ابراهيم:كفايه كده يا استاذ على

على:هى بقت كويسه

ابراهيم:هى فى تحسن كبير ,العامل النفسى مهم جداً ليها

على:وهتفضل فى المستشفى كتير

ابراهيم:ممكن بعد اربع ايام لو الحاله اتحسنت وتكمل علاج فى البيت وهتيجى المستشفى كل اسبوعين وده برضوا فى حاله انها تتحسن

على:ان شاء الله تتحسن يا دكتور

__________________________________________________

دخل على اوضته وهو بيلبس البدله اللى تناسب الميعاد وبيربط مشنقه على رقبته بتقده وبتحركه فى الاتجاه اللى هاجر عاوزاه ..

خرج من اوضته اللى فيها صوره الملاك الغائب الحاضر ..
دخل اوضه يوسف اللى عند جدته واخت منى علشان يهتموا بيه ..

هاجر فى بيتها اللى كله فيه بيستعد بفرحــــــه وهى عكس كده ,ومع ذلكــ فهى اجمل ما فى البيت …

فى بيت هاجر

ماجده بتفتح الباب بتشوف قدامها شاب طويل ووسيم وانيق ورايح لعزاء

ماجده:اهلا وسهلاً

على:شكراً ربنا يخليكى

خرجت رقيه من اوضتهــــــــا ورحبت جداً بعلى ويمكن ده ساعد على يبتسم لان رقيه طاقه نور داخليه بتنور فى قلب كل اللى يتكلم معاها ..

خرجت هاجر زى اى عروسه وعلى وشها ابتسامه مصتنعه ولكنها زودت من جمالها ..

على:انا جاى اطلب من حضرتك ايد الانسه هاجر

ماجده:دى حاجه تشرفنا يا ابنى

على:انا عاوز اكتب كتب الكتاب بعد يومين ,علشان هاجر تيجى معايا وهتكمل دراستها بره

ماجده:انا خايفه من انها متكملش دراستها

على:لا انا اوعدك انها هتكمل دراستها

هاجر:متقلقيش يا ماما هكملها والله

رقيه:متزعلهمش بقى يا ماما

على:انا بس عاوز اكتب الكتاب علشان اضيفها للباسبور بتاعى والاجراءات بتحتاج وقت

ماجده:وبالنسبه للشبكه

هاجر:حاجه بسيطه يعنى يا ماما احنا قدامنا مصاريف سفر واحنا لسا صغيرين

دار الحوار بينهم لاسئله من ماجده واللى بترد هاجر وبيوفقهم على بالموافقه على اى كلام تقوله هاجر ,رغم انه مسمعش معظم الكلام واتفقوا على ان كتب الكتاب كمان يومين واتفاجأ على ان فيه حفله هتتعمل فى البيت لخطوبه رقيه وكتب كتابهم ,بس وافق فى النهايه

____________________________________________________

اليومين فاتوا على الجميع بججم مختلف

_رقيه فى شغلها وفى توضيب البيت وفى قلب عمر والاستعداد للخطوبه وفى فرحتها اللى كل ثانيه بتزيد عن الاول ..

_عمر واستعداده لليوم واهتمامه بشغله الزايد والملحوظ اللى لفت انظار كل اللى معاه فى الشغل ومع رقيه وفى اختيار الشبكه المناسبه ليها ..

_محمود بيستعد لكتب كتابه وفى توضيب الشقه اللى شاغل معظم وقته , وفى مطاردات هاجر اللى زادت عن اللزوم وتفكيره فى هبه اللى مش عاوز يخونها ولو باحساسه ..

_على ,اللى مش فاكر حتى شكل هاجر اللى فى دماغه منى وبس اللى حالتها بتتحسن يوم عن يوم بفعل ادويه حب على اللى جرعتها ما بتخلص ..

_هاجر بتفكر فى محمود وفى غبائها اللى ضيعه من ايديها وفى اليوم المشئوم اللى بتحاول تبين انها مهتمه بيه..

_________________________________________________________

قابلت رقيه يومها بابتسامات مش عارفه توقفها ,فرحتها الاكبر بأن قلبها هو اللى اتشبك مش ايديها اللى هتتشبك بدبله قامت تجهز نفسهــــــــــــا وتستعد وعير غير العاده هتروح للكوافير ,فخرجت علشان اكيد هاجر اللى تعرف الاماكن دى ولازم كمان تيجـــــــــــــــى معاها لانها عروسه ..

خرجت رقيه ,شافت عمال فى الشقه بيرتبوها لليوم ده تحت اشراف دينا ..

دينا:صباح الخير يا عروسه

رقيه:صباح النور يا قمر ,انتى تعبه نفسك معايا اوى يا دوندون

دينا:بس يا عبيطه بقى ,بس ايه القمر ده مش محتاجين كوافير خالص انهارده ,فين الفستان

رقيه:انا لسا مش عارفه ما انا قولت اصحى بدرى علشان نلحق اشترى فستان جديد

دينا:يالهوى ولسا قاعده ,يالا بينا

رقيه:وهاجر استنى

خرجــــــــت هاجر من اوضتها ورن جرس الباب فى نفس الوقت
فتحت رقيه الباب لتتفاجىء بعلبه كبيره مكتوب فى كارت فيهــــــــــــــــا
( بنت قلبى رأيته ينول شرف ارتداء جسدكـ فى منامى فهل سينال هذا الشرف ؟..عمر))

وقفت رقيه عند الباب مش بتتحرك ومركزه فى الكارت ودموعها صاحبت الكلام اللى مكتوب عليها فاقت من الاصوات اللى حوليهـــــــا

العامل:الناس جايين علشان الميك اب حضرتك بعد نص ساعه هتكونى موجوده ؟

جريت دينا وهاجر عليها ومسك دينا وهاجر الكارت

دينا:اه هتبقى موجوده

مسكت رقيه الموبايـــــــــــــل تكلم عمر لقيته بيتصل بيها

عمر:موافقه

رقيه:ها

عمر:موافقه

رقيه:ها

عمر:رقيــــــــــــه

رقيه:نعم

عمر:بحبكـــ طيب

رقيه:وانا بعشقكــ

عمر:ها

رقيه:عمر

عمر:ها

وضحك الاتنيــــــــــــن سوا

______________________________________________________

قاعد على مع منى فى المستشفــــــــى وسط نظرات متبادله ,بعد ما الدكتور طمن على ان منى ممكن تخرج بكره وهتكمل علاجها فى البيت

منى:بتحبنى يا على

على:انا بجد بحبكــــــ ,انا مش هزعلك ابدا , لايمكن ازعلكــ

منى:وانا بحبكــ اوى والله بجد بحبكــ

على:عارف ارتاحى بس انا هروح مشوار وهكون ليكى الزوج اللى بتتمنيه

منى:متتأخرش عليا

على:انا معاكى اصلاً

دخل على بيته وبيلبس وهو مش مهتم بأى حاجه وتركيزه فى صوره منى اللى فى المرايا قدامه بتضحكــــ

على:متقلقيش انا جايلكـــــــ

_________________________________________________________

خرجت رقيه من الاوضه وهى لابسه الفستان المتخذ من السماء ,بهرت كل الانظار حتى نظر هاجر القاعده مع على بفستانها النبيتى الانيق
دورت على عمر بعنيها فعمر جيه من وراها

عمر:تسمحيلى ؟

مسكــــ عمر ايد رقيه وباسها وقربها من قلبه

رقيه:عمر الناس

عمر:رقيه الناس الله عيب كده

رقيه:بحبكـــ

عمر:بموت فيكى

قاعده هاجر مع على ولكنها بالفعل وسط نظرات عمر لرقيه وعقلها بيتكلم مع على

هاجر:زى ما قولتلك بكره الصبح هتطلقنى وملكش دعوه بحاجه بعد كده ,انت جبت الخاتم ده منين

على:من دهب مراتى وهاخده لما اطلقكـــ ,دى حاجتها

هاجر:هديهولكــــ فى داهيه

اشتغلت اغنيه رومانسيه لعمرو دياب وقام عمر ورقيه يرقصوا , وعلى وهاجر يرقصوا على انغام حزنهم

(ولا اى كلمه حب اتقالت فى يوم ما بين اتنين تسوى حلاوه كلمه منك قولتهالى ,عيد قولت ايه كده تانى وتالت ولا يطفى ناره حبيبى غير لو عيدتهالى ,زى اللى اول مره بيحس بأماااااان )

عمر:بحبكــ

رقيه:عارف انت اجمل حاجه تفرح الواحد هى ايه ان اللى ياما حلمت بيه تلاقيه حبيبكــ وانا عيشت بحلم باللحظه دى ده اللى بدور عليه

عمر:خليك معايا يا حبيبى مهما كان ,خليك معايا يا حلم عمرى اللى فى خيالى من زمان

هاجر:على الله بكره ما تنفذش اللى متفقين عليه

على:متخافيش

هاجر:متقربش منى اوى كده

على:غصب عنى ,احنا بنرقص

عمر:تعرفى نفسى فى ايه ؟

رقيه:ايه؟

عمر:نمشى من هنا

رقيه:ونروح ع فين

عمر:على مكان لوحدنا وافضل طول الوقت بصصلك وانتى فى حضنى ومتسألنيش ازاى

هاجر:الاغنيه خلصت

على:كويس

خلص الفرح راحت رقيه لاحلامها والخاتم اللى جابه عمر اللى لامس قلبها طول الوقت
وهاجر فى انتظار بكره بفارغ الصصبر علشان تخلص وتفوق لحياتها

_______________________________________________________

خطف زميل محمود المنديل وسط زغاريط كتير من المعازيم ,ومباركات من الكل ووسط ده كله هبه اللى بتخطف محمود بنظراتها

محمود:مبروك

هبه:الله يبارك فيك

محمود:بقيتى بتاعتى اهوه

هبه:انا بتاعتك من يوم ما اتولدت

محمود:يعنى مفيش خالتو وماما

هبه:تقصد ايه

محمود:يعنى انتى مراتى قدام الناس كلها اهوه

هبه:اه ما انا عارفه

محمود:طيب يالا بقى ؟

هبه:يالا ايه ,لسا مفيش فرح ولا زفه ولا اتمخطرى يا حلوه يا زينه

محمود: مين قالك انى فى دماغى كده ,انا اقصد يالا نعمل اى حاجه

هبه:بايخ

محمود:هبه

هبه:نعم

محمود:بوسه وحضن لعمو بقى

هبه:هههههههههههههههههههههههه احم احم

شكرى :الف مبروك يا ولاد

محمود:جيت فى وقتك يا حاج

شكرى:خير يا ابنى

محمود:ابدا هبه بتطلب طلبات غريبه كده

شكرى:خير يا بنتى

هبه:ابدا يا عمو والله ده محمود بس بيحب يهزر

وبتضرب محمود فى كتفه ,بيفهم شكرى فبيمشى

هبه:ايه اللى انت عملتوا ده؟

محمود:مراتى يا بت انتى مكسوفه ولا ايه ,ده انا زى جوزك برضوا

________________________________________________

دخلت هاجر اوضتها تستنى محمود يفتح الفيس ,مفتحش بتبص على البروفايل بتاعه وبتقلب فى الصور ,نزلت صوره ليه هو وهبه فى كتب الكتاب من واحد زميله
برقت هاجر للصوره ومقدرش تنزل عنيها من عليها وفاجأ اتبعت لها المسدج ده من اكونت متعرفهوش
(متحوليش تهربى منى هتيجى يعنى هتيجى انا مش بتاع تليفونات وبس وتسجيلاتكــ معايا ,انتى نسيتى مكالمتنا ولا ايه يا هاجر)

مستوعبتش هاجر الرساله فتحت الاكونت اللى راسل الاكونت فهمت انه بنى ادم مش محترم من الفرندز اللى عنده ومن ضمنهم اكونت ليها وعليه صورها

معرفتش تعمل ايه غير انها تفتح كلام معاه علشان تفهم وفى النهايه اداها رقم تليفون المفروض انه بتاعها

ويحكيلها على مدى التطور فى علاقتهم وسط انبهارها وخوفها منه ودموعها اللى ما صدقت تفك اسرها

وفى الاخر اتصلت بالتليفون اللى ادهولهــــــــا لمده ساعتين والموبايل فى وضع الانتظار وهتتجنن وتعرف ,يه اللى بيحصل ولاول مره تعرف احساس اسمه خوف

واخيرا الموبايل مبقاش انتظار ورد عليها صوت هى عرفاه كويس اوى ,صوت عبير

هاجر:مين معايا

عبير:هاجر ,انتى اللى مين ؟

هاجر:هاجر

عبيروابتدت تلاحظ الصوت:انتى مين

هاجر:انا هاجر يا احقر بنى ادمه فى الدنيا ,انتى ,انتى تعملى معايا انا كده

عبير:براحه بس ومتعمليش نفسكــــ كويسه اوى انتى طول عمرك فاكره نفسك مفيش زيك وانك احسن واحده فى الكون وانتى احقر واحده فى الدنيا

هاجر:انا

عبير:اه انتى ومتزعليش اوى من اللى عملته لانه نتيجه عملك منتظره ايه منى وانا اللى ماسكه الشنطه لسيادتك طول عمرى ,وبعدين انتى كده كده ضيعتى

هاجر وهى منهاره وصوتها بيعيط:انا ضيعت انا

عبير:انا مش هتأسفلك على اى حاجه عملتها فى حقك

هاجر:انتى ضيعتينى ,حرام عليكى ليه كده , سمعتى حرام عليكى

عبير:متضحكيش ع نفسك يا هاجر سمعتك فى الارض قدام نفسك ع الاقل

هاجر:ده مسجلك

عبير:تقصدى مسجلك انتى

هاجر:ارجوكى انا حرمت مش هتوصل للدرجادى احنا كنه اصحاب

عبير:عاوزه ايه يا هاجر

هاجر:شلينى من دماغك وكفايه كده ارجوكى ,كفايه كفايه ارجوكى ,امسحى الاكونت ده وانا هبعد عنك وعن كل الناس

عبير:وان ما مسحتوش

هاجر:عبير,انتى ليكى اهل وكمان انا معايا صور تحبى ده يحصل معاكى

عبير:انتى بتهددينى يا هاجر

هاجر:اعتبريه زى ما تعتبريه

عبير:خلاص انا هسمحه ومش عاوزه اعرفك تانى

وقفلت السكه وسابت هاجر وسط صوره محمود وهبه وصوره رقيه وعمر وصورها وصوره المسدج اللى اتبعتتلها وكلامها مع عبير وحكايتها مع على

ضاقت الاوضه عليها كأنها القبر ودموعها لاول مره دارت ملامح وشها

_________________________________________________________

على ومنى خارجين من المستشفى ,وصل على منى البيت واطمن عليها

على:ساعه وهجيلك لدنيتنا الجديده يا احلى منى فى الدنيا

منى:رايح فين

على:مشوار ساعه وهجيلك

منى:هتتأخر

على:مقدرش

نزل على يقابل هاجر علشان تتنازل عن حقوقها وهو بيطلقها ,طلبت منه يروحوا الاوتيل اللى بيتقابلوا فيه وبعد محايله من هاجر وافق على

هاجر:انا بحبكـــ

على:انتى مبتحبنيش يا هاجر ولا بتحبى نفسك اصلا

هاجر:ارجوك يا على انا موافقه ان يبقى ليك زوجه تانيه متسبنيش

على:انا مبحبكيش يا هاجر وانا عملتلك كل اللى انتى عوزاه ارجوكى سبينى

هاجر:ارجوك انت متسبنيش اتوسل اليك ,مبقاش ينفع يا هاجر

على:انتى

جريت هاجر على على تكتم بوقه والدموع ماليه وشها

هاجر:ارجوك متنطقهاش ارجوكـــ يا على

على:انتى طالق يا هاجر ,طالق

نزل على وساب هاجر وسط دموعها وعذابها اللمنتهى وسط صراخها الهستيرى

جرى على بيته ,شاف منى نايمه على السرير وزاد عليهــــــــــــا التعب

على:منى حبيبتى انا جيت

منى:انا بحبك اوى يا على ,اوعدنى تاخد بالكـــ من يوسف

على:انتى انتى اللى هتاخدى بالك منه اوعى تسبينى ارجوكى ,سامحينى يا منى

منى:انا مسمحاك انا عارفه كل حاجه يا على

على:انا انا

منى:مفيش وقت للكلام انا حبيت وانا شوفت يومين مكنتش اتمنى اكتر منهم من حبك واهتمامك بيا ,خلى بالك من يوسف

غادرت روح منى للحنان اللى مستنيها من رب كريم ,وسط صراخ على اللى غطى على صراخ والده منى وصوت عياط يوسف

على:منى لا ارجوكى لالالالا ارجوكى يا منى ,انا بحبكــــــــ متسبنيش ,متسبنيش ,انتى صاحيه صح ,انتى معايا ,انطقى قولى انك معايا ,يا منى انا غلطان غلطان ,انا اللى ضيعتها

تابع جميع حلقات قصة لا زلت ف الثلاثين 

تابعونا علي صفحة قصص واقعية علي الفيس بوك لمزيد من القصص

مقالات ذات صلة

‫5 تعليقات

  1. القصة دي من اجمل القصص إلي انا استمتعت بقرائتها بس انا منتظرة تكملة ليها علشان هي جميلة ومينفعشي تنتهي علي كدة

اترك تعليقاً

لن يتم نشر عنوان بريدك الإلكتروني.

إغلاق