قصص مضحكة

قصة باسم وعروسته الحولة قصة كوميدية من رواية عدلات وحرامي اللحاف بقلم منى حارس

قصة باسم وعروسته الحولة

اقدم لكم اليوم في موقع قصص واقعية قصة كوميدية ساخرة من رواية عدلات وحرامي اللحاف للكاتبة منى حارس ، بعنوان باسم وعروسته الحولة ، الرواية صادرة عن دار لمحة للنشر والتوزيع الرواية ساخرة تناقش بعض القضايا الاجتماعية باللغة العامية المصرية .

قصة العريس وعروسته الحولة

 

قصة عدلات وحرامي اللحاف
قصة عدلات وحرامي اللحاف

كانت نبوية تجلس  بثيابها السوداء والطرحة السوداء على رئسها في مجلس عرب ، كله  من الرجال يرتددون الجلابيب والطواقي الصوف على رؤوسهم ، فقال احد الرجال :

  • يعني ايه الكلام دا يا ست العمدة ، يعني ابني يتجوز غصب عنه ، او يتخرب بيتي الواد مش رايدها يا ناس في شرع مين دا يا خلق يا هو  ، فردت نبوية بصوت عالي:
  • ولسه فاكر انه مش رايدها يا عويس الواد خاطب البت بقاله خمس سنين

وموقف حالها وداخل خارج عليها  ، وجي يقول مش رايدها لما دخل الجامعة  ، وبت تانية لفت دماغة، رد الرجل بحزن :

  • اعمل اية بس يا ست العمدة انا اللي كنت غاصب عليه  ، علشان بنت خاله ، ودلوقتي الواد رافض الجوازة  وهرب على مصر ، وهنا أشارت نبويه الى بعض الرجال ، الذين يرتدون جلابيب واسعة سوداء ويلفون رؤسهم وووجوهم ، بشيلان سوداء لايظهر منهم الا عيونهم  قائله :
  • ها يا نينجا الكفر لحقتوه يا رجاله ولا فر منكم  ، فردوا وهم يحملون شوال كبير بين أيديهم :
  • ايوة يا ست العمدة خطفناه من القطر قبل ميطلع دا  ، احنا نينجا كفر المفتري ، وهنا نظر عويس بخوف إلى الشوال وهو يتحرك :مين اللي في الشوال يا ست العمدة  ، اوعي يكون ولدي باسم.

 

فرد احد الرجال في المجلس :مهو انت اللى بوزته يا عويس مسميه باسم  ، مهو لازم يطلع فاسد..قال باسم قال كنت ساميه الحزين على اسم ولدي ، فقالت نبويه :طلعوه يا نينجا الكفر ، فقاموا بفك الشوال واخرجوا رئسه .

وخرج رأس شاب لا يتجاوز العشرين عاما فصرخ وهو منهار :سامحيني يا ست العمدة ..وارحميني وسبيني اعيش ، ردت العمدة بتحذير:

  • هتتجوز بنت خالك ” الحولة ” الليلة الفرح موافق ولا نحدفك في الترعة ، وابوك هيتنازل عن كل أرضه لخالك بردوا وملكش ديه.
  • حرام عليكم يا ناس يا مفترية انا اتجوز واحدة اسمها ” الحولة”.
  • هنعمل ايه يا ولدي المكتوب الداية الله يجازيها طرفت عينيها وهي بتتولد ، فأمها سميتها الحولة علشان متتطلعش حوله يا ولدي ،  وبعدين ابقى غير لها اسمها وبلاش كلام كتير ، ملوش عوزة

فصرخ عويس :

  • ولدي باسم ، وافق يا بني بدل مخسر كل ارضي واطياني .
  • يا بابا انت مش همك إني أموت ويحدفوني في الترعة ، وكل همك انك هتخسر كل ارضك ، فرد عويس : الارض اغلى من الولد يا ولدي ، لو مت هتجوز على امك وهخلف غيرك لو ارضي ضاعت مين هيديهالي ويعوضها .

فقالت نبويه :خلصوا عليه يا نينجا ، وهنا ردوا بصوت واحد :تمام يا ست العمدة ، نينجا الكفر نينجا استعد …

وهنا صرخ باسم : لا لا حرام عليكم موافق هتجوزها ..الحوله الحوله ومنكم لله يا ظالمة..

فردت نبويه :الفرح الليله ، مبروك يا ابوا الحولة جهزوا للفرح يا ولاد وزغرطي ، يا حرمة انتى وهيه ..وهنا امتلاءت الزغاريط بالكفر ، وهنا قال احد الرجال :

  • ربنا يخليكي لينا يا ست العمدة ردتي لبنتي الحوله شرفها وكرامتها قصاد ، الكفر كله هنروح نجهز للفرح  وهنا قالت نبويه :
  • وانت يا مطاوع ملقتش إلا اسم الحوله وتسميه لبنتك ، الله يسامحك يا شيخ طلعت للبت سمعه وهي عورة مش حوله يا راجل  .
  • هعمل ايه يا ست العمدة كله من امها ، والداية ام إسماعيل ، اللي ضيعت عين البت الله يسامحهم.
  • يلا هنروح نجهز للفرح الليلة .

وهنا قالت نبوية :

  • يا نينجا الكفر خدوا العريس جهزوا للفرح الليله ..واياك يهرب منكم ، وانت يا عويس روح جهز الدبايح والوكل الكفر كله معزوم الليلة ، وهنا اخذ الرجال باسم وهو يصرخ …
  • هو الجواز بالعافية يا ناس انا هتجوز واحدة عورة كمان مش حوله يا حظك الأسود يا باسم .
الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق