قصة لم يكن الاخير

الحلقة 25 من قصة: لم يكن الأخير

الحلقة 25 من قصة: لم يكن الأخير

الحلقة 25 من قصة لم يكن الأخير
الحلقة 25 من قصة لم يكن الأخير

تانى يوم ساره سافرت على نيو يورك واول حاجه عملتها بعد ماوصلت الداده وكريم البيت انها راحت لمصطفى…ساره قابلت مصطفى قدام الشركه كان نازل من العربيه
مصطفى:مدام ساره اهلا بيكى
ساره(بنرفزه):انت ازاى تعمل كده
مصطفى:اعمل ايه
ساره:يعنى علشان انا قولتها تنسي ومصدقتش كلامك الغريب عن الحب تقوم تعرض على سامر شغل عندك بمرتب اعلى …انت بتعند فيا يعنى
مصطفى:انا مقصدتش اى حاجه من اللى انتى فهمتيها دى …انا بس حبيت اساعد اتنين بيحبو بعض
ساره:ياسلام صدقتك انا كده يعنى …ومين بقى اللى عينك قاضى الغرام …طول الوقت تتكلم عن الحب …. بدل ماتشغل نفسك بمشاكل الناس روح حل مشكلتك الاول
مصطفى:مشكلتى
ساره:اه قاعدت تكلمنى عن حبيبتك وقد ايه هى مميزه عندك لكن فين هيا مش شافيها يعنى …اه يمكن علشان هى مش موجود مثلا ….لا لا انت اذكى من كده اكيد هى مش معبراك وانت يا عينى قاعد تحبها من طرف واحد علشان كده شايفها حب جميل علشان كله خيال …يا إما حبيتك دى كانت مجنون وده اللى خلاها حبتك
مصطفى(بنرفزه): اذا كانت ليلى مش معايا دلوقتى فده علشان هى ماتت و انا مسمحلكيش تجيبى سيرت ليلى بالطريقه دى بدا
ساره اتصدمت
مصطفى:انا مش عارف ايه الطريقه العدائيه اللى انتى بتعامليني بيها دى من يوم ماتقابلنا….لحد هنا وانتهى الكلام
ساره:لا مش على مزاجك تنهى الكلام …انت فاكر نفسك مين …انا كده بس عرفت مراتك ماتت ليه انت السبب اكيد ..شايف نفسك قوى وانت ولا حاجه
لازم تعرف كويس انى مش هسمحلك تاخد موظف من عندى ..كده انتهى الكلام (وتمشى)
مصطفى روح على البيت ومطلعش الشركه ولما محمد اتصل بيه قاله انه هياخد النهارده اجازه وانه مش هيكمل تنظيم يوم الايتام معاهم علشان هو مش عاوز يضايق ساره
مصطفى وقف فى البيت بيبص على البحر وبيفكر فى ليلى وافتكر الكلام اللى قالت ساره وكان مضايق جدا
مصطفى راح مع سامر يخطو قمر وبابها وافق بعد مامصطفى اقنعه وراحو اشترو الدبل
بعدها بيوم عائله مصطفى كلها قاعده مع حسين
حسين:مصطفى انا يشرفنى اطلب ايد اختك ندى
مصطفى:ايه رايك ياندى
ندى قامت قعدت جنب حسين
مصطفى:لا واضح انك واقعه واقعه….طب حيث كده بقى انا مقدرش اقول غير انه انا يشرفنى انك تكون جوز اختى انا عارف انك هتحبها وهتخاف عليها وهتتحترمها واحنا مش عاوزين اكثر من كده
حسين:طب انا مستعد نعمل خطوبه يوم الخميس الجاى
مصطفى:بسرعه كده
ندى:انا معنديش مشكله
مصطفى:احنا لو سيبنا الموضوع ليكى عندك استعداد تتجوزى بكره …انا مش عارف عجبك فيها ايه الاهبل دى…انت رايك ايه ياماما
صفاء :مفيش مشكله هى كده كده هتبقى خطوبه عائليه
مصطفى:خلاص احنا موافقين
ندى قامت باست مصطفى ربنا يخليك ليا يا اخويا ياحبيبى
مصطفى:شوفتى البكاشه
صفاء:هههه ربنا يخليكم لبعض
قمر اتصلت بساره علشان تقولها انها اتخطبت
ساره:الو …ازيك ياقمر
قمر:تمام…عندى ليكى خبر حلو
ساره:خير
قمر:انا وسامر اتخطبنا
ساره:مبرووك بس ازاى كده
قمر: البركه فى استاذ مصطفى هو اللى شاف لسامر شغل بمركز اجتماعى احسن وبفلوس اكثر علشان بابا يقتنع بيه وكمان جه مع سامر وهو بيتقدم لى علشان انتى عارفه سامر ملوش اهل
ساره(بصوت واطى):يعنى هو عمل كده علشان يساعدكم فعلا
قمر:ايه
ساره:لا مافيش حاجه انا مبسوطة لكى قوى
قمر:انا متشكره جدا …ايه ده سامر على الويتنج معلش هفقل علشان راد عليه
ساره:اوك سلام

ساره وهنا ومصطفى وسما ومحمد كانو متفقين يتقابلو فى اليوم ده علشان يكملو تنظيم علشان مش فاضل قدامهم غير الثلاثاء بس لان الحفله كانت الاربع
كلهم معاده مصطفى متجمعين
محمد:طب كلنا هنا نبداء بقى
هنا:لا مصطفى لسه ماجاش
محمد:لا مصطفى مش هيجى معانا تانى
هنا:ليه
محمد:تقدرى تسالى ساره
هنا:ايه اللى حصل يا ساره
ساره:ليه مش هيجى
محمد:بلاش نتكلم على الملاء كده
ساره:لا عادى هنا وسما اخواتى اصلا
محمد:مصطفى قالى اقولك انه مش هجى تانى لانه هيحس نفسه مش مرتاح فى التعامل معاكى وكمان علشان واضح انه عاملك مشكله وانك مش طايقه تتعاملى معاه
ساره:لا مش كده انا عندى بعض الاختلافات معاه بس
محمد:واختلاف ده يخليكى تروحى تتخانقى معاه و تجيبى سيرت ليلى
هنا:انت عملتى كده بجد ياساره
ساره:يعنى هو زعلان علشان كده..غربيه
محمد:لو عرفتى قصه ليلى ومصطفى ماكنتيش هتستغربى
ساره :يعنى انتو بتلمونى دلوقتى علشان هو زعلان
هنا:بصرحه انتى اللى غلطانه
ساره:انا اللى بقيت غلطه دلوتى طيب عن اذنكم
هنا:لا استنى (وتطلع ورها)
هنا:ساره انتى رايحه فين مابقاش معانا وقت
ساره:انتى تعرفى ليلى دى
هنا:اللى اعرفه انها كانت مرات مصطفى وماتت بس مع كده هو لسه بيحبها

ساره (لنفسها ماتت امال كان بينادينى ليلى ليه): هنا انا همشى دلوقتى
هنا:على فين
ساره:انا السبب فى انه مش هيجى انا هصلح اللى عملته
هنا:هتروحي له يعنى
ساره:قولتلك هتصرف انتو اشتغلو وانا هجيبو و اجى
هنا:تمام
ساره اتصل بمصطفى اكثر من مره مش بيرد عليها وبعدين موبيلها رن وكان سامر
ساره:الو
سامر:ايو ..ازى حضرتك يامدام ساره
ساره:تمام
سامر:انا بصرحه اتصلت بيكى علشان اعتذرلك انى سبت الشغل انا من بكره هرجع الشغل تانى
ساره:بس دى كانت فرصه احسن ليكى
سامر :لا مهو انا هشتغل فى مكتب الاستاذ مصطفى بعد الظهر انا بس عاوزك تنقلينى فرع المصنع اللى فى نيويورك
ساره:انت عارف انى بعتمد عليك جامد فى المصنع هناك
سامر:وهتقدرى تعتمدى عليه هنا كمان…انا بكرر اسفى ..انا لما الاستاذ مصطفى كلمنى حسيت قد ايه انا غلطان
ساره:اتصل بيك ؟
سامر:لا انا روحتله ع اليخت وقالى انى ماينفعش اغدر بالشركه اللى وقفت جنبى كثير وقالى انى ممكن اشتغل بعد الظهر عنده وبكده حضرتك ماتزعليش
ساره:سامر انت ماتعرفش استاذ مصطفى فين دلوقتى
سامر:انا لسه سايبه فى اليخت
ساره:فين اليخت ده
سامر: عند اليخوت اللى على الساحل ياخت رقم 18
ساره:طيب سلام
سامر:سلام
ساره كانت متردده تروح لمصطفى كانت خايفه تروح عند البحر وبعدين قررت انها لازم تروح وتعتذر لمصطفى علشان فهمته غلط
ساره وهى ماشيه على الممشى بتشوف ارقام اليخوت …عينها جت علي ياخت من بعيد وفى حاجه قالت لها انه هو ده حتى من غير ماتقرى الرقم ولما قربت لقت عليه رقم 18
ساره دخلت:استاذ مصطفى انت هنا
مصطفى:ايو هنا(طلع يشوف مين واول ماشاف ساره وقف متسمر فى مكانه)انت ايه اللى جابك هنا
ساره:طب مش تقولى اتفضلى الاول
مصطفى:اتفضلى
ساره:قبل مااتفضل انا جيت علشان اقولك انى اسفه جدا على اللى قولت انا فهمت موضوع سامر غلط وعلشان كده اتنرفزت
مصطفى:انت بتتصرفى معايا بشكل عدائى من اول يوم شفتينى وانا مش المطلوب منى استحمل اهانه اكثر من كده
ساره:انا بجد اسفه انا كنت فاهمك غلط
مصطفى:وايه اللى فهمك الصح
ساره(لنفسها انت بتكدبى انتي بتعامليه وحش علشان يبعد عنك لانك خايفه من قربه خايف تتعلقى بيه)
مصطفى:انت سرحتى فين
ساره:طب قولى اعمل ايه علشان تسامحنى ..انا اسفه ليك واسفه انى جبت سيرة ليلى بطريقه مش حلوه
مصطفى:خلاص انا مش زعلان
ساره:بجد ..طب اثبت لى
مصطفى:ازاى
ساره:انا عاوزك تحكى لى كل حاجه عن ليلى
مصطفى:بس بشرط انا هحكى عن ليلى واحنا فى وسط البحر
ساره:ايه لالالا انا بخاف من البحر
مصطفى:ده شرطى
ساره:طب خلاص موافقه
مصطفى يطلع باليخت على نص البحر
ساره:يلا بقى احكي لى عن ليلى……………استنوناالحلقه الجايه

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق