التخطي إلى المحتوى

الحلقة 24 من قصة: لم يكن الأخير

الحلقة 24 من قصة لم يكن الأخير
الحلقة 24 من قصة لم يكن الأخير

ضيوف شرف الحلقة 24
قمر:
فتاه طيبه وعلى الفطره …جئت اللى امريكا مع اهلها …وهى تعمل مع ساره فى ملجاء الايتام ….تحب سامر جدا
….اهلها يعملون خدم فى منزل نور وساره…نور طلبهم مخصوص من تركيا
سامر:
شاب ظروفه صعبه ووحيد يعمل مع ساره فى مصنع الملابس ….تعرف على قمر فى بالصدفه واحبها جدا ولكنه ليس عنده القوى ليحارب من اجل حبها

تاني يوم
مصطفى راح الملجاء
مصطفى:لو سمحتى هى الاستاذ هنا وصلت
موظفة الاستقبال:لا هى ماجتش لسه اللى موجوده مدام ساره بس
مصطفى:خلاص تمام انا هروح لها
مصطفى طلع لساره وخبط على الباب
ساره:اتفضل
مصطفى:اتمنى ماكونش بزعجك
ساره:لا ابدا
مصطفى:انا اصلى بت هنا امبارح وجت فى دماغى كام فكره قولت اجى اقابل هنا واقولهم لها
ساره:لا هى هنا لسه ماجتش
مصطفى:مش شرط هنا انا قصدى علشان هى المسئوله بس
ساره:خلاص اتفضل عندى فضول اعرف افكارك…بس تشرب ايه الاول
مصطفى:لو ممكن نسكافيه
ساره:تمام…قمر ابعت لى اثنين نسكافيه
مصطفى:انا فكرت الاطفال دول ديما بيخدو تبرعات وممكن يكون حاسين انها الطرف الاقل ديما
ساره:تمام
مصطفى:انا بقول بقى ايه رايك لو نقلب الميزان يعنى نخليهم هم الطرف الاعلى
ساره:ازاى
مصطفى:احنا نقولهم انهم يتبرعو من مصروفهم ومن التبرعات اللى بتجيلهم وانا كمان عندى استعداد لدعم ..وكل الفلوس دى نجيب بيها بطانيات واكل للفقراء ونروح احنا وهم نوزعهم …هم ساعتها هيحسو انهم مش بس بيخدو دول كمان بيدو …ايه رايك
ساره (عجبها كلمو قوى):فكره رائعه..يلا نبداء فى التنفيذ فورا
مصطفى:انا مبسوط انك اتحمستى للفكره
قمر دخلت بالنسكافيه
ساره:شكرا ياقمر
قمر:العفو
ساره:انت مال وشك
قمر:مافيش حاجه
ساره:لا شكلك هاريه نفسك عياط
قمر(تعيط):معلش انا مضايقه شويه
ساره:فى ايه قلقتينى
قمر:سامر
ساره:ماله سامر المره دى
قمر:قولته انى فى واحد قريبى عاوز يتجوزنى واهلى موافقين عليه وانه لازم يجى يتكلم معاهم
ساره:طيب وايه اللى حصل
قمر:من يوما وهو بيهرب منى…انا مش عارفه اعمل ايه انا بحبه قوى ومش هقدر اعيش من غيره
ساره:انت هبله يابت …حب ايه ده اللى هيوديكى فى دهيه …بصى شكلك بقى عامل ازى من العياط….انا كم مره قولت الحب ده بيجى بالمعامله الكويسه ..انا من رايى انك تسمعى كلام اهلك الولد سامر ده مش بتاع جواز اصلا ….شوفتى اهو باعك عند اول اختبار
قمر(تعيط):انا عارفه انه عمل كده غصب عنه هو مش بإيده حاجه
ساره:انت لسه بتدافعى عنه ….دانت حبه تعذبنى نفسك بقى..تلاقيه دلوقتى مبسوط مع واحده تانيه وانت اللى بتتعذبى هنا
قمر طلعت وسابت الاوضه وهى بتعيط
كل الوقت ده مصطفى بيشرب النسكافيه وبيراقب ساره وهى بتتكلم
مصطفى:واضح انك عندك مشكله انك تصدقى اى قصه حب
ساره:مش فاهمه
مصطفى(بصوت عالى شويه):يعنى البنت ماقالتش حاجه غلط علشان تضيقيها كده
ساره:انا بس مش عاوزها تعيش فى الوهم
مصطفى:الوهم ده انتى اللى عايشه فيه (يطلع من الاوضه)
ساره:انت رايح فين
مصطفى طلع ورى قمر
مصطفى:يانسه لو سمحتى….ياأنسه …ياااا ققققمر ..قمر
قمر:ايوه
مصطفى:انا مصطفى ….صاحب شركة *****
قمر(بتتشهنف):اهلا وسهلا
مصطفى:انا سمعتك وانتى بتحكى لمدام ساره عن حكايتك
قمر:ايوه …انا اخدت بالى انك كنت موجود
مصطفى:انا عاوز اساعدك
قمر:متشكره بس صعب
مصطفى:انت ماتعرفنيش كويس ..انا ماعنديش حاجه صعبه
قمر:يعنى انت ممكن تعمل ايه يعنى سامر اتخلى عنى خلاص
مصطفى:مايهمكيش انتى بس ادينى رقمه وقولى لى شغال فين ومين اهله
قمر:رقمه اهو ********* وهو شغال مع مدام ساره فى مصنع الملابس بتاعها واللى اعرفه ان اهله كلهم ماتو وهو عايش هنا لوحده…هو تركي
مصطفى:تمام ماتقلقليش ان شاء الله خير…بس فى سؤال اخير انت متاكده انه بيحبك بجد
قمر:اه متاكده هو اتخلى عنى علشان مش قادر يظبط ظروفه
مصطفى:طلما المشكله ظروف يبقى سهله ماتقلقيش ده كارت فيه رقمى لو احتاجتى حاجه…سلام
قمر:طب ممكن سؤال
مصطفى:اتفضلى
قمر:انت ليه بتعمل معايا كده وانت ماتعرفنيش
مصطفى:حكايتك فكرتى بواحده كنت اعرفها زمان
قمر:وبرضو ساعدتها
مصطفى:للاسف لا
قمر:طب اي اللى حصل لها
مصطفى:ماتحطيش فى بالك ….سلام
قمر:مع السلامه
مصطفى طلع من الملجاء وكلم سامر فى الموبيل
مصطفى:الو …انت سامر
سامر :ايو ..مين معايا
مصطفى:انت تعرف بنت اسمها قمر
سامر:ايو …مالها
مصطفى: انا لقيت رقمك الرقم الوحيد فى قائمه مكالمات الطوارئ على موبايلها….. اصلها اغمى عليها عند شط البحر
سامر:ايه …فين بالضبط
مصطفى:عند اليخوت اللى على الساحل ياخت رقم 18
سامر:اوك …انا جاى حالا
مصطفى طلع بالعربيه على اليخت وقعد مستنى سامر هناك
سامر:قمر …قمر انتى فين(يبص عليها مش لاقيها)انا اسف الظاهر دخلت غلط
مصطفى:لا ياسامر هو ده المكان الصح
سامر:ازاى يعنى …طب قمر فين
مصطفى:اقعد قمر محصلهاش اى حاجه هى كويسه
سامر:طب هى فين
مصطفى:هى زمانها دلوقتى فى شغالها فى الملجاء…انا كدبت عليك معلش كان لازم اعمل كده علشان اعرف قد ايه بتحبها
سامر:ايه …انت مين اصلا
مصطفى:انا مصطفى احمد خازنادار صاحب شركات ********
سامر:وايه علاقتك بقمر
مصطفى:ماتخافش مفيش حاجه واحشه …ايه نتكلم شويه
سامر:نتكلم فى ايه
مصطفى:هتعرف لما نتكلم
مصطفى حكى مع سامر وسامر ارتاحه وقاله انه مش مضطر يسيب قمر لان اهلها مش ممكن هيرضو بيه علشان هو من غير اهله وكمان ظروفه الماديه وحشه
مصطفى حكى لسامر عن ليلى
سامر:ياه انت كنت بتحبها قوى
مصطفى:انت عارف انا مستعد ادفع عمرى كله قصاد ساعه واحده اكون معاها فيها
سامر:عمرك؟
مصطفى:كل الشركات والشغل وكل حاجه حاوليه مقدروش ينسونى احساسى بيها …علشان كده بقولك ماتضيعش قمر منك طلما انت بتحبها
سامر:بس انا قولتك على ظروفى
مصطفى:الوضع المادى تعالى اشتغل عندى فى الشركه فى الاول على قد شهادتك واوعدك لو درست فى الجامعه وحسنت نفسك هنقلك لوظيفه اكبر
سامر:انا مش عارفه اقولك ايه انا متشكر جدا
مصطفى:طب هاتروح تخطب قمر امتى
سامر:اهلها مش هيوافقو عليه وانا رايح بطولى كده اهلها اصلهم متمسكين بالعادات القديمه
مصطفى:طب ولو رحت انا معاك اخطبها لك بصفتى زى اخوك الكبير
سامر:انت ممكن تعمل كده
مصطفى:ليه لا اتصل انت بقمر دلوقتى وقولها اننا جاين بكره
سامر(مبسوط ومتلخبط):بكره…اوك انا هكلمها دلوقتى…ولا اقولك انا هروحلها بنفسى علشان انا زعلتها…سلام(ويمشى بسرعه)
مصطفى:سلام …..(يضحك….بعدين يطلع يبص على البحر ويكلم البحر) قد ايه الواحد بيقى مبسوط لما القدر يجمعه مع اللى بيحبه….انا كمان يوم ماجيت اطلبك من اهلك كنت مبسوط ومتلخبط كده
فى بيت ساره نور اتصل بيها
نور:فينك من امبارح قلقت عليكى قوى
ساره:معلش كنت مع هنا بنشوف المزرعه اللى قولتلك هناخد الاطفال عليها والمطر نزل والشبكه كانت وحشه على طريق
نور:طب كويس انك بخير
ساره:انا كويسه بس كريم تعب امبارح شويه بس لما جيت كانت الداده اديته دواء نزل حرارته
نور:طب كويس
ساره:وانت عامل ايه فى شغلك
نور:والله مشغول على الاخر
ساره:ربنا معاك
نور:ساره بقولك ايه انا ممكن مقدرش اتصل بيكى اليومين دول علشان الشغل لفوق راسى
ساره:يعنى مكالمه 3 دقايق مش هتفرق معاك
نور:هحاول بس انا بقولك علشان لو ماقدرتش ماتقلقيش
ساره:انت اول مره تغيب كده
نور:معلش اوعدك اول مارجع هعوضك عن غيابى كله وهتحسى كانى ماغبتش ولا يوم
ساره:انا هروح بكره انا وكريم وهاخد معايا الداده نقعد فى نيويورك علشان عندى شغل هنا…هقعد عند بيت اهل هنا وهنا هتكون معايا
نور:انتى عارفه طالما هنا معاكى انا ببقى مطمن …تصبحى على خير
ساره :وانت من اهل الخير
مصطفى روح على البيت ولقى ندى مستنيه على الباب واول ماشافته حضنته
ندى:مصطفى وحشتنى جدا
مصطفى:يابكاشه لو كنت وحشتك كنت غيبتى كل ده
ندى:اعمل ايه ماما هى اللى قاعدتنا هنا كل ده
مصطفى:انت هتشتغلينى ماما برضو
صفاء:مصطفى حبيبى وحشتنى(تبوسه وتحضنه)
مصطفى:اخبار رحلكم ايه
صفاء: …تعالى انا عاوزاك فى حاجه
مصطفى:اوك تعالى ندخل اوضتى
ندى(تشد مصطفى من ايده وتهمس له ) عاوزه تكلمك على موضوع خطوبتى انا حسين
مصطفى:هش سيبى الكبار يتكلمو
صفاء :مصطفى حسين كلمنى علشان عاوز يخطب ندى
مصطفى:طب مهو اتكلم قبل كده واجلناها لبعد ماندى تخلص دراسه
صفاء:يعنى هو كده كده بيتصرفو زى المخطوبين فرقت ايه يعنى
مصطفى:يعنى انتى شايفه كده
صفاء:انا اتكلمت مع حسين وهو هيجى يتقدملك رسمى وبعدين نحدد معاد الخطوبه ويجى هو اهله
مصطفى:خلاص وانا موافق
صفاء:طب هو عموما هيجى بعد بكره
سامر راح لساره وقاله انه هيسيب الشغل لانه هيشتغل فى شركه مصطفى…ساره اتنرفزت جدا من مصطفى…وبعدين راح لقمر واعتذر لها وقالها على اللى حصل وانا هيجى بكره يخطبها وانا هيسيب الشغل عند ساره

التعليقات

اترك تعليقاً

لن يتم نشر عنوان بريدك الإلكتروني.