قصص جن

أنا والجن قصة رعب مخيفة باللهجة المصرية بقلم منى حارس

أنا والجن

إن المواقف الغريبة والمرعبة التي يحكيها لنا الأصدقاء كثيرة ومتعددة ، واليوم تحكي لنا صديقتنا قصتها الحقيقية وتريد مساعدة ، فهي لا تعرف ما الذي يحدث لها ولماذا تطاردها تلك الأشياء الغريبة والعفاريت في حياتها ، وماذا يريدون منها وللرعب وجوه كثيرة في قصة باللغة المصرية في موقع قصص واقعية وقصة بعنوان أنا والجن قصة رعب مخيفة من مصر بقلم منى حارس .

أنا والجن

أنا والجن
أنا والجن

اليوم هكي ليكم قصتي الغريبة واللي حصل معايا ، الأول أنا أسمي” د ” عندى 18سنه ، بشوف بسم الله الرحمن الرحيم عفاريت وحجات غريبة ، جن في كل مكان من وأنا صغيرة معرفش ليه بشوفهم ، بس لغاية دلوقتي أنا بشوفهم ، وبحس بيهم لما بكون نايمه مش بقدر أحرك جسمي ، مش بقدر أطلع صوت واقرأ حتي القرآن الكريم ، أو أذكر ربنا وستعيذ من الشيطان الرجيم ، مش بعرف اعمل حاجة خالص ببقى زى المشلولة لما بصى من النوم ، بلاقي اثار في ايدي زي ميكون حد ضربني ، أو حارق ايدي بالنار .

المنزل المسكون في المعسكر قصة رعب حقيقية من مصر بقلم منى حارس

عندنا بيت قديم في الفيوم ، وبيت تاني في الجيزه ، بس أحنا قاعدين علطول في بيت الجيزه ، لما كنا بننزل بيت الفيوم ، حجات غريبة بتحصل معايا ، وملهاش تفسير حجات كتير مرعبه بتحصل ، زى مثلا أوقات أكون نايمه في الأوضه بتاعتي ، واحس ببرد جامد اووى ولما افتح عيني بتوتر وقلق ، كنت أشوف حد قاعد جني على السرير ، ودايما حد يكلمني ويطلب مني حاجه ، مبكنش فاهمه حاجة ، مش عارفه لية دا بيحصل دايما معايا في بيتنا إللى في الفيوم.

غير إني طول الوقت لما أكون في الفيوم ، كنت اشوف ناس كتير بتمشي مع بعض في الصاله وماسكين ايد بعض ، ودايما اشوف في البيت واحد طويل ، ولونه أسود ، وراسه لونها أمر وعينه مرعبه أووى ، كنت ببقى هموت من الرعب والخوف بس لما اغمض عيني جامد ، اقرأ قرأن كريم بصوت عالي ، وبعدها أسمع قرآن كريم ، كنت وقتها بيحصلي حاجة غريبة أووى ، كنت بشوف نفسي في مكان ظلمه أووى .

عبدة الشيطان قصص رعب حقيقية مخيفة حدثت بالفعل بقلم منى حارس

ببقى شايفه النور من بعيد ، بس أنا في مكان ضلمه اووى ، بس مش عارفه أطلع منه ، وببقى شايفه الرجل الأسود بيضربني جامد ، لما افتح عيني بألم ، كل ضربه من ضرباته ببقى حاسه بيها على جسمي ، بفتح عيني بعدها ، واشوف أثار الضرب في إيدي وزي حروق ولسعات بالنار ، مكنتش فاهمه هوانا بيحصلي ايه بالظبط ، ولما ادخل أنام الليل من الخوف .

كنت بحلم بناس ميتين كتير ، كلهم ميتين ومببقاش فاهمه ، أنا بعمل إيه هنا ، وإيه إللى جابني هنا وليه ، روحت عند شيخ كبير وحكتله اللي بيحصلي ، قال لماما وبابا قال إن في جن ساكن جسمي ، بس أنا مش بصدق في الحاجات دي اصلا ، لاني الحمد لله كنت بصلي واصوم ، بس اللي كان بيحصلي غريب أووى ، لأني كنت وأنا بصلي زى ميكون في حد بيضربني جامد ، حد بيمسكني من رجالي ويشدها .

كنت بشوف واحد شكلة غريب وقصير بيقف جنبي و بيضحكي وانا في الصلاة وكنت اعيط جامد ، و مكملش صلاة ، وفي يوم كنت نايمه ، وأنا نايمه مرة واحدة وفجأه حد مسكني جامد من رجالي ومش عايز يسبني ، وأنا مش عارفه ومش قادرة احرك نفسي ، اعدت اقرأ قرآن كريم وانا بعيط لغاية مرجلي فكت ، ولما بصيت على رجلي لقيت اثار ايد زي صوابع محروقة ، وكأن حد كان مسكني ن رجلي ، وقتها صوت جامد ، وصحيت اختي سالتها إنت ليه مسكتي رجلي كدة واعدت اعيط ، اختي قالتلي انها كانت نايمه همسكك ازاي يعني تلاقيكي كنت بتحلمي وزعقتلي ، قولت لماما ويومها اخدتني عند شيخ تاني ، قال نفس الكلام انى ملبوسة من جني بسب سحر تحت الارض حد عامله ليا ، واعد يقرالي قرآن كتير بس مخفتش نفس الحجات الغريبة بتحصل ، ولغاية دلوقتي لسه مش عارفة اتخلص من السحر والجن والحمد الله أنا بصلي ، بس مش بقدر أقرا قرآن عشان لما بقرأ قرآن عيني بتقلب حمرا ، الحمد الله على كل شيء بالله عليكم ادعولي ربنا يشفيني ودي كل قصتي مع الجن اللي مش عاوز يسبني .

لو عندك قصة رعب او موقف غريب حصل معاك او مع حد من معارفك احكيهلنا واكتبه في التعليقات مع ذكر اسم بلدك لنتعرف على اكثر ما يخيف الناس في الوطن العربي ، والعالم أو إرسله على صفحة للرعب وجوه كثيرة بقلم د منى حارس ، اعرفكم بنفسي أنا كاتبة مهتمية بالأمور الخارقة والغريبة التي ليس لها تفسير علمي ولا منطقي ، وليا اكتر من كتاب منشور ورقي في ادب الرعب وما وراء الطبيعة ، وأهم اعمالي في أدب الرعب المتواجدة بالمكتبات والمعارض الدولية ” رواية لعنة الضريح – رواية قرين الظلام – رواية – نحن نعرف ما يخيفك – رواية قسم سليمان – رواية المبروكة – رواية مقبرة جلعاد – رواية ابنة سراحديل – رواية رسائل من الجحيم – رواية ساديم – رواية متجر العجائز – رواية قلادة الجحيم – مجموعة قصصية جحيم الأشباح – لعنة الأرواح – سجلات عزازيل ” وشكرا لحضراتكم جزيلا .

مع تحياتي
د منى حارس

الوسوم

مني حارس

طبيبة بيطرية وكاتبة روايات رعب وما وراء الطبيعة من الأعمال المنشورة ورقيا رواية "لعنة الضريح- قرين الظلام- متجر العجائز- قسم سليمان- لعنة الارواح- جحيم الأشباح - نحن نعرف ما يخيفك " flash fiction " - ساديم - رسائل من الجحيم - المبروكة - وفي الأدب الساخر رواية عدلات وحرامي اللحاف

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق