قصة رجولة استاذ

قصة رجولة استاذ … الحلقة التاسعة والعشــــرين

قصة رجولة استاذ … الحلقة التاسعة والعشــــرين

قصة رجولة استاذ ... الحلقة التاسعة والعشــــرين
قصة رجولة استاذ … الحلقة التاسعة والعشــــرين

تابعقصة رجولة استاذ … الحلقة الثامنة والعشــــرين

فريده وحسن قاعدين بيفطروا

حسن:فريده هو انا ممكن اسأل سؤال ومش تطفل منى ؟

فريده:اتفضل

حسن:هو انتى بتحبى طارق

بان ع وش فريده انها اضايقتـ من حسن بس ردت عليه

فريده:بص يا حسن انا مش كل شويه هشرحلك حياتى وازماتى دى حاجه بتضايق اى حد وقد ايه انا ممكن اضعف قدام كلمه حلوه فى عز تعب وطبطبه من حد فى عز وجع ,, انا عمرى ما قولت لحد بحبكـ ,,بس انا حاسه انى شيلاها لحد

حسن:انا اسفـ يا فريده ,انا مقصدتش اضايقك انا بس بغير عليكى

فريده:انت كده بعيد عن الغيره ,, الغيره مش انك تجرحنى ,,او انك تسألنى عن حاجه المفروض متأكد منها ..

حسن:خلاص حقك عليا ,انا ممكن نفطر بقى

فريده:انا خلاص شبعتـ هطلع اوضتى شويه

حسن:فريده متحسسنيش انى ضايقتك دى اكتر حاجه بضايق منها

فريده:لالا حصل خير ,,,انا بس تعبانه شويه

حسن:طيب انا بالليل فاضى ,,هخدك واعلمك السواقه ,,العربيه مش هتفضل مركونه كتير كده

فريده:ممممممم ماشى انا موافقه ,,معلش هتعبك معايا

حسن:ياريتـ كل التعبـ بالشكل ده

______________________________________
طلعتــ فريده اوضتها وهى مضايقه من سؤال حسن ليها ,,, موبايلها رن باسم طارق

حست انها ظلمته لما حكمت عليه فى ظروف صعبه هو اتعرضلها

طارق:ازيكـ

فريده:الحمد لله ,, انت ازيك

طارق:الحمد لله ,,انا كنت بكلمك علشان اكلمك فى موضوع اتكلمت فيه معاكى قبل كده

اتسرعتـ فريده او ردت بتلقائيهـ او فهمت غلط ,,المهم انها ردت

فريده:انا هكلمك فى الموضوع بصراحه يا طارق ,,,انا مش عارفه اخد خطوه انت مش هتعرف تاخدها مع نفسكـ ,,انت مريت بظروف صعبه جدا ولازم تاخد نفسكـ ومعتقدش اننا هننجح سوا

ضحكـ طارق ,,فمسكت فريده الموبايل تتاكد انه طارق ,, او ان محدش دخل فى الخط ,,هى مقلتش حاجه تضحكـ

طارق:فريده انا اه عرضت عليكى انك تستنيينى لكن انا خرجت يعنى العرض ده سقط زى الحكم كده

اتفاجأت فريده من كلام طارق واتحرجت وندمت كل السلبيات اتجمعت جواها هو ازاى مبيعرفش يوعد كده ,, حستـ انها مخلوقه علشان تتخدع من الرجاله
كمل طارق كلامه

طارق:انا موعدتكيش ولو حتى وعدتكـ انا وعدتك تحت ظروف معينه ,,بس انا دلوقت مش طارق اللى خارج من 3 سنين سجن ,,انا واحد برىء

_تلك الوعود المعلقه فى الهواء من شفاه لفظتـ بها يوماً ,, هى اوجاع قلوبـ اخرى تعلقتـ بها

فريده:قصدك ايه انك كنت عاوزنى لانى مفيش غيرى كانت هتقبل بيك

طارق:ليه بتحسبيها كده يا فريده ,,انتى كانت ظروفك صعبه وانا كمان وكنت هساعدك دلوقت لازم اساعد نفسى ثم انى مش هقبل اشوف ف عنيكى نظره لوم عليا فى اى يوم

_هناكـ بشر ترفض كل الرفض التودد لنظرات آتيه من قلب تجمع به نقاء العالم فقط لانهم يستشفون فى النقاء #شوائبهم

فريده:انا عمرى ما فكرت فيك اكتر من اللى انت قولته ده ,,بالضبط واحد بيحب نفسه

طارق:كلما لازم نحب نفسنا يا فريده

فريده:عارف انا مش زعلانه لانى مش بحبك ولا كنت هحبك انا زعلانه لانى كنت خايفه ع مشاعرك ,انت اضعف مخلوق ع وجهه الارض ,, انت مبتعقبش حد غيركـ ,,مبروك عليكـ السجن بس طول حياتكـ

قفلتـ فريده التليفون ودموعها ع خدها ,,اتصدمت انها حافظت ع مشاعر بنى ادم من غير مراعاه لمشاعرها اللى دايما ظلماها …

______________________

قعد طارق ع سريره بعد ما فريده قفلتـ التليفون وكل كلمه نطقتها فى ودانهـ ,,محسش بيهم ,محسش انه جرحها كل اللى حس بيه انها انانيه وانه اتكلم معاها بصراحه وان ده حقه وانه كان هيظلمها لو كمل معاها ,,غصب عنه ,,ثم هو لا يمكن يكمل مع واحده خايفـ من نظراتها طول عمره

_ان كان عليكـ تركـ كل شىء بسبب تلكـ النظرات الاتيه من اعين ترفض نظراتها
فعليكـ ترقبـ نظرات نفسكـ لانها لن تكف النظر #اليكـــ

حسن فى الشغل قاعد بيفكر فى الجرح اللى سببه لفريده ,,قرر انه يبقى سبب سعادتها الابديهـ …

فريده مبسوطه من ردها ع طارق ,,, بس مضايقه انها بتتخدع فى النـــاس بسهوله
مضايقه فى ان الرجوله بقت صفهـ نادره ,,,, ايون صفه ,,تخلى عنها رجاله كتير

_فالرجل بالنسبه للمراءه المرادفـ للامان والوعود ,,, وان اسقط هذا الرجل عن نفسه هذا فليس من حقه ان ينسبـ لنفسه الرجوله ..

___________________________________
قفل طارق شقته وهو سايبـ فيها نفسه ,,,خارج لسجن كبير قرر انه يقفله بأيده ع نفسه
خد تاكسى من قدام بيته ,,, كل ما يبعد خطوه عن البيتـ يحس ان انفاسه بتضيق كأنه فى اوضه مقفوله ,,,

فريده اللى مبتغيبش عن عينه ,,, كأنها العقاب اللى اختاره لنفسه ,,او الصديق اللى هياخده لرحله بره البلد ,,رحله مش هيرجع منها

دخل طارق الطياره ,,اللى رفضت ان عقله وقلبه يسافروا

حس انه فعلا بيعاقبـ نفسه وابتدى يجهز نفسه لسجنه الابدى اللى معاه مفتاحه…

_____________________________

نزلتــ فريده لسالم اللى قاعد لوحده تستنى حسن

سالم:خارجه

فريده:اها ,, حسن هيعلمنى السواقه

سالم:ربنا يسعدكوا ياربـ

فريده:ربنا يخلى حضرتك لينا

سالم:بتكلمى طارق

فريده:اها مسافر

سالم:انتى مضايقه لكده

فريده:لالا وهضايق ليه

سالم:بصى يا بنتى الراجل اللى خان اوعى تأمنيله انا راجل وبقولكـ كده ,,الخيانه مره واحده ولو اتكررت مليون مره ,,الخاين خاين

فريده:عندك حق حضرتكـ

سالم:ربنا يهديلك نفسكـ

فريده:يارب

سالم:وبرضوا اوعى تستعجلى ع مشاعرك انتى لسا صغيره اوى ع كده

فريده:صح …

سالم:ع فكره انا عارف ان حسن بيحبكـ

فريده:حضرتك اانا

سالم:فكرى يا بنتى وخدى وقتك ومتستعجليش وصدقينى ,,انا عمرى ما هتخلى عندك سواء كنتى ليه او لغيره

_____________________________________

حسن:بصى انتى هتدوسى هنا وبعدين ترفعى رجلكـ براحه

فريده:كده

حسن:ههههههههههه قصرك ده هيضيعكـ

فريده:بتتريق عليا

حسن:لا انا بحب تفاصيلكـ

فريده:تفاصيلى ؟

حسن:اها انتى تفاصيلك غريبه ومختلفــــه

فريده:كل ده انا

حسن:واكتر انتى تفاصيلـــى

_التفاصيل … هى تلكـ الكروت السحريهـ واللغه الخفيه بين قلوبـ المتحابين

فريده:انت كلامك غريب اوى

حسن:انا كلامى طالع من هنــــا

فريده:ههههههههههه ايه الرومانسيه دى مش قولنا ناخد فرصه

حسن:انتى فرصتى الوحيده

فريده:ممممم مش هنكمل درس السواقه

حسن:هنكمله ,, تتجوزينى يا فريـــده ؟

تابعصفحتنا علي الفيس بوك للمزيد من القصص

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى