قصة القصر

الحلقة السادسة من قصة القصر

6



الحلقه السادسه

فى السياره

اخذ الجميع يحدق فى الاخر وداخل علبه تسمى الجمجمه يوجد عقل يفتش عن اجابات لاسئله اتعبته كثيراً وفى النهــــــــــــايه قطع هذا التركيز جمله عمرو التى حسمت الموقف

عمرو : بصوا يا جماعه احنا نروح دلوقت ونرتاح وبكره اكيد هنلاقى اجابات كتيره على الاسئله دى

بسنت: انا ولا عاوزه اجابات ولا عاوزه حاجه كل اللى عاوزاه انى اروح من هنا وحالا

نور : هنروح يا بسنت اهدى بس

احمد : يلا يا عمرو بينا من هنا وكفايه لحد كده

بدأ عمرو بتنفيذ ما طُلب منه دون تعليق او تعقيب ولكن فجأه لمح هذا الكائن الغريب فى

مراءه العربيه الاماميه ولكنه التزم الصمت مع كتم انفاسه حتى لا يصاب الباقى بالزعر ولكن

سرعان ما صرخت بسنت

نور : فيه ايه يا بسنت مالكــــــ

بسنت : انا شايفاه هو تانى والله هو بصوا فى المرايا بصوا

عمرو : اهدى يا بسنت ده اثر الصدمه بس مش اكتر حاولى تهدى ومش تبصى للمرايا تانى احنا معاكى

بسنت : اه زى ما كنتوا معايا كده فى القصر

لم يعقب احد بينما ربتت نور على كتف بسنت واخذتها فى احضانها وقالت

نور : يلا يا عمرو اطلع بسرعه من هنـــــــــــــا

فى الطريق لم يتلاشى هذا الشىء من المراءه وظل عمرو متماسك خارجيا ً بينما داخلياً

فكان كالبركان الذى ينتظر انفجاره فبك ان تتخيل هذا الشىء المخيف بعيناه الحمراء امامك

فى طريق اشد من ظلام قبر , فكانه يتابع انفاسكــــ , يحارب افكارك , تخاف النظر جانبا كى

لا تصتدم به , تود النظر فى عيناه لتعرف ماذا يريد منكــــ فتخيل نفسك فجأه يهاجمك هذا

الشىء امامك او خلفك او ربما هو جالس بجانبك لتشعر بانفاس عمرو المكتومه وفى بعض

اللحظات ينظر عمرو بجانبه لم يرى احد من الثلاث المرافقين له ولكن صرعان ما تظهر عليه

الدهشه ويبدأ بالصراخ حتى يأتيه صوت نور
نور : مالكــــــ يا عمرو فيه حاجه

فينظر عمرو بدهشه ويتأملها جيداً

عمرو : لالالا ابداً ارهاق بس

اوصل عمرو كل منهما الى بيته ورجع وحيداً لم يفكر فى كيف سيكون وحيداً طيله الطريق

فهو بالفعل كان وحيداً حتى ان كانوا بجانبه ولكن حصل شىء غريب لم يرى عمرو ذلك

الكائن منذ ان غادرت نور المكان ونزلت لبييتها فأعتقد ان ما شاهد اثر الصدمه ولكن بسنت

ايضا رأت وبسنت ايضاً شربت الكأس , كأس الدم

_______________________________________________________________

فى صباح اليوم التالى فى النيابه

العسكرى :استاذ عمرو والجماعه بتوع الصحافه بره يا باشا

وكيل النيابه : خليهم يدخلوا

دخل الثلاث عمرو ونور واحمد ولم تكن معهم بسنت

وكيل النيابه : فين زميلتكم الرابعه

عمرو : بسنت يا فندم تعبانه جداً ودرجه حراتها مرتفعه وممنوعه من النزول خالص وعموما ً احنا موجودين وشوفنا كل حاجه

وكيل النيابه : برضوا لازم ناخد اقولها واول ما تشد حيلها لازم تيجى علشان الورق يروح للمحكمه لان القضيه كده خلصانه

عمرو : خلصانه ازاى يا فندم وايه الورق اللى جيه من بره بيدين شاهين

وكيل النيابه : بقى الاستاذ شاهين كان مسافر فى الليله اللى قتل فيها عمه وطبعاً هو كان مرتب نفسه ع كده وسافر نفس البلد اللى فيها ورق عمه وفيها كمان المجوهرات بتاعته راح هناك ومقدرش يوصل لحاجه رجع

عمرو :بس ده برضوا ما يثبتش حاجه

وكيل النيابه : انا ما خلصتش كلامى يا استاذ عمرو ولما الورق ده بعتنا نجيبه من بره اكتشفنا ان عم شاهين كان كاتب وصيه بيقول فيها ان القصر ده لوريثه الوحيد اللى هو شاهين بس على شرط للاقامه وبس وعدم التصرف فيه والمجوهرات هتبقى للجمعيات الخيريه

نور باهتمام : طب واللى حصلنا فى القصر ده ايه

وكيل النيابه : البواب جيه واعترف قبل كده ان شاهين وعمه اتخانقوا جامد بسبب بيع ارض

لانها كانت باسم عمه ولكن شاهين كان ليه حق فيها وشاهين كان عاوز يبيعها وعمه رفض

وزى ما جيه امبارح وانتوا فى القصر وقال ان شاهين كان هناك وطلب منه انه ما يقولش

عمرو : بس اللى حصلنا ده مش طبيعى وليه يعمل كده معانا

وكيل النيابه : الاستاذ بعد ما طبعاً خطته فشلت فى انه يجيب الورق شاف انه اسلم حل

يجيبكوا انتوا زى ما عرفت منك انكوا جالكوا جواب مجهول وده اكيد منه وهنعرف من خبير الخطوط

احمد : ليه برضوا

وكيل النيابه : لانه كان عاوز يخليكوا تقولوا فعلا ان فيه حاجات فى القصر ويجى امر بأزاله

القصر وبكده يبيعه ووصيه عمه تبقى بح

عمرو : بس اللى حصلنا ده مش طبيعى جوه القصر انا بعد ما خرجت حصلتلى حاجات

غريبه وكمان البواب قالنا ان فيه حاجات غريبه كانت بتحصل فى القصر فى اخر ايام القتيل

بعد هذه الجمله نظر احمد ونور لعمرو نظره ذات مغذى ولكن قطعها

وكيل النيابه : والله دى مش مشكلتى انا مشكلتى فى انى احل الجريمه واتحلت والبواب

ده راجل بيخرف وشاهين اتقبض عليه

ممكن بقى نفتح المحضر علشان اخد اقوالكـــــــــــــوا

_______________________________________________________

الليله الماضيه فى بيت بسنــــــــــــــــــــت …..

دخلت بسنت المنزل وكأنها دخلت الجنه والقت بنفسها على اول مقعد قابلها

والده بسنت : ايه يا حبيبتى مالكــــــ ومال هدومك عامله كده ليه ووشك مااله

بسنت : خدينى فى حضنكــــــــــ يا ماما انا تعبانه اوى

والده بسنت : مالكـــــ يا حبيبتى قوليلى ايه اللى حصل ؟؟؟ وبعدين انتى مش كنتى قايلالى انكــــــ هترجعى بكره لانك عندك شغل

بسنت : مفيش يا ماما خلصنا بدرىواللى فى الهدوم ده كنا فى مكان كده غريب ووقعت بس ودى الوان , خدينى فى حضنك بس يا ماما

دخلت بسنت فى غيبوبه حضن والدتها لمده خمس دقايق حتى

والده بسنت : قومى يا حبيبتى خدى دش وفوقى كده عقبال ما احضرلك حاجه تكليها

بسنت : لا يا ماما انا هدخل اخد دش وهدخل انام انا تعبانه اوى

والده بسنت : معلش يا حبيبتى حاجه بسيطه بس تاكليها

بسنت : ماش يا ماما حــــــــــــــــاضر

دخلت بسنت ولكن ليس لازاله الدماء ولكن لازاله افكار ومخاوف تبحث لاجابه فى

عقلهـــــــــــــــا وتوجهت للمراءه كأنها تنظر لانسانه اخرى لا تعرفها فليله اثرت على

ملامحها فكانت تبدو شاحبه الوجه وبينمــــــــــــــا هى فى حزنها اذا بشىء يمسك بقدمها

كأنه يستنجد واذا بها تنظر اليه فتجد تلك الكائن ينقب فى قدمها بلسانه الملىء بالدماء

وهى تصرخ وتحاول الابتعاد ولكنه ملصق بها كأنها التؤام الملتصق وهى تصرخ وتلوح بأيديها

على الحوائط اذا بالمكان امتلىء بالمـــــــاء والدماء والاخر يحاول الصعود اليها فظهر فى هذا

الموقف كأنه فقد اقدمه بينما هى تبتعد عنه لتلتصق بالحائط واذا بها تشعر بهجوم خلف

ظهرها يبعدها عن الحائط ويلصخها بالدماء ويوسوس فى اذنها الى ان القيت ع وجههــــــــــا

فاقده للوعى االى ان دخلت لها

والده بسنت : يا بنتى قومى ايه جرالكـــــــــــ انتى مالك يا بنتى ردى عليا

ابتدت بسنت تسترد وعيها

بسنت : خلاص ارجوكوا ابعدوا عنى ابعدوا انا ما عملتش حاجه

والده بسنت ك يا حبيبتى انا امكــــــ انا هنا جمبك

بسنت وهى تبكى : ماما

توجهت بسنت ووالدتها الى غرفه بسنت وطلبت لها الدكتور وامر بسنت بالراحه التامه

بسبب درجه حرارتهــــــــــا المرتفعه والاعياء الشديد التى كانت فيه وطلب لها ببعض الادويه وتوجهت للنوم

_____________________________________________________________

فى سياره عمرو

نور : انا برضوا قولت كده الموضوع طلع فشنكــــــ اصلا الكلام ده كلام فاضى

احمد : بس انت جوه يا عمرو قولت انك شوفت حاجه بعد ما خرجت معنى كده انك شوفت اللى ابسنت شفته

عمرو فى دنيا اخرى ولا يستمع الى ما حوله

نور : عمرو احنا هنا بنكلمكــــــــــ

عمرو : اها انا مخدتش بالــــــــــــى كنتوا بتقولوا ايه ؟؟؟؟؟

احمد : انا كنت بسئلك انت شوفت نفس اللى بسنت شافته فى المرايا

عمرو : اه فعلا شفت بس ممكن يكون اثر الصدمه وتحدث الى نفسه والكأس كمان اثر الصدمه

احمد : عمرو انت شاكك فى حاجه

عمرو : انا مش فاهم حاجه خالص بس ادينا خرجنا من الموضوع نحمد ربنا ع كده ويلا بينا بقى على بسنت نشوف اخبرهـــــــا ايه ؟؟؟؟

نور : يا جدعان والله كلام فاضى احنا ناس متعلمه

نظر اليها عمرو بغضب ثم تابع القياده

_______________________________________________________________

شاهين فى النيابه اثناء التحقيق

شاهين : والله انا معملتش حاجه فعلا ما قتلتوش كل حاجه صح بس انا مش قتلته

وكيل النيابه : يعنى اتخانقت معاه

شاهين : اه اتخنقت معاه بس لان بنتى فى حاله خطر ولازم تعمل عمليه وكان لازم اتصرف فى فلوس

وكيل النيابه : وعلشان كده سفرت فى نفس اليوم

شاهين : انا كنت مسافر بس مش علشان الورق انا مسافر علشان ورق عمليه بنتى وممكن تسئلوا هناكـــــــ

وكيل النيابه : وشهاده البواب وكنت موجود امبارح هنا ك

شاهين : اه روحت بس والله ما قتلتش حد

وكيل النيابه : بص يا شاهين القضيه لبساكــــــ لبساكـــــــ

شاهين : انا ما عملتش حاجه والله ما عملت حاجه ما قتلتوش ما قتلتوش

وكيل النيابه : امرنا نحن وكيل نيابه الدقى اشرف مختار بحبس المتهم واكتب اسمه 15 يوم على زمه التحقيق

رئيكم بقى ؟؟؟؟؟؟؟؟

Mohamed Uonis

أعمل كمختص محركات بحث للموقع، والملك الاصلي واقوم بمتابعة كافة الالتزامات الخاصة بمؤلفي القصص

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى